NLD CU RAWN PARTY SAWHSAWH AH A CANG TE KO LAI

Aung San Sui Kyi athih hnu cun NLD zong hi rawn party sawhsawh ah khin acang te ko lai. Cucu miphun dang (tlangcungmi) nih anfiang cang.Miphunpi sinah Ideology, policy le political in kan ifonh tikah an tiluan ningin luan aherh. Kum (70) kan luang cang. An ciangzartep dirhmun lawng kan izat mi khi UNION lungput asi lo.

Miphun pakhat, Aw pakhat in kan dir lawngah neek ngamlomi Miphun kan si lai. Cucu, CHINISM asi. Asi ah ASSK thihtiang cu NLD vote ko uh ti asi maw? Asi loh! Nihin te hin Phun sernak thawk caan asi. ASSK anun chungah Federal kan hmu lailo. Federal tling hmuhnak ca ah hi hnu kum (30) arau lai.

Aung San Suu Kyi cu ceremonial lawngah “ameesu” an ti telai. Cu caah zei kan tuah lai? Chin National Front ( CNF ) kan ṭhawnter lai. Miphun Party tungvang kan samh lai. Cucu Miphun ramkhel timi cu asi. Credit: Salai Muvanlai.

Salai Van Bawi Lian nih Salai Lungthlitum Sin ah cakuat attialmi To. Salai Lung Thli Tum,Pumpak in kan i hngalhtheih veve lo btk in i huat/dawtnak zong a um lo. 16,17Jul. 2020 ah Chinland News le Fbk hmang in Uico, Chungthu lengnal le Mileng/thar nih dum zohkhenh tu an tthawl”, tiah CNLD cawlcangh nak na phozaar mi ka rel. Cu pin ah SCBT kongah pumpak in na hnurtaat nak zong a lang fawn.

Hi kong hi Party chung bia asi caah chim ka duh lo pin ah kai tim bal lo. Asinain Chinland News cazual tiang le phaisa thazang tampi hmang in phozaarnak na tuah. Mipi tampi nih na cabia kan rel/hmuh i ai lun mi zong tam pi an um kho. Cucaah hi kong he pehtlai in CNP, CNDP in CNLD tiang Thantlang ah EC member zong asi mi keimah nih lehnak kan tuah.(Biakilh: Hi kong ah Pu Lal Mawng Cung le a dang kan pa le pawl phozaar duhnak a um lo. Na fian khawhnak caah a dot dot in ka langhter lai)

2017 Bi election. 2017 Bi election caah CNDP in Thantlang ah Pi Za Tlem, Pu Lal Mawng Cung le Salai Ceu Bik Thawng nih Candidate cuh an duh cio nak cu CNDP zung Thantlang ah min an pek hna. A hnu ah PLMC nih PZT le SCBT cu a kianh hna nak le 2020 thimnak No(1) Pine hlutdaw canditate hmun i ham cia a duhnak kha 2016 Aug thla Party upa hna biaruah nak ah a chim.(Hi lio ah Thantlang CNDP Party Chairman le Vice Chairman nih Sipin Committee ah thim an duh caah Chairman dirhmun an si nak in chuahnak ca an tial veve.) PZT le SCBT cu 2016 Sept 6(9:00am) ah OC upa hna nih mee thlaknak an tuah i (7:3) in PZT nih a tei.

2016 Sept 6(10:00 am) EC meeting.OC meeting a dihbak in EC meeting peh colh asi. Meeting Chairman (Pu Tum Sang) nih OC biachah mi (7:3) kong le PLMC 2020 thimnak caah a duh mi hmun ai ham mi fehter ding tiin agenda 2 a chuah pi. Meeting kai upa hna nih OC khuakhan nak ning in cohlan asi. ( Hi lio ah keimah nih ka biahal nak ka tuah mi pathum ka langhter lai.)(Q.1) Chairman 2 nih chuahnak ca phunglut tein an tial hnu ah a thar in thim than nak zong a um rih lo. A ngai ngai ti ahcun OC 8 lawng nan tang. Cu ti asi ko bu in zeitindah OC (7:3) in mee kan thlak tiah nan chim khawh?

