RALHRANG SIN RIANTTUAN VIALTE KAN THAH DIH HNA LAI AN TI CANG

PDF nih ralhrang kawlralkap he rian attuan mi paoh kan thah thluahmah cang hna lai tiah thanhnak an tuah cang. Tanhse PDF nih ralhrang kawlralkap kuttang ah rian attuanmi khuabawi an thahnak konghe pehtlaiin thawngthanh nak an tuah. Thanhnak an tuahmi cu ttihnung ngaingai si cang. Thanhnak an tuahmi cu atanglei bangin a si.

Tanhse peng, Paw Oo ah rahrang kawlralkap hna nih rian an khinh in a ttuanmi Khuabawi cu kanmah PDF nih kan thah mi a si tiah fiang tein an langhter. Tanhse peng Paw Oo ah ralhrang kawl ralkap nih khuabawi rian an khinh mi U Ye Htun cu tuzing suimilam pasarih hrawng ah thah asi. Hi thahnak ah PDF nawlpeknak in thahmi asi tiah an langhter.

Fak ngai in Tenhse PDF nih thanhnak an tuah tthan rih mi cu ralhrang kawlralkap siseh, ralhrang kawlralkap kut tangah rian attuanmi khuabawi le mipi cungah fahnak or harnak pek dingah ralhrang kawlralkap sin ah pehtlaiihnak angeimi hna cu tuni khuabawi thah bantukin kan thah hna lai tiah an langhter chih rih.

Tanhse PDF nih an ti tthan rih mi cu mipi hna ralhrang kawlralkap siseh ralhrang palik hna he I chawn bia lai lo.Cun zaan suimilam 6 hnu ah leng nan chuak lai lo. Culawng siloin lunghrinh awk a si mi thil nan hmuh mi paoh nan tawng lai lo tiah ralrin an pek hna. Tenhse PDF cu May thla ni 29 ah ralhrang kawlralkap dohnak ding le mipi kilhkamh nak ding caah tiah an rak dirh mi asi.

Myanmar protesters join new armed force near Thai border

Thawngpang Dang: ASEAN lei nih Kawlram konghe pehtlai in special embassador cu a rannak in thim a hau lai tiah Indonesia ramdang vuanci nih June thla ni 2 ah forhfial nak bia a chim. Kawlram konghe pehtlai in a herh mi riantuan ding hna cu ASEAN hruainak in tuah cuahmah lio asi. A luan cia mi April thla ah Indonesia ram ah tuah mi Kawlram kong meeting ah hnatlak nak 5 kan tuah khawh tiah ASEAN lei nih thawng a thanh.

Cu thawngthanhnak atuah hnu ah zeihmanh I thlen nak le thatnak a penh mi a um rih lo. Special embassador cu a rianrannak in thim I, hi thil sining vialte hi dihter a hau tiah Indonesia ramdang lei vuanci nih Jakarta ah an tuah mi media he I ton nak ah a chim. Hnatlak nak an rak ngaih mi 5 konghe pehtlai in cawlcangh ding ah ASEAN president le secretary hna cu Kawlram ah rat an I tim tiah theih asi.

A cunglei konghe pehtlaiin thawng zamhnak sin ah a chim tthan rih mi cu tulio Kawlram nih an ton mi buaibai nak siseh mipi hna nih an duh mi Democracy lam a panh khawh nak ding caah I ton nak le I ceihhmai nak cu tuah ding in thaazaang pek a hau tiah a chim chap. Theihcio bangin kawlram dirhmun cu a zual lei a panh chin lengmang cang.

Be the first to comment

Leave a Reply

Your email address will not be published.


*