SALAI BAWI LIAN MANG: NANGMAH KAN TEIMI ASI LO

Nangmah kan tei mi a silo. Chanthar Chin politics ah mi a hliphlau cem tu pakhat asi mi cu Pu Lian Uk asi kan ti ah cun a al tu an um tuk theng lailo dah. Atulio I Burma ram politics, abik in tlangcung mi hna nih kan duhmi, ah a lar ngai mi le alin sa ngai mi Federalism timi idea Chinmi cathiam phunttanh “educated nationalist” lak ah a len tertu kanpa asi.

Federalism hi Burma ram ah kan hman awk asi tiah Gen. Ne Win sinah ruahnak an rak pek ruangah Ne Win hruaimi Socialist cozah nih amah he Chinmi mifim cathiam le ramdaw phunttanh mi tampi thong an rak thlak hna.Pu Lian Uk hi Politics ruang ah thong zong atla bal. MP zong ah Hakha nih 1990 kum ah kan thim na in MP cu a ttuan manhlo.

Kawl ralkap mihlattu nih tlaihding in an kawl caah Political Asylum in India ram le USA ah kum zeimaw zat a um hnu ah kan ram a kir than I CNF Supreme Council Chairman zong attuan.Minphun a daw mi asi caah atheihhngalh a hmuhtonmi a tam I, a theih hngalhmi akau. Apawng um a nuam.

Achimmi bia ah hin Roling bia le roling thil an itel lengmang. Chanhnu chanhmai a pehtonh kho tu asi. Amah he biaruah cu encyclopedia cauk kau bantuk asi.1990 Election lio ah khan Hakha constituency in Pu Van Kulh he an rak itong (Compete timi mirang holh hi an icuh tiin kan chim tawn mi khi kasia arem deuh lo.

Biadang vun hman awk le ka hngal fawnlo I an itong tiah ka ti). Pu Vun Kulh cu a tei I amah Pu Lian Uk cu MP ah atling.Pu Lian Uk nih MP I candidate a luh nak le Pu Van Kulh a tei nak kong cu hitihin a ka chimh. Pu Van Kulh (Sui Em pa) cu election thaizing ah akut kavatlaih ati.Pu Van Kulh nih cun hmaipanh te in “Aa na ka tei” tiah a ka ti e ati.

Kei nih ka thawh I “Sui Em pa, nangmah kan tei mi asi lo. NUP (National Unity Party) Hakha mipi nih kantei mitu asi e” tiah ka ti ati.Mah cu achimmi thil sining cu ka mitthlam I ka hei cuanter ah khin adawh ngaimi Chinmi kan pa le pahnih Patling, Pasal ansinak alang ngaingai tiah ka ruah.Kanpa Pu Lian Uk he Camp Victoria i kan hmanthlak ka vun tar chih. Credit: Salai Bawi Lian Mang