RUAH LOPI IN BOCHANMI REV. PAUL TUM CEU NIH A KAN LIAMTAK

Apoituk Hringhran ko. Laimi nih kan i bochan taktak mi Rev Paul Tum Ceu cu tuchun suimilam 11:20 ah a nunnak aliam tiah theih a si. Rev Paul Tum Ceu hi kum 59 lawng asi rih mi a si. Atu bantuk in a nunnak aliamnak hi amah apumsa damlonak ruangah asi tiah an chim. Rev Paul Tum Ceu konglam tlawmpal kan vun langhter chih.

Rev. Paul Tum Ceu cu Hakha khuami Pu Ral Hu le Pi Ngun Tial hna nih kum 1961, November ni 11 ah an hrimmi a si. Rev. Paul Tum Ceu cu kum 1988 kum ah ZTC, Falam ah B.TH a dih hnu ah, kum 2000 ah ABS, Manila (Philippines) in M.Div a dih mi asi. Aliamcia kum 1988 kum April nikhat in kum 2018 tiang HBC ah pastor rian attuan.

Rev. Paul Tum Ceu cu a liamcia kum 1991 ah Ordination a hmu. Rev. Paul Tum Ceu cu CCOC chan 1988 ah Town Gospel Team Leader a ṭuan. 1991-1992 tiang HBC ah Church Secretary, 1992-1995 ah HBC Acting Senior Pastor, 1994-1995 ah HBC Vice President (Part time) 2001- 2003 ah HBC Senior Pastor, 2003 – 2005 ah ZBC Assistant Treasurer rian a ṭuan.

Kum 2006 -2009 tiang HBA ah Assistant General Secretary a ṭuan i, 2009 – 2015 (term 2) tiang HBA ah General Secretary rian a ṭuan. 2015 in pension a lak tiang HBC Senior Pastor a ṭuan. Rev. Paul Tum Ceu cu taksa ngandam lo ruang ah amah kum 56, Pastor rian a ṭuan kum 29 a tlin ah HBC nih Pension an hal piak i HBA nih 2017 July 1 ni ah Pension an pek. Atu lio zawtnak tthalo ruang ah zeitik ruak fim a si lai aa fiang rih lo. Tantakmi chungkha bawipa nih hne ko hna seh. Chirhchan: Lian Hakha

Be the first to comment

Leave a Reply

Your email address will not be published.


*