Salai Lungthli Tum Nih Sayaci Kongah A Chimmi Hi Biahmanh Taktak A Si.

Hakha Campaign For Justice(HCJ) nih biahrang ngai in Hakha GTI sianguk Sayakyi Tluang Za Thang cu ‘last warning’ an pek hoi. Zapi theih in an thangchiat hi a voi tam pah cang. Atu warning an pek ning lebang cu a nunnak ca hmanh ah tihnung ding phun khin a um.

Amah lawng mah ti warning an pek lengmangmi zoh tikah CDM a tuah lomi hi amah lawng maw a si hnga ti awk in a um. CDM a tuah lomi an tampi ve ko buin zei ruang thengte ah dah amah lawng hi hi tluk tiang in tihnung warning an pek lengmang hnga? A caan sunglawi kum caan tam taktak pek in ca a cawng i PhD tiang a ngah hnu ah a hmuhmi riansang kaltak ding cu a fawimi a si lo. A dirhmun ah um cio ve u sihlaw kan i harh tuk cio ko lai. Min Aung Hlaing le ralkap uknak cu kanmah tluk tein a huat ve.

lai. Kanmah nakin a letza in miphun caah caan saupi rian a tuan i thahnemnak a tuah cangmi a si. CDM luh lo ruang ah hi tiang warning pek cu a dik tiah ka ruat lo. Sayakyi Tluang Za Thang le a dang cozah riantuantu hna hi Min Aung Hlaing nih rian a pekmi an si lo, an huat tuk ko buin thim awk an ngei lo caah an rian an kaltak ngam lo hi a si.

Pu Ngun San Aung, Ngun Cung Lian, Rungtlang ralkap le Hakha palekbantuk khi MAH nih rian a pekmi an si. Mah minung an sinak fiang taktak in an langhter lengmang ko. Kan ral a that taktak ko ahcun kan ral taktak a simi anmah paw tu khi warning pek awk cu an si.Ka tei lai tiah ngamh deuhmi le thazaang der deuhmi lawng warning pek lengmang hi cu ralchia pawl rian a si, ngol caan a cu cangan khua cia ah kan ral taktak an lor, zei kan ti ngam hna lo. Mizoram kan zam dih manh. Nain, kan zamnak hmun in kan raltaktak a si lomi kanmah kan unau lila kha thah ding tiang warning pek lengmang hi cu ngol cang u sih.

Crd-Salai Lungthli Tum

Be the first to comment

Leave a Reply

Your email address will not be published.


*