NLD HI MIZEI PARTY DAH ASI? CNLD PAWL RAK THEI CANG UH

CNLD Pawl Sinah Biahalnak. NLD Party hi mi zei party dah a si? NLD cu Union ( Ramkomh ) party bak a si.Ruahnak a bi tukmi miphun pakhat lawng a huapmi CNLD bantuk men a si loh. NLD ah hin Myanmar ram chung i miphun kip, biaknak kip, tlangcung le nelrawn i a ummi Federal le Democracy a duhmi vialte kan i tel dih.

Ralkap tlaihhrem uknak duh lo ruangah thisen chuah in,serhsatnak phunkip temtuar buin dirhmi asi caah, CNLD bantukin thutdan le sinak duh ah caantha ngiat in dirhmi party a si hrimhrim loh. NLD a dohtu hna sinah biahalnak tuah ka duhmi cu, NLD dirhtu le policy sertu ah Chin miphun an i tel lo caah NLD cu Kawl party asi caah Chin miphun hrim hrim cu NLD ah kan um awk asi loh.

CNLD bak ah kan um dih awk asi nan ti tawnmi hi khuaruahhar ngai nan si. Cuti asi ah, Chin miphun mi tam deuh cu Khrihfa kan va si hna i bu tampi ah kan dir hna.Khrihfabu ngan deuhmi ahcun Baptist, RCM, UPC, Salvation Army, Methodist, Presbyterian,etc…hna hi teh Chin miphun dirhmi an si maw? An policy/Doctrine an ser lio ah teh Chin miphun kan i tel ve hna maw?

Chin miphun mi zeihmanh kan rak i tel loh.Asinain an doctrine kan pom ve ruangah Baptist cu Chin miphun dirhmi asi loh kan ti hlei hna loh. Baptist cu miphun dang bu asi, German bu asi, mirang bu asi kan ti hlei hme maw? A bu chungah kan um i Chin miphun ta bak asi ve ko. Chin miphun thengte i dirh i policy/doctrine sermi bu i um kan duh ko ahcun Chin mi vialte nih Pu Hrang Nawl dirmi The Church ah kan um awk asi ko hnga lo maw?

Cucaah Political Party zongah hin Chin miphun dirmi kherkher kan ti awk asi lem hnga maw? Chin miphun tam bik umnak Baptist khrihfabu ah hin Vuleicung miphun vialte tling khitkhet te i an i dor bang hin NLD ah hin Myanmar ram chung i federal democracy a duhmi poh kan i dor ve awk asi ko hnga lo maw? A aukhuang mi poh hin zumh ding an si hnga maw? By Victor Pa.

Relchih Aduhmi caah: CNLD nih a bawhmi cu kanmah teinak kan hmuh ahcun king maker kan si lai ti khi asi. Lairamthang bia cun rawlhrawm a kan sawm lai ti khi asi. rawl kawh kan si lai i kan duhmi rawl a kan dang hngatu sin paoh ah kan kal lai. kan kal lai ti khi an bawmh mi cu asi. Phun dang cun USDP zong nih amah lawng in cozah a ser lai lo. Cun NLD zong nih amah lawng in cozah a ser kho ve hlei lai lo i kanmah an kan sawm a hau lai.

Cuti an kan sawm tikah federal a kan petu sin paoh ah kan i fonh lai ti khi si. NLD an doh nak bik zong cu federal kong zeihmanh a pilicy ah a um lo ca ah khin asi. Asi ahcun a fiang bak mi cu USDP hi an rak i ruah chih mi asi ti cu a fiang ko lo maw? USDP nih hin Democracy phung a duhlo cu kanmah nakin nan theih deuh cio ko lai. a dongnak ah CNLD nih hodah siangpahr an ser ding mi cu asi ti ahcun Min Aung Hlai asi. Min Aung Hlai nih cun maw federal Democracy cu a hei kan tuahpiak hnga khuaruah har ngai asi. By Tial Thang Hakha