RAMTTHA KAN TIMI TAKTAK CU MAH HIHI BAK HI ASI KO

Ram Ttha Timi Khui Ah: Ram tha kan ti mi cu uknak tha hi a si. NLD hi uknak tha a si maw? Sihlah e ziang saw? Miphun dang kut hnuai i luh nak lam zin pi bik a si cu lawng a tawk maw? tawk hlah e Hnam hloh nak Tonghloh nak Ca laihloh nak le Biaknak sakhua hloh nak ih inhruai tu lam zin pi a si. Lamzin tha dang a um maw?

Um e mai miphun party maitong cawisan nak party maicalai thansoh ternak party mai Biak nak humhual nak par cu mi umsun cu Chinmiphun party CNLD hi fam teh.miphun party lo i a hna tuan mihi cu thazet vek ih lang si in a tawp ah miphunhlo hnamhlo calaihlo Biaknak hloh nak lam i mi hruai tu le mikut tang ih um nak lam ah mi a hruai tu a si

Miphun hnamdangparty hi a lenghmuh nak ah cun an tha tuk lawmam i cui ruang ah Chin pacang mifim si hmang kan ti mipawl khal in an thei thiam thei lo i an mi le an fa sataan nak lam ah in hruai cuah co cu a si hi kan lungfim hlan ah minung ziangzat tak in luh pi man hai kei maw? tui sun i taangka thawn lolem rero tu miphun hnamdang party i um pa kha dangnal zet le lo zaangfah zet vek in thu tin tian a lo ruah ding nan na hrang ah siatral nak lam i lo hruai tu a si ti kha rak thei aw.

Miphun party a si lo mikhan ramhrang ah thiltha a thlen in a suah dah lo ding ziang ruang ah?Na miphun party lo nabuai pi i na rak vote ih nabang mi cu ziang a si? Rampai ti op tu Arpi vek kha na si.Ar pi in Rampai ti a op a op i an hung keuh duatzet le rethei zet in rawl a hawlpi Khau in a deh ke ti phang ah thih hman tih lawn a kil i a hum hai an hung puitling vivo i an maisi nak mizia kha khui hman ah hlon theih a si lo ruang ah cui a fa te pawl cun tidai an hmuh ve ten tisung ah an dawp san thluh i an pi cun tingaih nak thei lo in titlang in a hel zawk rero.

Nan an picu zianghman ah an siar nawn lo an hung upa deuh deuh i an pi cun ziangvek in ngaih ven khal seh la ngaihsak le a zoh hman an zoh duh nawn lo maimiphun lo hnen ah cun ziangtluk in kanvatang i kan va kop khal a si le tawpcin mang bang van sang i um cin le sir awk cin cu a um lo thei lo ti cu a fiang ho khaw.

Cui ruang ah kan miphun kan hnam party lo ah cun ramthat nak miphunthat nak hmaisawn nak thleng dang lam awk nak ziang tik hman ah a thleng lo hrimhrim ding ti kha kan theih a poi mawh tuk Chin miphun lung rual nak CNLD party lawng ah lungrual nak miphun damnak zalen nak taktak a thleng thei asi. Credit: Van Cung

Be the first to comment

Leave a Reply

Your email address will not be published.


*