PALIK NIH AN KULH DIH HNA, TAMTUK MINUNG AN TLEIH HNA

Kawlralkap cozah nih minung tamtuk lamzawhmi an tleih cang hna. Nizan bantukin an kalpi thluahmah hna asi ahcun buainak hi pakhat khat cu a cang te khomi asi. Palik pawl nih Naypyidaw ah lam a zawhtu hna chungin minung zathum hrawnghrang an tleih hna. Nizan suimilam pahnih hrawngah Naypyidaw khuapi ah lam zawhnak an tuah tthan.

Lam a zawhtu mipi hna cu palit pawl nih an kulh dih hna i, minung zathum hrawnghrang an tleih hna tiah Mizzima thawngzamhnak nih alanghter. Hi konghe pehtlaiin mit hmutu hna nih an chim ve mi cu, Palik pawl nih hin motorcycle zong sawmsarih renglo an lakpiak hna tiah an langhter chih. Theihcio bangin ralkap nih uknak an lak thok in lamzawhnak an tuah.

Naypyidaw lamzawhtu hna cungah palik nih hriamnam an hman hmasa bik caan cu february ni 9 ah khan a si. Nungak pakhat meithal in kah arak si i, midang minung pathum zong hliam hma an rak tuar. Cun february ni 16 zongah sianghngakchia le mipi tthenkhat zong an rak tleih cang hna pin ah an cycle tiangin an rak lakpiak i, cozah rianttuantu CDM ah aitelmi tthenkhat zong an tleih cang hna.

Image result for naypyidaw protester 2021

Thawngpang Dang:Dr Ngun Cung Lian cu Kawlralkap nih uknak an lak hnu ah ruahnak petu cazin an langhter mi ah amah zong aitel ve. Ralkap nih rian an khinh mi kongah Dr Ngun Cung Lian nih zeihmanh fianternak a tuahmi a um rih lo. Kawlralkap nih uknak an lak hnu ah kanmah Chinmi zeimawzat hna cu ralkap nih rian an khinhmi hna hi tampi an um cang.

Asinain acohlan lomi hi minung tam deuh an si hna. Dr Ngun Cung Lian nih acohlang lai maw cohlang lai lo timi theih asi rih lo. Hi konghe pehtlaiin Teirial catialtu nih alanghter ning ah cun Ralkap Ruahnak Petu Ah CNA/F Hlun Aa Tel. Dr. Salai Ngun Cung Lian, CNA ralkap le CNF hlun, cu ralkap cozah ruahnak petu ding mincazin ah aa tel ve. Mah hi amah leiin fehternak a um rih lo.

President Thein Sein cozah lio ah rampi kahdaihnak cozah lei ruahnak petu dirhmun in siseh phunghram thiamsang (expert) pakhat dirhmun in Kawlram ah kum sarih leng a um cangmi a si. Atu hi a pumpak hmuhning kan hal lio a si i lehnak a um rih lo, a rauh hlan ah thawng fiang kan theih in kan vun chapte lai. tiah an langhter. Credit: Teirial catialtu

Be the first to comment

Leave a Reply

Your email address will not be published.


*