NU PAWL CU NAN NIH LAWNGCHUAK KO CANG LAI HIH

Nu nih khuabawi rian hi kan ttuan khawhtuk ko tiah Chinchin Pekthang nih a chim. Chinchin pekthang cu biaruahnak an tuah lio ah biahalnak pakhat abiapi ngaimi an tuah. Cu biahalnak an tuahmi cu Nu pawl nih khuabawi rian an ttuan kho hnga maw? Pa pawl bantuk ngaingai cun khuabawi rian hi an ttuan kho lai tiah na zum maw zeitin dah na hmuh ning asi.

Chinchin pekthang nih hitihin a chim.Keimah ka duhning ahcun Chin nupawl zong nih hin kan Biaknak le kan nunphung zong kan kilven ahau. Cun kan covo zong tlingtein kan ngah or laknak kong ah siseh, khuatlang le kan chungkhar zongah tluk rualte in um khawh asi ko. Hiti ka vun chim tikah Pa kan doh hnanak asi lo. Kan ttuan khawh ve ko, Pa pawl nih an ttuan mi bantuk in tlukrual tein kan ttuan khawh tuk ve ko timi hi ka chim duhmi asi.

Cun Chin nu pawl zong hi covo cawisannak dingah hin, Chin Act upadi hna hi remh ding a um, chap ding mi aharh mi tete zong hi aum i, mah cu zong cu chap le tuah ka duh. Nu lei tthanchonak zong hi biatak tein tuah ka duh, Zeiruangah ti ahcun Laitlang ah hin Panak in Nu hi milu zong kan tam i, chungkhar rian le bang ahcun biatak tein nupawl nih kan ttuan khawhmi rian a um cuh.

Chungkhar in tuahkhawh mi tampi aphunphun in a um i, Thiamtah tibantuk hna zong in chungkhar ah tangka hmuhnak aphunphun Nu pawl nih an hmuh khawh. Cuticun nupawl tthanchonak hi biatak tein cawisan zong ahau timi hi ka saduhthah le ka chunmang cu asi. Nu zong nih khuabawi rian cu kan ttuan khawh tuk lai hmeteh. Karen siseh, Kawlrawn cheukhat hna ahcun Nu khuabawi an ttuan ko.

Anmah zong nih thatein an ttuan khawh ko. Rak kan kian hna sehlaw Pa pawl bantuk in nu nih khuabawi rian cu an ttuan in, kan ttuan khawh tuk ve ko timi hi nan vun kan hmuh ve te ko lai tiah Chinchin Pekthang nih Nu pawl zong nih khuabawi an ttuan khawhtuk nak kong a chimmi asi. Hi konghe pehtlaiin chap duh mi cu, kan unau mizoram chungah cun Nupawl khuabawi attuan mi hi an um ngai cang.

Naite a hnubik thimnak an tuah zongah Nu pathum hna cu khuabawi rianttuan dingin an thim hna. Cu an thimmi chungah Nu pakhat le bang cu nungak note zong aitel tiah theih asi. Kannih Laitlang hna ahcun nu nih khuabawi rian an ttuan timi hi theih awk atutiang rih ahcun a um rih lo. Nu pawl zong nih hin khuabawi rian cu pa bantuk tein an rak ttuan khawh ve ko timi hi zapi nih kan ifian ahau cang tinak asi.

Be the first to comment

Leave a Reply

Your email address will not be published.


*