PRESIDENT NIH MARTIAL LAW AHMAN KHAWH LONAK A RUANG

US I, Martial Law Asullam, Atuanbia Le President Nih A Hmanh Khawh Lonak Aruang: 1941 lio i Japan nih Pearl Harbor a kah hnu in khan Hawaii hi martial law tangah a um bal cang i, a kumvui ah Harry White an ti mi pa hi ralkap a si lo lawng si lo in, a riantuanmi zong hi ralkap rian he ai pehtlaimi zong a si lo nain, a kongah ralkap bawi pawl an rak i thlaak bal. Puaisa a si i mi phaisa a dehhlen hna ruangah a bia an ceihmi pa a si.

A sualnak hi ralkap phung a si lo i, civilian phung a si. Cu lio i Hawaii i an nifatin khuasaknak hi parliament an thimmi hna nih uk lo in, ralkap governor nih a uk hna.Mr White cu ralkap biaceihzung ah an chuahpi i, kum 5 thong thlak dingin Major Murrell nih biachahnak a tuah.Mr White a konglam he telhchih in US nih martial a hman hi tuanbia chungah voi 68 lenglo a um bal cang. Martial law kong hi thitha in a sullam an rak pem lo. US Constitution nih le martial law a langhter lo pinah, Congress lei zong nih a sullam an langhtermi zong a um fawn lo.

Supreme Court nih hin voi tlawmte tatak lawng a kong a chim bal i, SC nih a hmuhning zoh tikah punghmna a si lo i, biafiang zong a um lo. Martial law an hmanmi tete an vun charmi pawl zong hi kum 75 hna a luan cangmi, hei ti bantuk lawngte an si.Nihin i US nih law an hmanmi tangah cun, President nih martial law hmannak nawl ai ngeih lo, ti a si. Martial law thanh dingin Congress nih President hi nawl a pek khawh men ko lai nain, cu bantukin Congress nawl a pek khawh le pek khawh lo kongah biachahnak a um fawn lo.

State officials zong nih martial law thanh khawhnak nawl an ngei, asinain, cucu US Constitution ning tein a si lai i, an tuahnak a ruang hi federal biaceihzung ah zohfelpiak an si lai, ti asi.President nih hin Civilian authorities hi federal ralkap he an dirhmun thlen khawhnak nawl a ngei lo nain, civilian law enforcement bomhchanh dingah ralkap pawl rianpeknak nawl belte cu ai ngeih. Cucaah, Congress le state legislatures pawl nih thadeuh in an tawlrel hlan chung paoh cu martial law hi cuhlan bantuk lawngin hman khawh a si lai. Cu tikah, martial law phunphai in President nih ramchung ah ralkap rian a fial hna ah cun, cucu tih a nung ngai kho ding khi a si.

๐ƒ๐š๐ฅ ๐ค๐ก๐š๐ญ๐ง๐š๐ค: ๐Œ๐š๐ซ๐ญ๐ข๐š๐ฅ ๐ฅ๐š๐ฐ ๐š ๐ฌ๐ฎ๐ฅ๐ฅ๐š๐ฆ. Martial law nih hin ciammamtein serpiakmi sullam ai ngeihmi a um lo.US i ramchung ralkap pawl an cawlcanghnak hi buatlakin phun 3 in then a si: Phunkhatnak โ€“ khuacaan ah cun non-law (upai he ai tlai lo mi) thazaang chuahnak he pehtlaiin ralkap nih civilian authorizes pawl bomhnak an pek hna. (Ralkap nih uknak lak ti siloin harnak bawmhnak kong ah ti tu asi) 2005 i Hurricane Katrina thlichia a hraan lio ah khan local cozah nih ai tawlrel cawk ti lo caah, ralkap nih helicopter he an pawhhnawh hna.

Phunhnihnak, Civial authorities pawl nih law enforcement kongkau i cawlcanghnak an ngeihmi hi ralkap nih an bomhchanh tawn hna. 1992 Los Angeles mipi buainak tawlrel dingin state le federal ralkap an rak hman bal hna. (Ralkap nih uknak an lak ti siloin police nih a celh ti lo ahcun an bawmh ve hna titu asi). Phunthumnak, WWII lio i Hawaii, hei ti bantuk i ralkap nih civilian cozah ai an rolh caan a um bal. (Japan nih a rak tuk caah Hawaii cu emergency in Ralkap nih an tlaih chung ramchung himnak caah)
Hi a phunthumnak a sining zoh tikah, โ€œMartial lawโ€ timi a sullam cu hmunhma pakhatkhat ah civilian cozah ai rolh in ralkap nih biaceih khuakhaannak an tuah.

