PATHIAN NIH US PRESIDENT CA DING A THIM CANG

Fawi tein Pathian nih mi a cawisaan lo bantukin, fawi tein mi a thla hna lo. Aruang um zungzaal. Trump cu Pathian nih a cawisaan caah, kum 2016 lio ah teinak a peek ii, US president dirhmun tiang a phaak ter, tiah ka zumh.Asinain, Trump cu US tuanbia ah zawnruahnak, dawtnak le zaangfahnak a ngei lo bikmi US president ai chuah diam ai.

Cucu kumli chung a rianttuannak, a lungput le a kalpimi policy ah fian tein a lang. A hmur-ka in cun Khrihfa ti cu, a chim ve ko nain: a tuahserhnak, a lungput le a kalpimi policy zoh tikah Khrihfa sinak nunzia (Christian value) he a ralkah tukin a nungmi asi, an ti ca-ah amah party asimi Republican lei tampi nih an kaltaak, hnu an chit ii, Joe Biden an vote nak asi.

Atu cu Pathian nih US president caah midang a thim cang. January 20th in Joe Biden cu 46th US president tthutdan ah a tthu cang lai. Vawlei siangpahrang tthawngtthawng hna le ram hruaitu tthawngtthawng hna: an tthutden vialte khi, Pathian kut ah a ummi asi. Pathian nih a hlenh chommi hna lawngte an si. A duhmi poah kha, a tthut ter hna ii, a duhmi poah kha a tthumh ko hna. Pathian nih Donald Trump cu kum 2016 ah US president tthudan a pek. Asinain, 2020 ah a chuh tthan. Pathian nih a thlaak cangmi hna cu: minung nih cawisaan khawh asi ti lo bantukin, Pathian nih a cawisaan cangmi hna cu, minung nih thlaak khawh asi ti lo. Credit: Salai Van D Ceu

Relchih:Iran sin Cakuat: Middle East lei ah B-52 bombers an Thlah Cang Hna.Afghanistan le Iraq in American ralkap pawl a cheuchum in tlunter dingin Trump a cozah nih nawl a chuah hnu ni tlawmpal lawng a rauh ah a tu bantukin US ralkapbu nih B-52 bombers pawl Middle East lei ah a thlah colh hi a si. A lungkhong mi pawl nunchimhnak dingah le US a ramdang bawi pawl a dirpinak hna fehter chinchin duh ah,

US Air Foce B-52H “Atratofortress” vanlawng ralkap pawl cu raltuk cawnnak tawite an ngei ta hna, tiah US Central Command nih a chim.Ral pawl kap khawhnak dingah siseh, raltukhawh i hmunkhat khawhnak dingah siseh, raltuk ai thok le cangka ral pawl nawr colh khawhnak thazaang ngeih khawhnak dingah a biapibik mi cukhulrangtein cawlcangh khawh, luhchuah khawh, i mersan khawh hi a si,” tiah 9th Air Force commander Lt. Gen. Greg Guillot nih a chim.

Tutan raltuk cawnnak nih hin raltuknak dingah i hmaithlakmi hmunhma umtuning siseh, rianfialmi kongah siseh bomber ralkap pawl tampi a bomhchanh hna lai. US le a ramdanghawi pawl vanlawng in raltuk an cawnnak zong tampi a thawnter deuh lai. Cun, hmunkhat i ral an tuk ti tik ah rualrangtein timhlamhciami a siter khawh fawn hna lai,” tiah Gen. Guillot nih a chim. January in khin cun Afghanistan ah a ummi US ralkap 2,500, cun Iraq ah a ummi US ralkap 2,500 tlunter (lak than) dingin Trump nih acting defense secretary ah ai hman mi Chirstopher Miller nih Tuesday ah khan thawngthanhnak a tuah.

A tu i Afghanistan ah a ummi US ralkap hi an dihlak ah 4,500 an si i, Iraq ah a ummi hi 3,000 an si. Kan hlan ah rian a rak tuan cangmi hna an pekchanhnak cungah kan lunglomnak vun langhter bu in le hmaizahnak pek bu tein,President nih a chuahmi order ningtein hi ram 2 in hin kan ralkap pawl tlunternak rian hi kan pehzulh ko lai,” tiin Tuesday ah Miller nih a chim. Hihi American mipi zongnih an dirpimi cuhlan kan i timhlamhnak ning te he zong ai remcangmi a si ko i, police asiloah kan i tinhmi thlennawn ai timh bia zong a si hrimhrim lo,” tiin a chim.

Peace deal (remdaihnak hnatlaknak) kong he pehtlaiin Taliban le Afghan cozah he a donghnak ceihkhantinak ngei dingin Secretary of State Mike Pompeo zong cu Doha, Qatar ah a um lio pi a si. Saturday i Remdaihnak hnatlaktinak tuah dingin nithlak an tuah a tlinnak dingah suimilaam tlawmpal te lawng ai deuh ah khin Kabul i mipi khuasaknak hmunhma ah mortars in an kah hna i minung 8 an thi. Afghanistan ah buainak ai thok than cang.Saturday i Middle East lei a zuangmi B-52H bombers pawl hi khuazei lei set an panh, ti theih a si lo.

North Dakota ah a ummi Minot Air Force Base in cun an thawh cu an i thawh phawt. US pumpi chungah Minot Air Force Base lawnglawng ah hin Intercontinental ballistic missiles (tanglei in kahnak) le nuclear warheads a phur kho mi bombers tampi an chiahnak a si. Thlapa tampi chungah tutan hi Middle East lei panh in B-52 rian an fial avoikhatnak a si. January lio i US military’s elite Joint Special Operations Command nih Iran General Qassem Soleimani drone in an thah hnu ah khan Indian Ocean i Diego Garcia lei ah US B-52 6 bak thlah an si bal. Cattialtu. Chelsea Bawi

Be the first to comment

Leave a Reply

Your email address will not be published.


*