Rev Hoi Cung Tum Pathian Thangthat Nak Biakinn i Hla Hruai Cheukhat Pawl Cu A Tthuat Bak Hna A Biapi Tak Tak + Video

Kan theih cio bangin laimi nih thlarau lei ah kan pa pakhat Rev Hoi Cung Tum nih laimi kan Pathian thangthat ning le kan hlasak cun hla hruai cheu khat cu fak ngai in a kan tthuat a bia chim zoh tik ah lai mi hna nih ruah a phu bak tiah ka hmuh a ruang cu tutan cu biakin kan phak tik ah zoh dawh le mi pi hmuh ruah ah a ra mi kan lo cun biakin lei thil hi pakhat khat khua khan lai rel tik mino hna nih kan mah duh bak in khua kan khan le lai kan rel ning te hna.

Cun thil pakhat khat kan tuah lai ah kan nak in upa deuh sin ah zei hmamh an bia ngaih piak lo i an bia i lak ta lo in kan mah duh bak hna in khua kan khan mi te hna hi a rak that lo ning hi fiang tein video chung ah hin a chim , biakin kan rat tik ah kan hla hruai tam deuh cu kan mah duh mi hla thim in sak tuk kan hmamg a cheu khat kan nu le kum upa cun mi hna nih kan duh mi kha an rak sa kho hoi ve ti lo mah ban tuk hna hi kan pathian biak nak ah cun a tha rem lo ngai mi si caah a caan ah cun kan nu le pa kum upa cang mi hna duh mi zong i sa pah cang seh.

Ka hin video hmet👇

https://m.facebook.com/story.php?story_fbid=325432358908909&id=108943897224424

Thawngpang dang relchap>CNLD Kan Dirkamh Hrimhrim A Harhnak Aruang.British uknak in Burma nih zalonnak a hmuh lai ah khan tlangcungmi zong lungtho thanuam tein kan i tel ve khawhnak caah General Aung San nih biakam a rak ngei. Nehgingpoa Kipgen nih a tialmi Democratisation of Myanmar ah kan hmuh khawhmi cu, Myanmar (formerly Burma) zalonnak caah timhtuahbak ngei dingin Panglong Conference an rak kawhmi ah tlangmi zong kawh ve an rak si.

Cutikah British tadinca pakhat ah “If Burma received one kyat, you will receive on kyat” (Burma nih kyat khah a hmuh zongah nan hmuh ve lai) tiah tlangcungmi hna General Aung San nih a chimhmi hna bia langhter a si. Aung San belte Independence kan hmuh hnuah a thi, ralkap uknak toitangah caan saupi chung kan ram cu a um than, sihmanhselaw, democracy thimnak bantukin kum 2010 (?) ah khan kan ramah thimnak kan ngei kho than.

Mikip nih ralkap uknak in luatnak kan duh tuk ruangah Suu Kyi le a party NLD cu kan vote dih.Teinak an hmuh in zeibantuk thanchonak dah kan ram nih a hmuh timi hi ruahawk a tam ngaingai. Kan ruahning bantukin zeibantuk thanchonak hmanh kan ram nih a hmuh loning cu nan i fian cio ka zumh. Kan pale CNA nih federal state kan si khawhnak caah caan saupi chung an nunnak an pek cang.

Sihmanhselaw, nihinni tiangin kan duhmi kan hmu kho lo, kan ram Chin State cu kawl pawl nih an duhning poah in an colcanghpi, thilsining hi lungfim tein ruah tikah lung a fak, hnabei a dong tuk hringhran, hibantukin caan saupi chung kan kal a si ahcun kawl pawl nih kan miphun sinak vialte hi an dolh dih te lai. Gen. Aung San nih kan ram aiawh in Panglong Conference i a kalmi hna sinah a biakam cu a fanu Suu Kyi nih nihinni tiangin tlamtlinter khawh dawh a si ti lo.

Cucaah, kan miphun nih luatnak a hmuh khawhnak caah kan mahtein kan au ve a herh caan a phan cang. Mi tampi nih CNLD caah cozahnak ser a ngah hlei lai lo tiah nan chim, sihmanhselaw hihi philh hrimhrim hlah, duh le cozahnak cu ser kho lo ko hna seh, sihmanhselaw, kan miphun nih luatnak (federal) kan duh tuk ruangah mah tein uknak kan duh i, lungkhat tein kan miphun party kan dirkamh timi hi Kawl pawl nih an theih ve hrimhrim a herh cang.

 

Be the first to comment

Leave a Reply

Your email address will not be published.


*