Local police nakin anmah ralkap pawl tu hi khua chungah rian an tuanter deuh hna. Policy kong i biachahnak zong hi elected officials nih si lo in anmah ralkap officers pawl nih tuanvo an lak. Civilian biaceihzung ah si lo in anmah ralkap biaceihzung tu ah mipi buaibainak hi an ceihkhaan. A tawinak in chim ah cun, ralkap nih tuanvo an lak dih, tinak a si.Cucaah, civilian cozah ai rolh, timi hi a dang martial law an hman ning he ai khat ruam lo. Nihin i martial law an hman ning hi martial law nih ai tinhning cu a si ruam lo.

Martial law, timi hi 1530 hrawngah khan England ah ai thoknak hi a si i, cucu Siangpahrang Henry VIII chan a si. Cu hnu in cun, martial law hi โ€˜ralkap lawโ€™ (military law) tiin buaktlakin auh a si. Ralkap pakhat court-martial an tuah tikah, martial law hi an hman. Chanthar US ah cun, hihi Uniform Code of Military Justice chungah an khumhmi a si.19th century hlan chung paohpaoh kha cu, US nih hin martial law hi emergency power (lakhruakin nawlngeihnak hman) bantukin a rak theihthiam lem lo, zeicahtiah, US tuanbia chung i martial law an hman hmasabik lio ah khan mipi nih faaktuk in an rak duh lo caah a si.

War of 1812 a dih lei sang, 1814 ah khan British ralkapbu do dingin Gen. Andrew Jackson nih New Orleans hi a rak ven bal i, cu lio ah cun martial law a rak hman. New Orleans i martial law ka hmanmi hi thil dik a si, zeicahtiah civilian cozah nih British hi a kham kho ti lo, tiin Gen. Jackson nih a chim.Ralkap nawlngeihnakhi tuantein khan an i relrin cang caah, Declaration of Independence zongah an lunghrinnak an langhter. Ralkap hi mahtein ai ukmi an si, i Civil power nakin a lianngandeuh mi an si, tiin King George III nih a chimmi bia cu an hnon i, raltuk tik i nawlngeihnak hi Congress le president kut ah thenphawt siseh law, commander-in-chief hi civil mi si peng seh, tiin Constitution ah an langhter.

1815 ah khan Gen. Jackson cu Louisiana Supreme Court nih $1,000 daan an tat. Asinain, 1840 ah president nih a liammi $1,000 a cham pinah a duhmi a tuahpiak rih.Cuticun US i martial law an hmannak avoihnihnak cu Rhode Island ah a vun i thok colh ve i, โ€œDorr Warโ€ timi buainak a chuak i, vote thlaknak kong i renghnak (restriction) a tuahtu stateโ€™s first constitution cu a vun hnursuan. 1842 ah khan Thomas Dorr timi pa nih cun Rhode Island khuasa pawl cu a thithtuai hna i anmah duh tein phung an i ser i, amah le mah governor ai pe.

Cu ti i Dorr nih mipi a hruai hna caah cun, Rhode Island General Assembly nih martial law a hman i, dohdalnak donghter dingin a ralkap pawl a fial hna.1849 ah US Supreme Court ah Luther v. Borden, tiin Rhode Island i an hmanmi martial law kong cu an ceih.Emergency kongah cun civilian pawl hi ralkap phung zulhter hi a sual lo. Cucaah, Rhode Island i martial law an hmanmi hi a sual lo, tiin Chief Justice Roger Taney nih a rak ti bal. Luther biachahnak nih a langhter mi cu, US ah hin emergency kongah cun martial law hi a um awk a si, tiin a langhter.

Asinain, zei bantuk dirhmun set a phaak ah khin dah, cun zeitluk kau in dah martial law cu tuah a si kun ne lai, timi kongah Luther biachahnak hi a fiang fawn lo.Martial law kong hi a fiang lo ngai. Asinain pakhat a fiang ngai mi cu, president nih martial law hmannak nawl a ngei lo, ti hi a si. Cun, federal cozah nih martial law tuahnak nawl a ngei, tiin Luther kong zongah khan Supreme Court nih direct in a chimmi a um lo.Federal cozah nak hman in state governors nih hin martial law an hman hi a tam deuh ving. 1930 ah khan Oklahoma Governor William Alfalfa Bill Murray nih voi 30 leng lo martial law a hman bal ve.

