SALAI RAM TINTHEI: NLD DIRHTU FOUNDERS ASI MI HNA

NLD dirhtu founders asimi hna; Brigadier General Aung Gyi, General Tin Oo, Colonel Kyi Maung, Brigadier General Aung Shwe, Captain Win Htein (atu mihuaisen NLD U Win Htein) tepawl DSA chuak Kawl ralbawi hlun lawngte an si. Daw Suh zong Kawl tangah a kan luhtertu General Aung San fanu asi thiamthiam.

Kawl le Kawl karlak i thutdenh icuh ruangah ralkap in dawimi le phuahmi pawl, a phuahtu le a thawltu hna pawl lehrulhnak ah; 1988 a hun chuak i Democracy aa titermi (tuphaw aih cenghngia) lawngte an si.Tlangcungmi hna a chanchan in namnehtu, an kut ah thisen aa nehmi lawngte, “Federal cu rampi in chuahnak asi” tiin ralkap le Kawl cheukhat hna thi a ronhtu an si.

An party kalning hrim zong siseh, an hrihram in Central Tlaihhip Uknak a uar taktakmi, Order a uar taktakmi hna, Tlangcungmi he tlukruannak a duhlo taktakmi hna rual nih dirhmi le hruaimi Party nih Tlangcungmi vialte i kan khelmi Federal cu an kan pe duh hnga maw mu.A cian deuh sual ahcun ka ngaithiam uh; tuanbia dik asi ko. Salai Ram Tin Thei

Relchih:UK cozah nih CHRO kha request an kan tuah caah tuchun August 11 ah internet in UK Embassy Rangoon, le London in Department For International Development DFID, le Foreign and Commonwealth Office I Political Officer pawl cu CHRO Hakha in Salai Za Uk Ling le Salai Sang Hnin Lian he tonbiaruah nak an nei kho.

Abik in Rakhain ram I a ummi Chinmi hna dirhmun kong ah thil sining fiangfai in theih an duh caah CHRO sin ah meeting request an kan tuah mi asi.Kan hnu Zarh ah khan American cozah ramdang lei pehtlaihnak office US Deparment of State le CHRO cu Southern Chin State I thil sining kong ah biaruah nak kan nei kho hna.

Tuzarh ah UK cozah nih Rakhain ram I aum mi Chinmi hna dirhmun fiangdeuh in theih an duh caah briefing kan pek than hna.Atu bantuk in kan miphun runven nak ah theih a herh mi ram pical cozah asi mi US, UK ti bantuk pawl nih meeting request an kan tuah mi hi lunglawmh phu ngai asi.

A hlan kum zeimawzat lio ah cun kan mah nih kan miphun kong chimh le ruah kan in duh hna tiah har le fe in appointment kan rak tuah hna I phaisa tampi dih in le can thlau in kan rak kal hnawh tawn hna.Kanmah kan miphun kan kong hi kan politician cheukhat pawl le biaknak lei kan hruaitu cheukhat nih nih an thei ngaingai hnga maw? Cun theih tah an itim hnga maw tihi a cancan ah ka ruat tawn. Salai Bawi Lian Mang