SALAI LAIRAM THANG: SANDAH PIAH TIKAH THEIH AHARH MI 7

Sandah Piah Tik Ah: 1. NLD he a pehtlai mi thilri paohpaoh hman lo ah a tha. 2. NLD he a pehtlai mi thilri kan hman tik ah ramdang mi hmuhning ah NLD party lawng nih tuahmi ah rel sual a fawite. 3. Poster kan taar tik ah mirangca tampi in telh chih ding, vawleicung pumpi nih fawi tein hngalh khawh colh a si. 4. Palek le ralkap he nan iton tik ah an thinhun ding in au hnawh lo ding. Bia chiakha hman lo ding.

Panganak. Palek le ralkap pawl kha dinti le pangpar zong pek khawh i zuam ding. Mipi lei ah ttang kho ding tiang in an lunglaak khawh izuam ding. 6. Ralkap le palek cu mipi vengtu nan si, mipi nih lahkhawh pekmi nan si caah mipi lei nan ttan ding a si tiah nemte in chimh khawh i zuam le an lungfiannak ding in chimh izuam ding. 7. Cozah thilri siseh, mipi thilri siseh hrawhhral nak tuah hrimhrim lo ding. Credit: Salai Lairamthang

Thawngpang Thar:Myatwati Buainak Ah KNU Ralkap An Lut. Cherry Htet Adam. Salai Aung Min Hliang Le CNLD Nih Minister Post An Pom Duh Lo.( Kawlram Buainak Kong) Myanmar ram Ralkap nih Uknak an lak dih hnu in tuchunni tiang Yangon, Mandalay, Nyphidaw le ramchung hmunkip ah Mipi duhlohnak langh ternak an neih pinah Vawleicung hmunzakip um USA, Australia, Canada, UK, Japan, Thailand le India etc. zongah duhlohnak an tuah dih cang.

7/2/2021 ah Karen- Thailand ramri Myatwati khua Sandahpiah(ဆန္ဒပြ)nak ah Mipi le Palik kar ah buainak a chuah caah Police nih meithal an kah caah, Mipi cu hmunkip ah an zam i, Cu tlawmpal ah Karen Ralkap KNU pawl Myatwati Khuachung Sandahpiah nak ah an lut i, Mipi nih Palik pawl kap dingin an fial nain an kap hna lo i, remdaihnak an tuah hna tiah theih asi(RFA). Daw Aungsan Suukyi bodyguard Officer Mai Cherry Htet (Zo tung Chin)cu Suukyi an tlaih lio khan, Pistol phawiin thihngam in khamh atimh ca’ah an tlaih ve.

I, Nyphidaw Ralkap Command ah an chiah hnu in thlah an timh nain a duh lo i, Suukyi sin ah rak ka chiah uh ati caah No. A-33 Yeyah Thirih block, Myatnanbung Rd, Nyphidaw i Suukyi taannak ah an chiah ve tiah minchim duhlo ral bawi pakhat sin in theih asi. (Mizzima) Dr. Sa Sa cu Ralkap nih Aana an ting hnu tlawm pal ah Mizoram Saiha lei ah a zaam i, India ram Ralkap Camp ah aa thup i, ziah sualnak a tuah lo ah cun, a zam ne.. Mi dang zong an zaam tung hna lo tiah Matupi News lei nih an chuah.( Un-Comfirm News).

Ralkap Cozah nih February 3,2021 khan CNLD Party Hruaitu Salai.NgaiSak cu Union Ralkap Cozah CEC chungtel si dingin an sawm i, CNLD EC meeting ah an ceih nain a tam u nih an duh lo caah an pawm lohnak caa an kuat tiah thawng theih asi. Hi ruangah CNLD zong zei mawzet aa hnin rua! Cun, Asho Chin National Party i an General Secretary Salai Aung Min Hliang zong Ralkap Cozah nih Union Deputy Minister of Ethnics Tribal Affairs ah chiah dingin an sawm nain, CNP(Asho-Chin) nih an pawm loh tiah theih asi.

Salai AungMinHliang hi Asho Chin Mifel tak tak asi i, 1984-86 hrawngah khan Mandalay Chin University Students Union ah Chairman a rak tuan.Salai Van Lal Siam(Falam) cu Secretary a rak si. (Hakha- Thantlang, Falam, Teddim, Matupi, Mindat etc. Saya Zapeng hi an Advisor a rak si i, Saya Hmun Lian le Saya Thangrem Hriphi le Thantlang MP ai cuhmi (DK+NPeng)Mino a hawi le pawl zong an um tung ko khah).

1988 Ayikhin lio zongah a rak i telmi asi i, Chin Miphun a duhdawt ngai ngai mi asi. A pa hi cu lio cun Tonzang ah High School Headmaster a rak tuan i, Falam zongah a rak ka tlawng bal.Tulio Taingyinta Kachin, Karen, Shan Leaders pawl nih cun, Ralkap Cozah an si pengah cun, kanmah tein Self-determination Uknak kan phuan lai tiah an chim cang. Taingyinta cheu nih cun, Ralkap Cozah he tuanti dingin pehtlaih nak an tuah cang.

Cu hna cu, USDP, NDF, NDP, KNP( Karen),ANP( Rakhiang)le MUP( Monn) Party pawl an si. Chin State in Chin National Hero Pu. Vumtumuang fapa Pu. Muang Ha cu Ralkap Cozah CEC member bawi ah an chiah i, Dr. Nikhuai fapa Pu. T San Mawi cu Chin State Chairman(CM) ah an chiah cang. Tlawmpal ah Chin State Ministers thar ding pawl zong an min a van lang cawlh lai. Ruah bal lo mi pinah Thantlang leiin Dr.min zong a lang pah ngai an ti.Zeipoh asi ah Ralkap Cozah cu a ho Myanmar Mipi nih kan duh lomi asi cio ko i, ralrin thiam tein um le thutto i zuam cio ko hna usih. Credit: MC Biklian

Be the first to comment

Leave a Reply

Your email address will not be published.


*