1842 lio i Rhode Island General Assembly nih an hma hnu in khan, zeibantuk state legislature hmanh nih an hmang ti lo.1900 lio i Akron Riot asiloah Galveston hurricane, hei ti bantuk ah khan cun state officals pawl nih martial law an hman ve ko. Cun, Western Federation of Miners pawl nih duhlonak daitein an langhter ko mi kham dingin Cripple Creek le Telluride ah 1903 ah khan Colorado Governor James Peabody nih martial law a hman.
2oth century tiangin US nih martial law a hman peng ko rih i, 1930 hrawnghrang ko kha a zualbik caan a si. 1933 ah Georgia Governor Eugene Talmadge nih a hman.

Cun 1939 ah khan a chungtu Eurith Rivers nih hman ai tim ve, asinain a hlawh tling lo.1931 ah khan Texas Governor Ross Sterling zong nih a nawlngeihnak cu federal court cungah a chuan i, phung ser dingin Texas National Guard a hman. 1920 ah khan, president nak hmanh in ralkap general pawl nih martial law hi an hman khun. 1941 ah khan Hawaii ah federal cozah nih martial law a hman.1963 ah khan miphun thleidannak a dotu le kalpitu karlah buaibainak tawlrel duhah kum 1 chung Cambridge khuapi ah Maryland Governor J. Millard Tawes nih martial law a hman.

๐——๐—ฎ๐—น๐—ต๐—ป๐—ถ๐—ต๐—ป๐—ฎ๐—ธ: ๐—ฃ๐—ฟ๐—ฒ๐˜€๐—ถ๐—ฑ๐—ฒ๐—ป๐˜ ๐—ป๐—ถ๐—ต ๐—ฎ๐—บ๐—ฎ๐—ต ๐—ป๐—ฎ๐˜„๐—น๐—ป๐—ด๐—ฒ๐—ถ๐—ต๐—ป๐—ฎ๐—ธ ๐˜๐—ฒ ๐—น๐—ฎ๐˜„๐—ป๐—ด ๐—ต๐—บ๐—ฎ๐—ป๐—ด ๐—ถ๐—ป ๐—บ๐—ฎ๐—ฟ๐˜๐—ถ๐—ฎ๐—น ๐—น๐—ฎ๐˜„ ๐—ฎ ๐˜๐—ต๐—ฎ๐—ป๐—ต ๐—ธ๐—ต๐—ผ ๐—บ๐—ฎ๐˜„? US ah martial law an hman nak hi kum 100 lengkai a si cang. Cun Luther kong i Supreme Court nih biachahnak an tuah hnu zongah khan, nihin tiangah President nih amah nawlngeihnak te lawng hmang in martial law a tuah khawh le khawh lo hi a fiang lo. President nih a hman khawh, asiloah, Congress nih nawl an pek hnu lawngah a hman khawh, tiin Supreme Court nih a chim bal hrimhrim lo.Federal martial law hi sangbik nawlngeihnak langhter a herh tikah, asiloah tuah lo awk a tha lo mi thil a tlun tikah hman a si, tiin 19th Century ah khan SC nih ruahnak a chuah bal.

20th Century ah hin cun, state martial law hi a biapimi constitutional power nih a chuah khawhmi law he ai pehtlaiin an langhter.Supreme Court nih martial law kong i biachahnak a tuahmi pawl hi vun zoh u sih law, khat le khat ai khahlonak tete an um lulh. 1946 lio i Duncan v. Kahanamoku kong i SC nih biachahnak an tuah ning ah khan cun, federal martial law hi onh ngai dawh in a lang i, Congress nih maw, asiloah President nih a hman daan hi a control ding a si hnga.Asinain, 1952 lio i Youngstown Sheet & Tube Co. v. Sawyer kongah khan, SC biachahmi kan zoh ve than a si ah cun, President Harry Truman kha biangeitu a rak si lo.

Justice Robert Jackson tu kha nawlngeitubik dirhmun ah a rak dir. Cu ve bangin, Trump nih hin Mexico he an ramri ah deferral immigration law dirpi dingin US ralkap a hman a si ah cun, federal biaceihzung nih hin Yongstown tuanbia hi an vun i char lai i, mah tluk taitai hin president nih nawlchuahnak nawl ai ngeih maw, tiin biahalnak an chuahpi ko lai.Youngstown kongah khan, Justice Jackson nih President Truman ai thlaak khawh lo nak a ruang 3 a langhter: 1nak โ€“ Congress nih president hi nawl an pek ko hnga, asinain biaceihzung pawl duhnak leng tiangin a si hnga. 2nak โ€“ Hi kongah Congress nih zeihmanh an chim lo caah, biaceihzung pawl nih amah tein Constitution chungah President nih nawl a hman khawh le khawh lo a ruang an kawlhawl lai. 3nak, President cawlcanghnak hi Congress nih an hmanmi laws he ai kalh.

