NUNGAK PAWL, NUPI VUAK A HMANGMI VA NA NGEIH AHCUN

Dr. Aung Myint Thang: TUZING RUAH AWK. Mi thinlung dik lomi bawmhchanh cu langaak rawl peek he ai lo. Thil țha an herh caan lawng ah an ra lai. Rawl petu an thei lai lo. Rawl petu cungah an i lawm fawn lai lo.Nu zuangzam he i țhit-umh cu tiva chung i a ummi ngarul kut i va tlaih bantuuk asi. Na tlai kho taktak lai lo. Na tlaih ko buin ai zuuk țualmal ko lai.Nu fel lo he i umh cu cangvat zuat bantuk asi. Tlawm tete in na thi an dawp peng lai i adonghnaak ahcun na ruh lawng a taang lai.

Mifel lo he rianțuan ți cu rul-mitcaw taisawm i isawmh bantuk asi. Zei thil țha dah an tuah lai timi caah ruahchan awk a um lo. A țha ciami zeidah an hrawh than lai ti kan ngiat nak hna ah kan thi deng.Nupi vuak (velh) a hmangmi va ngeih cu vomkhuai he khuasak ți bantuk asi. A herh ah, herh lo ah an cumh tlutlur lai. Fale hna aukhuan thawng cu dawtu nu le pa caah cun vate awnh bantukin ngaih a nuam.

Cabia Dang: NUG nih Lottery an zuar lai. Lottery zuarnak konghe pehtlaiin thanhnak an tuahmi cu, NUG nih Lottery zuar khawhnak dingah timhtuahnak thatein an tuah cang. Hi thil timhtuahnak an ngaihmi zong hi CRPH nih a cohlannak zong thanhnak an tuah ve cang. Hi Lottery cu a min ah Aung-Lan-Hlwin-Chi-Nwei-Oo-Thi tiah an auh. Hi min hi ralhrang hna nih nawlngaihnak an lakmi dohkalhnak Spring Revolution min cawi in an phuahmi asi.

Hi thil antuah nak bik a ruang asi rih mi cu ralhrang kawlralkap nawlngaihnak lakmi chuh or hrawh ding le Federal Democracy system a um khawhnak dingah din loin rian a ttuanmi CDM hna bawmhchanhnak dingah caah timhtuahmi zong a si rih. Hi lottery hi zeitik caan ah zuar hram an thok te lai timi tucu thanhnak an tuahmi a um rih lo.

Hi konghe pehtlaiin mipi hna nih an zumh ning ahcun NUG cozah nih lottery a zuar dingmi ah hin a cawk ning cang le laksawng lak ning cang tibantuk fiang tein theih a si lo nain Online base system hmangin an tuah te ko lai tiah zumhnak a um. Tutan ah hibantukin NUG nih timhtuahnak an ngaihnak konghi an chim cang i, a Ni le caan tucu a fiang rih lo.

Be the first to comment

Leave a Reply

Your email address will not be published.


*