PDF NIH KHUAMI SIN AH THAWNG THANHNAK AN TUAH CANG HNA

Myanmar caan karlak cozah dirhmi People Defense Team nih thanhnak an tuah cang. Saw le Kanpetlet lei ah mipi ahohmanh khualtlawn rih lo ding in People Defense Team pawl nih thawng an thanh. Hi konghe pehtlaiin Tuchun May thla ni 13 tuni thok in Saw-Kyauk Htuh lam, Saw-Seih Phyu lam, Kyauk Htuh-Pakukku lam hna ah mipi nih khual tlawn rih lo ding in People Defense Team nih ca an chuah.

Mipi hna humhimnak ding caah hi tiin thawng an thanh hi asi. Saw peng People Defense Team cu tuthla May ni 7 ah an rak dirh mi asi I, Saw, Kyauk Htoh, Laung She tiin hmun thum then in mipi runven nak rian pawl a tuan mi an si. A tu lio ah Saw peng he a naihniam mi Chinram kulh hna zong ah CDF lei le ralkap karlak ah thil sining a rengh lio te asi. Cu pin ah Kanpetlet khua zong ah mipi vunven bu hna nih ralkap ralrin pek nak ca an chuah ve tiah theih asi.

No description available.

Thawngpang Dang:Sagaing ramthen Chaung Oo peng Mayte Kyo khua i mipi lei humhinnak caah tiah hriam a tlaimi chungin hruaitu cu Yangon Khat Tit Media nih biahalnak an tuah. Biahalnak an tuahmi cu Chaung Oo i tuzing ralkap le mipi karlak ah kahnak a um tiah theih asi. Zeitin a thok tiah halnak an tuah. Lehnak atuahmi hna cu Tuzing tuan tein ralkap lei an ra I an kan kah. Mipi lei in minung pakhat an tlaih.

An kah ve hna i ralkap 5 an I hliam an thi maw an nung timi cu kan thei hna loh aruang cu ralkap lei nih an dawh cawlh hna tiah lehnak atuah. Biahalnak an tuah rih mi cu Zeibantuk kahdohnak dah a can? Zeibantuk hriamnam dah an hman? tiah ahal tthan. Lehnak atuah rihmi hna cu Ralkap lei nih meithal nganngan an hman nain kanmah lei nih cun zeihmanh kan ngei lo mipi thazang lawng kan ngeih.

Cun lai meithal tete tlawmpal kan tuah mi lawng kan ngei. Khua kip ah kal in an kan kah len ko ralkap lei nih tiah a chim. Halnak atuah rih mi cu A hnu cem result hi tah zeidah a lawh? tiah an hal tthan mi ah lehnak atuahmi cu Khuami pawl an ra I thazang hna an kan pek len. Hi ralkap pawl dohkhawh nak ding caah ngeih mi zeihmanh kan ngei lo. Mipi lawng lawng kan ngeih mi an si ko. Cu caah an duh ning in an kan kah nak hi asi. Khuami pawl cu kan zam ter manh hna tiah a chim.

Thawngzamhnak nih halnak apeh rihmi cu Ralkap lei thazang an chaplen tiah theih asi. Zeidah hmailei ah a cang kho? Lehnak atuah rihmi cu: An duh ning poah in khuachia thawl bantuk in an kan kah len ko. Khuakip hmunkip ummi kan unau le zong biacah kan in duh hna. Kan hmun ah rat in na kan bawmh khawh ding asi lo caah nan umnak hmun cio ah a um mi ralkap pawl cu rak that ve ko hna uh tiah cah kan in duh hna. Ralkap lei nih khuakip hmunkip ah hmunhma an lak cang caah tiah an hruaitu nih biacahnak he lehnak atuah.

Be the first to comment

Leave a Reply

Your email address will not be published.


*