President nih amah tein martial law a tuah kho lai maw tuah kho lai lo, timi kongah, Congress biachimmi hi zoh ta hna u sih. Bianabiaah, the Posse Comitatus Act, the Insurrection Act, the Stafford Act, the Non Detention Act le, US Code i Title 10 tangah a ummi a dang Act vialte nih hin hmunhma vialte an rolh dih cang. Cucaah, martial law he pehtlaiin, Congress duhnak ralchanh in President zeibantuk cawlcanghnak hmanh tuah an onh lo, tinak a si. Congress lei in nawlpeknak a um lo bu ah President nih martial law a thanh a si ah cun, Yongstown kong i 3nak zawn nih khan a tlaih thiamthiam ding a si.

Culawng si lo, civilian law enforcement cawlcanghnak paoh ah federal ralkap i telhvaih a ngah lo, tiin the Posse Comitatus Act nih phung a ser. Martial law kongah, Congress le President an i al a si ah cun, Congress nih a tei ko lai. Asinain, Constitution chung i president kut ah a chiahmi nawlngeihnak sangbik a takin hmannak nawl an pek hnu lawnglawng ah, Youngstown tangah hin Congress duhnak hi President hi a dironh khawh lai.Cun, martial law he pehtlaiin, president nakin Congress cung i Constitution nih nawlngeihnak tamdeuh in a chiahnak a ruang a langhtertu phunghrampi pathum an um rih: Article 1 i the Calling Forth Clause, Article IV i the Guarantee Clause le, Ariticle II i the Commander in Chief Clause hi an si.

The Calling Forth Clause nih hin the Laws of the Union kalpi dingah the Militia remhsiam le uk khawhnak nawl hi president kutah si lo in, Congress kutah nawlngeihnak a chiah deuh.The Guarantee Clause nih president kut ah si lo in federal cozah kut ah nawlngeihnak a pek. Commander in Chief Clause nih hin Posse Comitatus Act le ramchung i ralkap hmannak kong i dun le daan a suaisamtu a dang phung pawl ralchanh in president kut ah martial law kalpi khawhnak nawl a pe lai lo.

President hi Army le Navy i Commander-in-Chief a si, tiin President hi min pek a si tikah hin, ram pumpi ca i Commander-in-Chief a si, tinak a si, tiin Constitution nih a chim hrimhrim lo. Ramchung buaibainak kongah hin, ralkap hman an si awk a si le si lo kongah Congress pawl hi control tuahtu ah Constitution nih a telhchih ve hna.Asinain, ramdang nih US an vun kah sual a si ah cun, Congress nih nawl an pek theng lo zongah, President nih hin amah nawl in a rak dironhnak, doh ve nak nawl a ngei. Congress nih ralkap hmannak nawl a pek a si le, ralkap pawl uk le hruai cu president kutah a um colh ve.

Ramchung i ralkap hmannak kongah Constitution nih president kut ah nawlngeihnak saangbik le a hlankan cawlcanghnak nawl a pe ko. Hi kongah hin presiden nih Congress ralchanh in rian a tuan kho lo.Asinain, 1866 lio Ex parte Milligan tiin Supreme Court nih baichahnak a tuahmi nih khan, president nih hin zeimaw zat ah cun ram chung hmunhma pakhat khat ah martial law a tuah khawh pinah, civil biaceihzung pawl zong ralkap nih hmunhma laak dingin nawl a chuah khawh, ti a si.

SC nih milligan kong i an khuaruahnak hi thil ai pehzul lo mi tampi a um caah ralring tein a sullam leh hau a si. Emergency in hmanmi nawlngeihnak nih hin Constitution nih phung ai ngeihmi hi zeitikhmanh ah a longh lai lo, tiin SC nih fektein a chim. Ral a thawh ruang i buaibainak faaktuk in a tlun tik lawnglawng ah khin ralkap nih civil biaceihzung pawl ah hmunhma an laak ding khi a si.1942 lio i Ex parte Quirin nih a sermi phung hi emergency in ralkap nih civil biaceihzung ah hmunhma a lakmi hi fonh ding a si lo. US citizen telhchih in, Guantanamo Bay i US nih thong an thlakmi hna hi US ralkap nih an biaceihnak nawl a ngei. Cucu international law of war phungning a si caah a si.

