SALAI VAN LIAN THANG NIH STATE CONSTITUTION OR STATE BASIC LAW TIMI KONG AFIANH MI

Salai Van Lian Thang nih State Constitution or State Basic Law timi kong a fianhmi. Nikum the 4th Anniversary of NCA (October 2019) ah Daw Aung San Suu Kyi (DASSK) nih Federal mu 5 a chim.. Cu lio cun “Pyine-Ache-khan-Upadi” timi biafang a rak hman. “Pyine-Phuihsi-Pung-Achekhan-Upadi” timi biafang a rak hmang lo. “In principle in kan pom”tiah a rak chim fawn. Ka hin rel khawh asi. hika hi hmehpiak

Cucu kan pa le cheukhat cu an rak i lawm tuk hna i a hlawk in an rak i hlawk ti awk deng khi a rak si. Cucu ka zoh i ka sia kha a rem kho deuh lo. Cu caah ”Kawl hruaitu zeimaw nih ”Agreement In Principle” asiloah “Accepted in Principle” tiah an chim tawnmi ruang hnaah saveh khuang cawi hna in cawi lo ding khi a biapi ngaingai. Legally speaking, agreement in principle is no agreement at all” tiah cabia tiang ka rak tial phah. Nikum 29 October 2019 ah asi. Ka hin rel khawh asi. hihi hmehpiak

Cu DASSK nih Federal mu 5 a chim an timi te cu an char i, tlangcung hriatlaiphu kan pa le nih tutan Union Accord (Part III) ah khumh hnuah Pyidawngsu Hluttaw nih fehter chap sehlaw a fek ngaingaimhii Federal tungtlang ah cang thai seh, ti khi an duh. DASSK bia asi, kan ti ahcun Cozah le Tatmadaw zong nih fak tukin an kan deet theng ti lai lo tiah beiseinak ngeih pah dawh khi an si.

Nain, Tlangcung hriamtlaiphu kan pa le hna le Cozah le Tatmadaw lei phu hruaitu hna cu an hun i tong hna i an hun iceih taktak tikah DASSK chimmi Federal Mu 4 ahcun an hna a tlati kho ko nain “Pyine-Ache-khan Upadi” timi zonah cun an lung an ihmu kho ti lo. EAOs kan pa le nih an duhmi cu: “Pyine-Phuaihsipung-Ache-khan Upadi” timi biafang hman khi asi. Cucu “State Constitution” khi asi.

Cozah le Tatmadaw lei nih an dirpimi cu “Pyine-Ache-khan-upadi” ti khi asi. Cucu DASSK nih nikum October 2019 ah biafang a rak hmanmi ning tein khan asi. Tikah tutan Pyidaungsu Accord ah telh khawh dawh ti lo dingin a hun taang. Tikah hriamtlaibu kan pa le zong an lung a nuam deuh lo timi kha an biachim holhrel in hmuh khawh a hun si. DASSK zong nizan hrawng a speech ka ngaih tikah a lau pah ve ko tiah ka ruah. A biachim holh rel ah hmuh khawh pah asi. Zeicatiah amah hmanmi biafang in a hram aa thawkmi asi caah asi.

Ngaingai ahcun:luancia kum 3 lioah 12 March 2017 ah tuahmi UPDJC meeting nih “State Constitution” kong cu a hna a rak tlak cangmi khi asi. Kei zong ka lung a rak tho pah ve i, Chin miphun nih “State Constitution” ahran tialnak kong a hram kan i awtning le kan kalpining vialte kha a tanglei cabia zong hi ka rak tial phah. hihi hmehpiak

Nain, cu UPDJC nih a hnatlak cangmi cu May 2017 tuahmi Zabu 21 Panglong Khawmpi ah an tlakpi tikah a thi tthan. A lan kho ti lo. “Rampi in kan chuak lai lo timi “Non-Secession Clause” min nan thut hmasa hnu lawngah kan in onh hna lai” ti khi a rak si. Cucu Tlangcung miphun kan pa le nih min an thu kho ve lo. Cuticun bia i ruah kho ti loin saupi an hun um hnuah tutan ah thil a hun cang tthanmi hi asi. Kanpa pakhat nih cun ”dengmang te ah kan tlolh” a rak ti kha mu. Kei nih ”kan tlolh nain kan sung lo” ka rak ti ve kha mu. Ka hin rel khawh asi. https://www.facebook.com

