ONE FLAG A NGEITU HI CNLD PARTY LAWNG AN SI LO. SALAI TIN MAUNG WIN

Miphun Dawt Timi Cu Mah Tein Thil Ti Khawhnak, I Bochannak Ah Hram A Sih. Chin kan ti ahcun miphun pakhat, ram pakhat, lungthin pakhat, nunphung pakhat aa hrawm i cu kan sinak cu kan One Flag (Alan) nih tawi tein a langhter. Cucaah miphun dang party kan luh tikah ka sinak zeidah ka kaltak i miphun dang flag tang kan luh tikah an miphun dang sinak zeidah kai va hrawm ve timi kha ruah a hau.

Bianabia ah kawl taihpung hruk le phungki hmai i an va kun te hna khi an lungthin takin an duh mi si lo cuh. Miphun dang party an um caah an miphun nunphung lawng hlah. An biaknak nun phung tiang an va hrawmh cang hna. Cucu a min ah upat peknak asiloah luhmuhzi an ti lai nain a si lo. An duh lo buin an tuah mi kha upat pek le luhmuhzi a si bal lo.Kawl party nih an thluak an tawl mi hna a si.

Zeitindah thluak a kan tawl. Mirang nih divide and rule an timi kan miphun party then thek i anmah nih tei a kan timh.Miphun dang party kan um cang ahcun lungthin pakhat kha pahnih thum ah a kan then thek. Ar rawl a kan fah i kanmah le kanmah a kan cuk ter. Cu ar rawl kan i cuh nak ah kan i thangchiat hna. Cu ar rawl a kan fah mi min cu “thanchonak tiltawt’ ti a si.

John F Kennedy nih roling bia a chimmi cu na ram nih zeidah an tuah piak khawh lai timi kha hal hlah! Nangmah tu nih zeidah kan tuah piak khawh lai timi kha hal ngat a ti. Hi lungput hi kan chin miphun vialte nih kan ngeih ahcun miphun dang bantukin van hai loin kan ram kan sersiam khawh ve ko. Mi phun dawt timi cu mah tein thil ti khawhnak i bochannak ah hram a bunh.

One flag tang i miphun pakhat kan sinak,ram pakhat kan sinak le nunphung kan i hrawmnak ahkhan thil ti khawhnak kan ngei. Kan One Flag tangin kan tanti i lungthin khat kan ngeih lawngah One Flag nih a ngeih mi miphun covo vialte ngah in kan runven khawh ding a si. One Flag a ngeitu hi CNLD party lawng a si lo. Chinram NLD party le Chinram a dang party zong nan si ve. One Flag tangin kan miphun covo hmuh than ding caah CNLD party chungtel si dingah le vote dingah sawm nan si zungzal. Credit: Salai Tin Maung Win

Be the first to comment

Leave a Reply

Your email address will not be published.


*