๐ƒ๐š๐ฅ๐ญ๐ก๐ฎ๐ฆ๐ง๐š๐ค: ๐Œ๐š๐ซ๐ญ๐ข๐š๐ฅ ๐‹๐š๐ฐ ๐ค๐จ๐ง๐ ๐š๐ก ๐‚๐จ๐ง๐ ๐ซ๐ž๐ฌ๐ฌ ๐ง๐ข๐ก ๐ณ๐ž๐ข๐๐š๐ก ๐š ๐œ๐ก๐ข๐ฆ?Zeibantuk federal phung hmanh nih martial law hmannak nawl hi president kut ah a chia lo. Asinain, 1792 le 1871 karlak ah hin Insurrection Acts an remh a tam ngai. 20th Century belte ah cun remhsiam a tlawmdeuh cang.Insurrection Act chung i tengnge 3 nih hin ramchung i ralkap hmannak nawl hi president kutah a chiah. Sections 251 le 252 nih hin the Calling Forth Clause hi an dirpi ngai, ti a lang. Section 251 tangah hin, State pakhat khat ah dohdalnak a um i, state governor asiloah legislature nih federal sinah bomh a hal a si ah cun, President nih hin National Guard a siloah a dang punghman ralkap pawl a hman khawh hna.

Second 252 tangah cun, doh a tongmi state nih bomhhalnak an tuah lo zongah US laws dirkamh duh ruangah president nih direct in ralkap thazaang a hman khawh.Section 253 tangah cun, dohnalnak, ramchung buaibainak, phungkalh in cawlcanghnak, asiloah mipi buaiter timhnak state pakhat ah a um i, state asiloah federal law hnursuan, asiloah mipi/pumpaak an constitutional rights hnursuanpiak an timh hna i state zong nih a tawlrelpiak khawh hna lo/a tawlrelpiak duh hna lo ah cun, President nih National Guard asiloah duty a la lio mi ralkap a hman khawh hna. Section 252 ah khan cun, state pawl an duhnak hi santlai an si lem lo.

Part V ningah cun, states pawl nih National Guard pawl sawmnak le an ramri i hmannak nawl an ngeih mi hi Posse Comitatus Act nih a hnursuanpiak kho hna lo. Cun, Title 32 tiin theih mi phunghrampi tangah National Guard pawl an cawlcangh a si ah cun Posse Comitatus Act hi an cungah hman khawh a si lo.Title 32 nih hin cun riithainak an dohnak, ramchung himbawmnak an kalpinak le training tuahnak nawl a pek hna. Asinain, 2020 June ah khan AG W. Barr nih Title 32 cu kautuk in a sullam a vun leh chap i, National Guard pawl training tuahnak le field exercises tuahnak ding tiangin a langhter.

Cu ti ning a si ah cun, an training tuahmi chungah hin raltuknak asiloah mission i hmaithlaknak pawl cu President asiloah Secretary of Defense duhnak in tuahter an si hnga. Cu phung cu Posse Comitatus Act he ai kalh. Ralkap pawl ramchung ah police rian an tuah hi tih a nung kho mi a si, tiin US Founders pawl nih British sinin lungfim an cawn. Cucu Constitution i Bill of Rights nih a langhter.

๐ƒ๐š๐ฅ๐ฅ๐ข๐ง๐š๐ค: ๐Œ๐š๐ซ๐ญ๐ข๐š๐ฅ ๐‹๐š๐ฐ ๐ก๐ข ๐‚๐จ๐ง๐ฌ๐ญ๐ข๐ญ๐ฎ๐ญ๐ข๐จ๐ง ๐ง๐ข๐ก ๐š ๐ญ๐ฅ๐š๐ข๐›๐š๐ฐ๐ก๐ฆ๐ข ๐ฅ๐ž ๐๐ข๐š๐œ๐ž๐ข๐ก๐ณ๐ฎ๐ง๐  ๐ง๐ข๐ก ๐š ๐ณ๐จ๐ก๐Ÿ๐ž๐ฅ ๐๐ข๐ง๐ ๐ฆ๐ข ๐ญ๐ก๐ข๐ฅ ๐š ๐ฌ๐ข. Congress nih martial law hman i tim seh, cun SC zong nih hman dingin nawl hei chuahpiak ko hmanh sehlaw, US Constitution pi zoh chih in ai thlaak kho thiamthiam rih. Congress, president le, SC hi Constitution nih a zungzal in a tlaihmi an si. Constitution nih a pekmi nawlngeihnak vial lawng ai ngeihmi an si hna. Constitutional rights buar dingin Martil law lawng hlah, zeibantuk cawlcanghnak hmanh tuahnak nawl an ngei lo.Asinain, Constitution nih a pekmi rights pawl hi remhkhawh lo cu an si ruam lo.

