REV. DR. AUNG MYINT THANG NIH A INN PI A HLANH HNA, ZOHCHUNTLAK

Rev. Dr. Aung Myint Thang sin lung lawmnak Chin Covid Care Center- CCCC. Quarantine center kan ngeih lo ahcun kan si thiam bak lai lo tiin kan lung a rak fak peng. Kawlram rambuai ruangah Yangon ah quarantine center a hau hman nih an on ngam lo ruang ah lung awtawm in kan um peng hna.Atu Chin mi dihlak huap Chin Covid Rescue Team (Joint program) cu dirh a si bak in quarantine center cu a har tuk bu zong ah tuah ding in biachahnak kan ngei.

May be an image of grass, tree and sky

Khoika dah ka tuah khawh lai tiin lungrethei kan um lio ah, Chin mi dihlak i kan pa pakhat a si mi Rev. Dr. Aung Myint Thang nih ‘ka innpi hi hmang u’ tiah a kan ti. Kan miphun chanhchuah nakding ahcun, zei bantuk harnak le hna hnawhnak paoh kan suk khawh ko lai, Kan mipi hna thih hi lungfah nih a celh ti lo tiah a kan ti. Kawlram ah second wave le third wave kha thla 4 lawng a rak i hlat,

May be an image of 3 people, beard and people standing

Rambuai lio a si bantuk in third wave hi fak tuk in kan tuar, third wave le fourth wave hi aa peh sual lai ti hi thinphan dai lo in kan um, Cu lio i kan miphun chanhchuahnak ca i mission lian cem a si mi quarantine center pi cu Dr. Aung Myint Thang hmang in Pathian nih a kan pek.Miphun le a minung hawi hna caah hi tluk tihnung rai, ah campus chung tiang raltha te le siang te in a kan hlantu Dr. Aung te chungkhar Pathian nih thluachuah pe ko hna seh. Quarantine center min cu CCRT nih Chin Covid Care Center (CCCC) tiah min pek a si. Credit:Thawng Tha Thang

May be an image of one or more people, people standing and indoor

Relchih Thawngpang dang:Ralhrangbu Nih Phungki Pawl Gate Cong Dingin An Ti Hna Ralhrangbu nih Phungki pawl cu Mandalay khuachung check-gate congh dingin an ti hna tiah theih a si. Hi kong hi August ni 13 ah ralhrangbu hruaitu hna le Mandalay phungki phu pakhat Sangha Mahar Nayaka (သံဃာ့မဟာနာယကအဖြဲ႕) he an i tonnak ah hnatlaknak an ngeih mi a si. Ralhrangbu hna nih Mandalay peng 5 chung, ralhrangbu check-gate pawl ah phungki 30 congh dingin an ti hna nain phungki phu lei nih gate pakhat ah phungki 3 congh dingin kan lung a tling tiah an chim.

Hi kong he pehtlaihin ‘ka theih bal mi le a um bal mi thil zong a si lo.Runvennak lei a si zongah ralkap le palek an um, ngandamnak lei an ti zongah sii riantuan hna an um.Atu bantukin phungki hna nih gate an congh lai ti mi hi cu a si kho lo mi a si.Ralhrangbu nih hin kanmah phungki kar lawng si loin kanmah le mipi karlak ah i theihthiam lo nak le i rem lo nak dingah an tuah hramhram mi a si.

Gate congh le phungki cu zeihmanh pehtlaihnak a ngei lo.Meeting an tuah i biachahnak an tuah mi cu a si. Nain, kanmah nihcun kan duh lo mi le kan doh mi a si tiah Mandalay Masoyeing phungki inn in phungki pakhat nih a chim.Ralhrangbu nih zeitin phun in conghter ding le zeibantuk caah an hman hna lai ti mi belte cu fiangfai in theih khawh a si rih tiah theih a si. TCP

Be the first to comment

Leave a Reply

Your email address will not be published.


*