(Q.2) Chairman ngei loin a tbk Candidate thimnak kong hi OC a taang mi nih EC sinah hnatlak nak hal lo in zeitindah nan tuah khawh? (Q.3)A tu EC a kai mi hi 54 kan si tiah nan ti. Asinain tutan meeting ah sawmnak ca he a kai mi lak ahhin Party chungtel asi ko nain EC upa asi lo mi kan tam ngai. Abik in kan mah Party chungtel hmanh asi lomi (3) zong an i tel fawn. Cu cu kan upa hruaitu pawl nih zeitin dah nan cohlan khawh hna? Hmailei ahcun ningcang deuh in nan kan kal pi a hau, tiah biahalnak ka tuah hna. ( Lehnak bia a um lo)

2019 Dec 15 EC(44) meeting Agenda. 1. 2016.Sept 6 EC biachahnak record btk in PLMC cu 2020 thimnak ah No.(1) Pine hlutdaw caah ham cia asi mi fehter tthannak. 2. Meeting record ah ttial asi lonain SCBT cu 2017 Bi election ah Centre Hlutdaw in candidate a duh ko caah 2020 thimnak ahhin pyithuh asiloah Amyotha hlutdaw ahhin a duh mi pakhatkhat thim in candidate caah fehter ding.Hi meeting ah PLMC nih a chim mi bia ” Xmas ah SCBT a rak tlung ding asi caah a hlankan in kan party caah timhlamh zong kan herh……, Tutan meeting agenda kan caih cang mi cu hrawh tthan khawh a ngah ti lai lo,” tiah bia a chim.

Upa tampi nih ruahning phunphun an chim cio. Hi lio ah keimah nih bia halnak ka tuah mi hna,(Q.1) Agenda pahnih ning in Candidate kong veve ai tel. Hi kong he pehtlai in PLMC le SCBT nih phunglut in Candidate cuh an duhnak ေလ်ွာက္လႊာ an chiah mi a um maw? Amah SCBT teh pumpak in Phone nan chawn in an leh nak hna a um maw?(Lehnak:Pumpak in Phone chawnh nak a um lo pin ah an pahnih nih ေလ်ွာက္လႊာ an chiah mi a um lo) (Q.2) Kum thum tluk a rau cang mi biachahnak nan vun chuahpi va si kaw a hlan kan in OC nih rak caih chung nak nan ngei maw? (Lehnak: Zei btk meeting hmanh a um lo).

(Q.3) 2016 Sept.6 EC meeting lio ah khan ” 2020 thimnak ah TT CNDP in candidate cuh ai tim mi caah zulhphung(10) kan rak ser mi ning in cun SCBT siseh Saya Rung Kaw hna hi cohlan awk an ttha ti lai lo. Cu ti asi ahcun zeitindah SCBT hi direct in candidate caah nan chuah pi khawh kun”?(Lehnak:Kha lio By Law kha cu CNDP lio asi. A tu cu CNLD asi cang ).Agenda 1nk cu a sining in fehter asi. Angenda 2 nk caih lai ah ah SCBT cu Ph ka chawnh. “Ziah, a caan zong asi rih ttung lo. UEC nih nawl a chuah rih lo. Party CEC zong nih khoi ka hmanh ah thawng thanhnak a tuah rih lo. Cu caah hi hi Party CEC nih a cohlang kho lai lo. A bik in keimah kong cu rak caih rih hna hlah seh, tiah a ka chimh. Cucu meeting nak ah ka chimh hna. Asinain an duh lo i fehternak an kan tuah pi.

SCBT Nih TT CNLD OC Biaruah A Sawm Hna.SCBT nih Thantlang a’phanh hnu, 2019Dec 20 in 2020 Jan zarhkhat tiang TT CNLD OC upa sin ah biaruahnak ngei ding in voi tampi tiang a hal hna nain OC pawl nih an duh ti lo. PLMC le SCBT Nih TT CNLD zungah ေလ်ွာက္လႊာ An Chiah.UEC nih cathanh a chuah hnu 2020 feb thla ah PLMC le SCBT nih phunglut tein No(1) Pine Hlutdaw ah Candidate cuh an duh nak form cu TT CNLD zung ah an chiah veve.

2020 Feb.9 EC Meeting.Meeting a kai mi 29( Hi meeting ah kei cu an ka sawm ti lo). Biachahnak: No.(4) ah Pu Lal Mawng Cung nih Pine Hlutdaw No(1)caah ca in a vun sok mi cu ‘kan chohlan’, ti asi. SCBT Sin Cakuat. 2020 Feb 25 ah PLMC le PTS nih SCBT sinah Party min in ca an kuat. Cu an cakuat nak ah 2016 Sept.6 EC, 2019 Dec. 15 EC le 2020 Feb 9 EC meeting biachahnak ning in a ေလ်ွာက္လြာ cohlan lo asi nak ca an pek.