Biaceihzung pawl nih thatein an zohfel hnu ah a remthatnak in tawlrel a si caan a um. Cu Constitutional rights pawl cu buaktlakin cun a nung dih i, federal biaceihzung pawl nih an runven peng hna.State pakhat khat ah ralkap nih martial law an hman i, thong an thlakmi hna an um ah cun chuahter hna dingin federal court nih an sinah nawlnak a tuah lai. Asinain, federal biaceihzung nih hin thatein an halnak a ruang an langhter khawh lo a si ah cun, ralkap nih civil cozah ai nincan nak dignah nawlngeihnak a hman ko lai.

๐˜ฟ๐™–๐™ก๐™ฃ๐™œ๐™–๐™ฃ๐™–๐™ : ๐™Ž๐™ฉ๐™–๐™ฉ๐™š๐™จ ๐™ฅ๐™–๐™ฌ๐™ก ๐™ฉ๐™š ๐™ฏ๐™š๐™ž๐™™๐™–๐™ ๐™–๐™ฃ ๐™ก๐™–๐™ฌ๐™ ๐™ก๐™–๐™ž? State nih martial law hman hi a fawi ngaimi thil a si. State pakhat nih a state chungah martial law tuahnak nawl ai ngeih, tiin SC nih a chim. Posse Comitatus Act hi states caah a si lo i, state chung law enforcement ca i ralkap thazang hmannak nawl an i ngeihmihi a hnursuanpiak kho hna lo.Asinain, cu ti ti tikah, state nih an duhmi paoh an tuah khawh, tinak a si lo. US Constitution, federal laws, hnatlaknak an tuahmi pawl nih hin a sangbikmi Law of the Land hi an ser caah, cucu zeibantuk state hmanh nih nawl a lonh kho lo.

Martial law tuah a va si ko bu zongah, state officials pawl hi US Constitution le ai tlakmi federal law nih a theem thiamthiam hna, tiah SC nih a chim.Moyer v. Peabody le Sterling v. Constantin kongah, state nih hin emergency a ton i, lungtha tein khua a khaan le thil ai ningcanglo mi direct in a tawlrel a si ko ah cun, martial law hi a tuah khawh, tiin SC nih biachahnak a tuah.

๐—•๐—ถ๐—ฎ๐˜๐—น๐—ฎ๐—ฎ๐—ธ ๐—ธ๐—ฎ๐˜„๐—บ๐—ป๐—ฎ๐—ธ. Congress nih martial law hmannak nawl a pek ko hmanh ah, federal cozah nih constition ning tein martial law chuahnak nawl ai ngeih, tiin SC nih biachahnak a tuah taktakmi a um lo. Cu bantukin nawlpek mi a va um ko zongah, Constituion phung zulh tein tuah a si la i, martial law an tuah chung i ralkap pawl an cawlcanghnak vialte hi biaceihzung nih zohthannak a tuah hrimhrim lai, ti asi.State nih martial law kalpinak nawl ai ngeihmihi cu fiangtein a um ko nain, rii tampi khiahpiak a si ve.

State law nih nawl a pek hna caan paoh ah state nih martial law a tuah ko lai. Federal courts belte nih cun state governor a biachahnak a laak khawh ta a hau. Asinain, Constitution le ai tlakmi federal laws nih state nih martial law a thanhmi hi hnahnawh a pek khawh thiam rih. Cun federal court ah biaceihbawi nih an cawlcanghnak zohpiak a si fawn rih lai. Congress le state cozah nih martial law a sullam hi fiangdeuh in an langhter lo chung paoh cu a konglam thitha in theihfian khawh a si rih lai lo.Tutan election kongah Trump nih hin amah thu in swing states 5 ah hin martial law a hmang kho lo. Credit: Chelsea Bawi

Be the first to comment

Leave a Reply

Your email address will not be published.


*