NU LE PA NIH US CITIZENSHIP KHUMHNAK LE PASSPORT KONG

Nu le Pa Nih Fale US Citizenship Benhnak le Passport Kongah:Mah kong hi pumpaak in a rak ka halmi an um lengmang. Cucaah tawifiang tein ka vun ttial. 1. A nu (silole) a pa nih rammi sinak catlaap (certificate of naturalization) a laak lio (oath ceremony) tuah nii ah, kum 18 a tling rih lomi fale paoh cu citizen ah ruah ve cia an si.

Asinain, nu le pa (citizen a ngahmi) poah nih khan, citizenship certificate kha sok piak an hau.Rammi sinak na sok nii in an rel lo, certificate na laak nii ah na fale kum 18 tang asimi lawng benh khawh an si. 2. Certificate na laak nii ah na fale kum 18 a tling lomi poah cu, zeitik caan paoh citizenship certificate piak khawh/benh khawh an si. Na fale kum 18 cungpi an si hnu tiang zongah benh khawh peng asi. Aruang cu, nangmah certificate na laak nii khan, rel piak peng an si. Kum 18 cung an si hnu zongah, fale nih anmah dang in rammi sinak kha sok khawh asi ti lo.

Pathumnak. Citizenship na ngah hnu ah, a chuakmi na fale poah cu, vawleicung khoika ram an chuah poah ah, US citizen an si colh. Ramdang a chuahkmi fale cu, US tanzung ah na kalpi hna lai; tanzung ah US citizenship certificate le passport na sok piak lai.

Palinak. Cun nu le pa citizenship an ngah lio ah kum 18 tang fale cu, citizenship certificate sok piak loin, US passport zong sok a ngah. Asinain, na fale birth certificate (BC) kha a hau. US passport an ngeih ahcun US rammi sinak (citizenship) tehte asi ve ko.Hika zawn ruah a herhmi pakhat cu: US passport cu renew tuah tthan lengmang a hau.

Hngakchia kum 16 tang cu, kum 5 ca lawng a nungmi passport tuah piak an si. Kum 16 cung lei poah tu khi cu, kum 10 a nungmi passport tuah piak asi. Citizenship Certificate tu cu, a kum limit a um lo; a fawinak in chim ahcun thih hlan lo ca asi cang ko. Credit: Salai Van D Ceu