SALAI BAWI LIAN MANG: MEITHAL PAR TINH CIA BAK IN AN RAK KAN CONGH

Tutan ah Salai Bawi Lian Mang nih Sianghleirun exam an tuah lio i socialist cozah nih order an rak chuah mi caa a van tar, mah order hi kan pa le mifim tampi an nun a vaivontu order pakhat asi. A tanglei ah Salai Lian Hmung Sakhong nih kawmen a pek mi zong kan rak chiah chih, order an rak chuah mi hi rak zoh ve cio u.

The tipping point By Salai Bawi Lian Mang: 1987 Sianghleirun exam kan tuah lio ah mah hi order hi Socialist cozah nih an rak chuah. Hi order hi a diklo mi asi tiah Chin Sianghleirun sianghngakchia nih biatak te in rak doh asi. Mah cu Lai Siang hngakchia cawl cangh nak cu 1988 popular uprising i a tihna asi ti khawh asi. Thang Lian Pau zong a rak itel hrulhhralh ve.

No photo description available.

Thang Lian Pau hi ZNC in 1990 election ah MP atling i a hnu ah Manipur lei aphan i ZRO chairman a ttuan. Cu lio I a kan hruai tu hna cu Salai Van Ram Uk (Atu ah cun Sayadaw Dr. Ba Oo ai ti cang), Salai Khua Uk Lian le adangdang kan u le hna an rak si. Chin sianghngakchia nih Rangoon University campus chung ah nawlnei tu kha an awlawk kan rak chonh tuk hna I Education minister Dr. Kyaw Nyein,

Burmese Socialist Program Party in chungtel kanmah Chin mi asi mi Pi Ciang Za Dim hna nih Higher Education Hall ah Chin Sianghngak chia cu bia an rak kan ruah. Cu lio ah cun a bik in kan u le kan far le sianghgnakchia nu pawl kha socialist minister holh kho lo lak in a rak tuah tu an si. Socialist cozah nih Rangoon in Mandalay tiang tlanglawng a lak in a kan cit ter.

Mandalay in Kalay Myo tiang vanlawng a lak in a kan cit ter i in ah an rak kan tlun ter. Judson center in Rangoon railway station kar kan kalnak Prome Road lamthluan cu kawl ralkap nih meithal lawtcia in an Congh. Railway station kan phak ah Aung San stadium in railway station cu meithal par tinhcia in an congh.

Communist phung, Socialist phung le ralkap uknak hi a ttha lo ticu ka rak pom ko na in, Socialist cozah le ralkap cozah, Ningcanglo in mi a rialdit mi cozah doh nak lam ah lakhruak in a ka nam tu hi mah hi order hi asiko rua. 1987 le 1988 kan siangin kai kha cozah minung he I hauh le I dawi lawng kan rak rian ko rua ti awk in.

1987 September 5 ah phaisa an thah. 1988 September 18 ah ralkap nih uknak an lak I Ne Win hruaimi Burma Socialist Program Party (BSPP) Chan a dong.  Salai Lian Hmung Sakhong nih kawmen a pek mi: Kan nunnak kan life vialte arak thleng dih mi ca asi. Kha ca i min athu mi pawl le order achuah mi pawl nih, hi order an chuah ruang ah minung nunnak zeizah riamruam dah kan hrawh ti an ni thei hnga maw?

Be the first to comment

Leave a Reply

Your email address will not be published.


*