RELCIO UH KAWL TANBO BAK AN RAK SI KO HIH USDP LE NLD CU

Chinram NLD le USDP Cu Kawl Party Tanbo An Si. NLD le USDP party cu Kawl miphun nih dirhmi le hruaimi party a si caah Kawl party an si. CNLD party cu Chin miphun nih dirhmi le hruaimi party a si caah Chin (miphun) party a si.NLD le USDP cu tlangcung mi hrambunh in dirhmi an si lo caah Chin Party an si kho lo.

CNLD party cu Chin miphun hrambunh in dirhmi party a si caah Miphun party a sinak cu a si.NLD le USDP party cu an party phunghram suaitu le dirhtu ah Chinmi pakhat hmanh an i tel lo caah Chin party an si kho lo. NLD central committee ah Chinmi pakhat hmanh an i tel lo caah NLD party (ownership) ngeitu taktak an si kho lo.

CNLD party cu Chin miphun nih dirhmi le hruaimi party a si caah a ngeitu zong Chin miphun lila kan si.Chinram NLD le USDP cu central committee Kawlmi nih ukmi le hruaimi lawng si loin Chin miphun party dohtu ah an hmanmi le chak an renghmi hna “Tanbo le hriamnam” ceo khi an si. Biafak deuh in kan chim ahcun Chin miphun party thi dawptu Cangvat an si.

Chinram NLD le USDP cu Chinmi an si ve ko, nain Kawlnu/pa lei ah tang in chakrengh chommi an si.Chinram NLD le USDP party cu anmah ke te in a dirmi si lo in Kawl party, Kawl lungput, Kawl thluak le ke cung ah a dirmi an si. CNLD party cu Chin lungput, Chin ruahnak le Chin thluak he dirhmi a si caah Chin miphun party a sinak cu a si. Zalongte in Comment le Share tuah khawh a si.Credit: Salai Holy Tawk Tling Thang

US ah Ti Apammi Kong:Kansas tiva ah a tlami Nute Rebecca Van Sui Par a ruak cu kawl chuahmah lio asi.Chungkhar he zaangdam tein i dinhnak caan nuam tein an hman ṭi lio hna caan ah ruah lo tuk in a tu bantuk thil hi an ton mi asi. Kansas City Emergency hlawmtu tuanvo ngeitu pawl, Fire Department lei nih August 23 zaan tiang ah a ruak cu kawl len asi nain an hmuh kho rih lo.

Chungkhar cu ngeihchia lung sivang in an tuar lio asi bantuk in a rau hlan ah Rebecca Van Sui Par cu hmuh kho siseh law tiah ruahchan asi. Nute i a Ta asi mi Dawt Uk nih cun ngeihchia lung kuai in cu a far nute ti ah a tlaknak hmuh cu a va veh peng ko. “Kan ngei zungzal lai, a rau hlan ah hmuh than kan duh ko ee” tiah a Ta nih cun a chim.

Assistant Fire Chief, Scott Hawley nih chimnak ah cun “Nute le a chungkhar cu tiva kam ah caan an va hman khi asi. Cu lio ahcun lentecelhnak an pumpaluk kha ti chung ah a tla i cucu Rebecca nih cun a va lak. Ti tanglei tha nih nute cu a lak i a tlak behnak hi asi lai, cu ahcun a Ta le a dang pahnih nih Nute cu khamh dingin an zuan hnawh ko.

Cu lio caan ahcun Nute kha ti nih a lak caah a dang chungkhar pawl nih bawmh le chanh khawh an i zuam ko nain an ti kho lo” tiah Hawley nih cun a chim.A bawmhtu pahnih lila zong cu ngatlai tu pawl nih an hun chanh chap ve hna i siizung ah kal pi colh an si. Sihmanhsehlaw Rebecca cu a um ti lo. “Ka khuaruah a har tuk” tiah a pa te Dawt Uk nih cun a chim.

Zeitin dah ka tuah lai ti zong ka thei lo, ka tuah kho mi cu an ca ah thlacam piak lawng asi” tiah ati. Nute ti a tlak ni zarhte zaan thok in khan zarhpi ni chun nitlak kawl asi ko nain an hmuh kho rih lo. Burmese Community zong nih chun zaan it lo in an hngah pi hna. “Duh a nung tuk mi Community le thazaan pe tu Comminity an si. Kan caah thla an kan campiak, kan ngeihchiatnak an kan tuar pi” tiah Dawt Uk nih cun a chim.

Nute cu hngakchia asi rih ko nain Pathian aa bochan tuk mi asi hlasak hi a huam mi asi tiin a Pu nih a chim. “Laam le kui a huam phun asi i hlasak zong a huam ngaite” tiah a Ta nih cun a chim ve. Nai te ah khan hla thar aa tuah mi aum i mipi sin hmuhsak te ding zong timhlamhnak kan ngei nain atu cu kan tuah kho ti lai lo tiah a chim chap.

A rau hlan ah hmuh kho zokzok ding le dai tein aa din khonak din caah ruahchan asi. “Kan dawt, kan zohthla, kan awthlam te ka ngai zungzal lai” tiah a Ta nih cun a chim. Hawley nih a chimnak ah cun Kansas um khoika tiva hmanh hi ke in tan awk ah a him lomi an si tiah Fox4kc cherhchan in theih asi. Credit: CCNC

Be the first to comment

Leave a Reply

Your email address will not be published.


*