Keimah hmuhning ahcun: ”Pyine-achekhan Upadi” timi cu “State Basic Law” kan ti ko lai. Cucu “Form of State le Form of Government” timi “structure” lei khi aa huap chihmi a lo deuh loh. “Pyine-Phuihsingpung-Achekhan Upadi” timi cu “State Constitution” kha asi. Kan mah tein “State Hluttaw, State Government le State Judiciary” vialte suainak nawl a huapmi “State Machinery or State Structure” tiang a huapmi khi asi. Cucu Tlangcung miphun nih kan duhmi phun cu asi.

Zecatiah Genuine Federal system ahcun Cozah a tlawmbik phun hnih a um, pakhat cu “Federal Government” le a dang cu “State Government” an si. Cun Phunghram phunhnih a um, pakhat cu rampumpi itawlrelnak caah “Federal Constitution” le mah le ramkulh cio itawlrelnak caah “State Constitution” kha an si. Cu bantuk “State Constitution” timi dirhmun cu tutan ah an kan sianh lomi bantuk ah khin a hun cang. Tatmadaw lawng asi lo, Cozah hrim nih an kan sianh lomi kha a hun lo.

Cucu anmah in biahram a rami kha asi lo. Nikum the 4th NCA Anniversary lioah DASSK bia “Pyi-ne-Ache-khan Upadi” timi in bia in aa thawkmi kha asi. Amah bia kha fek tein an dirpimi le an itlaihmi cu asi ko in a lang. Cucaah tutan thil a cangmi kongah DASSK bia in aa thawkmi asi, ti hi fiang tein kan hngalh a hau ve rua ka ti.Ka chim duhmi cu: hmurkaa thlum tein thil pakhat fiangual fiangual loin tlangcungmi kan caah a tthami bantuk an chim tikah i lawmh tuk colh lo ding hi asi. Hnuah kan duhning in thil a kal lo tikah kan ngaih hna a chia tthan tawn i ralrin a ttha ngaingai.

Thil biapibik cu: NCA process (extra parliamentary process) zongah Tlangcung miphun thazaang a tthawn hi a hau. Cun Electoral Process (Parliamentary Process) zongah Tlangcung miphun thazaang a ttthawn hi a hau, timi hi asi. Pakhat thazaang pekin pakhat pek lo khawh hi asi lo. Tu hrawngah hi pahnih hi anmah le anmah Peace Process ah kehleng hna an iphelh i an i pheu pah bantuk hna in an um ti hna ka theih pah i ka lung a ttha lo ngaingai. Hi pahnih hi tthen khawh an si lo.

Thil dang veve in kan tthen sual hna ahcun cucu Kawlram tlangcung miphun dohthlennak umtuning kha kan pemh taktak lo ruangah asi, tinak asi ko. Kan dohthlennak kongkau ah tipil in tthan kan hau hna lai tinak khi asi ko. Tlanglawng hi lam dang veve hna in an ratnak lam hna aa dang men ko lai. Nain, hi tlanglawng pahnih nih phak an itinhmi hmunhma hi aa khatmi te asi. Keimah theng nih salu ka tlunpi lai timi ruahnak zong ngeih awk a si lo. Rilipi ah thlichia hna hi hrang pah tawn i, lungrual tein hmunkhat tein kutsih in an kalti a hauh caan hna hi a tam ngaingai. Hi pahnih hi tlangcung miphun ca ahcun “pakhat an si” tiah thazaang kan pek thiam hna lawngah kan phak duhmi hmunhma hi kan phan kho te hna lai. Laknak: Salai Thawngpi/Ramthlo

Be the first to comment

Leave a Reply

Your email address will not be published.


*