RAMCHUNG A UMMI CAAH A BIAPI TAKTAK MI A SI HIH

Kyat 10,000 ca -Thonghra ca a deu a chuak. A tam tuk ramchung ah an zamh cang. I ralrin a hau. Ramchung ah 10,000 ca adeu (atuh/alem) hi online zong in tampi an zuar. I ralrinlo ahcun tlaihkhihnak ton a fawite.Hi phaisa deu in thil a cawmi tlaih ahcun Myanmar Penal Code 489 (A, B, C, D) ning in kum 3 thongthlak a si lai. Cun hi phaisa deu a chuahtu le a zuartu (a cawzuartu) cu Central Bank of Myanmar Law (2013) i Pohmah 106 le 107 ning in kum 7 in kum 20 tiang thongthlak khawh a si.

Caah bank i phaisa cash in zatuak (percentage %) fawite in an in zuarh hna zong ah i ralrin a hau.2013 ah thongkhat ca adeu a chuak. Singapore ah riantuan mi Kawlnu a rak tlawn lio ah Bago ah a hman i kum thum thongthlak ding in an tlaih. 2016 zong ah thongnga ca adeu a rak chuak, atu thonghra ca ramchung ah tam tuk an zamh cang ca ah phaisa tom i a karlak tete ah aa tel khawh ca ah hmailei ah tampi ralrin a hau.

May be an image of money

Theih lo mi minung sin in phaisa lak lo ding a si.Hi phaisa deu hi tha tein tawngh ahcun theih a fawite. Tangka tlap hi a pan nawnte a si i catlap bantuk a si, a neem deuh. Cun an chuahnak hmun hi a tam ngai rua, cheukhat cu watermark hi thate in a um lo. A dikmi ram nih chuahmi phaisa taktak theih khawhnak pawl cu:

10,000 tiah asen in an namnak kha na tawngh ahcun a hraat lai, a naal lai lo. Security Thread ti mi alai i hri ah spw tiah a tial mi kha a tung in pakhat, cun a lettalam in pakhat aa nam (rial) lai. Cu security hri a umnak kha ahring in hmuh caan ahcun purple (Sen le nak aa cawhmi mui) in hmuh caan a si lai.

Cu hri pawng i araang mi kili-raang (Square) kha a ceunak ah a tang in na zoh ahcun lili pangpar tang ah 10000 tiah Kawlca in aa tial mi na hmuh lai.Cu araang mi pawng i a tialnak, (10,000) tiah asen in aa tialnak a tang kha a ceunak ah na cawi i na zoh ahcun CBM tiah a thlaam in aa tial mi na hmuh lai.Private bank pawl ah cun adeu an hmuh ahcun an chuah i thil bantuk in alai in an riam dih hna. Credit: Dr. Sui Hingz

No photo description available.

Thawngpang dang:UN Palai ah U Kyaw Moe Tun cohlan nakding cawlcanghnak ah i tel cio ding forhfial. September 11 ah tuah ding mi UN Assembly ah Myanmar-UN Palai ah U Kyaw Moe Tun cohlan nakding cawlcanghnak tuah ding in timhtuah a si i, hi cawlcanghnak ah Myanmar rammi dihlak tel ding in dohthlennak tuah mi phukomh nih forhfialnak an tuah.

A voi 76 nak UN Assembly ah Myamnar ram kong ah UN Palai thim a si lai i, khi tik ah NUG lei nih UN Palai caah an tarlangh mi U kyaw Moe Tun cohlan nakding ah cawlcanghnak tuah a si lai i, angki raang i hruk in U Kyaw Moe Tun dirkamhnak langhter a si lai.Hi cawlcanghnak hi September 11 in 12 tiang tuah a si lai i, Myanmar ramchung le ramleng phan mi rammi vialte i tel dih ding in forhfialnak an tuah, tiah Mizzima nih a tial. Credit: The Hakha Times

Be the first to comment

Leave a Reply

Your email address will not be published.


*