PENGKIP CHIN MIPI NIH THANH NAK AN TUAH VE CANG

Chinram ah Chin Hills Regulations Act le Chin Act kan hman lai tiah Pengkip Chin mipi nih an ti.Chin ram cu 1896 thok in Chin Hills Regulations Act in a rak iuk mi kan si. Cun Panglong agreement hnu ah Burma, Shan, Kachin he tiah Union of Burma ram kan dirh ti hnu ah can zeimaw zat chung Chin Special Division ti kan si I cu lio ah 1948 Chin Acts timi phung arak hmang mi kan si.

No photo description available.

Cu kan phung pahnih cu zeitik hmanh ah kan hrawk ballo. Anung mi Phung le hram, Miphun pakhat, ram pakhat a nei mi mah phung le mah lam te in a rak um mi kan si nak fekte in a langh ter tu asi. Atu Kawl ralhang rual nih uknak lak an itim I Union of Burma ram phung hram vialte an hrawh dih caah Chin ram cu pengkip ah mipi nih kan mah le kan phung te in kan I uk lai.

May be an image of text

I, cu kan I uk nak ding ah cun kan pupa hna chan in an rak hman mi Chin Hills Regulations Act le Chin Act hna cu kan hman lai ti asi. Atu kawl ralhrang kan doh mi kan hlawh a tlin I Union ah kan umtti nak ding Federal Democracy phunghram an ser hlan chung poh cu hi kan mah Chin kokek phung kan hman lai I mipi kan irungveg lai. Credit: Salai Bawi Lian Mang

No photo description available.

Abraham Sang Nawl: NIHIN KAWLRAM THAWNGPANG(March 14.03.2021) 1. Palik le Ralkap Kahnak In A Thimi Hna. Nihin sandahpiahmi hna cu palik le ralkap kahnak in Hlaingthaya ah minung 50 an thi i, hmun dang an kahmi hna he nihin ah minung 70 an thi tiah RFA nih a tial. Mah hi zanlei tiang an theih khawhmi hna a si i, hi pinah a thimi an theih khawh rih lomi hna zong tampi an um kho rih.

Pahnihnak. CRPH Nih Mah Tein Runven Khawhnak Nawl An Chuah. Nihin ah CRPH nih ralhrang a simi palik le ralkap tukvelhnak le thatnak chungin i mah tein i runven khawhnak ding nawl an chuah. Ralhrang hna an rak tik ah Inn chungah siseh, mah sang chungah siseh mah tein rak i runven khawh a si lai. Pathumnak. Hlaingthaya Taluk (China) Sehsung An Khangh. Nihin ah Rangon Hlaingthaya i China (Taluk) sehsung cu mei in an khangh piak hna. Taluk nih kawl ralkap sinah a khangtu pawl hna cu dotthlet ding le dantat dingin theihternak a van tuah cawlh.

Palinak. Ralkap Nih Hlaingthaya Ah Martial Law An Thanh. Nihin ralkap le palik kahnak in minung 50 renglo an thihnak Hlaingthaya le Shwepyitha ah ralkap uknak Martial law an chuah. 5. Gas Pipe Kongah Taluk An Thinpang: Kawlram i Taluk Gas pipe cu mipi nih hrawkpiak dingin Facebook ah thihphaihnak an tuah caah Taluk an thin a phang i, ralkap sinah tha tein runven piak dingah an chimh hna. 6. Palik 25 KNU Sinah An I Dor. Kawlram Palik 25 cu KNU sinah an kal i, an himnak ding caah an i dor chung tiah an ti. Thawngpang laknak : RFA, VOA

Kan Ram Kongah Ka Ruahnak. Ralkap nih uknak a lak hnu in mipi dai tein duhlonak a langhtermi sandahpiahmi hna cu ralkap le palik nih an tlaih hna, an hrem hna, meithal in an kah hna. Nihin tiang a thimi minung 100 renglo pi an si cang. Hliamhma a tuarmi an tam tuk cang. An tlaihmi hna minung 2000 renglo an si cang. Nihin ah CRPH nih mah tein runven khawhnak nawl a van chuah cang tikah mipi nih an ngeihmi hriamnam he an thiamning le an sikhawhning cioin runvennak an tuah cang lai.

Cutikah palik le ralkap nih hriamnam an hman chinchin cang lai tiah ka zumh. Cucaah ram chung ral a tho kho i, mimung nunnak tampi a liam khomi a si cang. Atu kan dirhmun hi hlan bantuk a si ti lai lo caah ramleng lei ummi hna nih tangka thazaang in siseh, thlacamnak in siseh biatak tein kan dirkamh hna a herh tuk cang. Hmur le kaa in chim sawhsawh le mit in zoh sawhsawh caan a si ti lai lo.

A tuah in tuah taktak caan kan phan cang. Ramchung ummi hna zong nih ralring le fimkhur tein Pathian sin thlacamnak in CDM ah siseh, zedadang ah siseh a herhning in khuakhan le cawlcangh a herh cang lai. Kan biakmi Pathian nih kan bawm hram ko seh! Teinak cu BAWIPA ta a si’’(Jonah 2:9). Amen. Credit: Abraham Sang Nawl

Be the first to comment

Leave a Reply

Your email address will not be published.


*