SCBT A Voihnih Nak ေလ်ွာက္လြာ. SCBT nih a vohnih nak ေလ်ွာက္လႊာ cu Jun thla chungah a chiah tthan. SCBT nih phungning in ေလ်ွာက္လႊာ a chiah mi hi a voi hnih ning in OC nih EC ah an chuahpi lo.CNLD CEC Thantlang An Phan. CNLD CEC in Commision upa hna cu CNLD mekuang hunnak hmun dihlak ah an kal. CNLD Vice Chairman pahnih zong 2020 Jun 27 ah Thantlang an phan ve. CEC upa hna nih TT CNLD OC upa cu EC meeting kawh piak ding in fial hna nain COVID -19 boruak ruangah an ti i an duh lo. Naihniam upa 10 nih bia an ruah hna. An bia ruahnak ah TT CNLD upa hna nih ” nan rat ning le nan i timh mi hi kan mah lei sual kawl duh ruangah asi…. hi kong ah a herh ahcun thisen luan hmanh kan ngamh…’ tiin an rak leh hna.

CEC upa hna cu an tlunnak Pan Chery Khual buk ah TT CNLD EC upa cheukhat pawl nih an len hna . Cu thawng pang cu PLMC nih a theih i a mah naihniam mi minung (20) leng kha a inn ah a kawh hna. PLMC nih Commissions in a rak phan mi CEC upa hna cu an i thumhnak Pan Chery khualbuuk ah a vung luh hnawh hna i ” zeiruang ahdah keimah nawl lo in Party minung pawl bia nan ruah hna, a rannak in kir uh. A tu hi ka inn ah ka minung 20 renglo an rak phan cang. Nan kir lo ahcun san dah kan in piah hnawh hna lai” tiah a hro hna.CEC upa pawl cu mualpho buaibai an duh lo caah an kir ve.

Phunfing Upa.PLMC nih a mah time line in Jun 27 ah Pu Lal Mawng Cung, Saya Rung Kaw le Pu Van Bawi Lian hna cu TT CNLD EC( 90) ai a awh tu Phunfing upa hnatlak nak in 2020thimnak ah TT CNLD party Candidate caah fehter asi nak a tial. Biafunnak. PLMC Chirhchan Lakmi EC Biachahnak Hi Party Kalphung Ning He Aa Kalh Nak. 1.2016 Sept 6 EC biachahnak hi CNDP party lio asi. A mah PLMC nih 2019 Dec.15 EC meeting lio ah CNDP nih a ngeih mi Bi Law kong he pehtkai in biahalnak ah CNDP By Law cu hman awk a tthat ti lo nak le a tu cu CNLD asi cang nak cu fiang tein EC ah a lehnak thanh. Party hruai ning By Law le zulhphung hmanh hmunh ter khawh ttung loin Meeting biachahnak tbk vial dirpi le hmunh ter peng timh cu a si awk asi ti lo.

Pahnihnak. TT CNLD ah Party EC(90) kan um. 2019 Dec.15 EC meeting ah (44), 2020 Feb 9 EC meeting ah (29) tiin Pu Tum Sang(GS) nih a thanh. Voikhat hmanh meeting hnarcheu an phan lo. 3. PLMC nih TT CNLD zung ah phunglut in ca a chiah hi 2020 Feb thla ah asi. 2020 Feb.9 EC meeting ah cu a ca cu ‘ kan co hlan’ ti lawng an tial. PLMC nih phunglut in ca a tial mi cu cohlan lawng asi i fehter asi nak TT CNLD EC nih record a ngei lo.

Palinak. 2020 Jun 27 ni ah Phunfing upa hna hnatlak nak hmang in PLMC hi Pine No(1) candidate caah fehter asi nak cu PLMC nih a timeline in a langhter. EC ai awh tu Pungfing upa hna timi hi TT CNLD Party hruainak ah a um bal lo. Lakhruak in ser asi hmanh ah cu upa hna ser asi nak record zong a um fawn lo. Cu caah Phunfing upa hna nih TT CNLD EC(90) cu ai a awh kho lo. A cunglei ka langhter mi hi phuah cop mi pakhat hmanh aa tel lo. Party upa hna meeting tuah mi le khuakhan nak, a bik in Party Chairman le GS nih cathanh an tuah mi chung in langhter mi asi.

Khah. Salai Lung Thli Tum, Uico, Chungthu lengnal le dum ngei tu a tthawldawi tu dirhmun in CNLD na phozaar mi kongah keimah pumpak in leh nak kan tuah.Keimah cu Party dirhmun ah ttuanvo ngei le ai awh biachim khawh nak nawl ngei asi lo btk in hi kan fianh nak hi keimah pumpak dirhmun lawng asi. Hi nak in hngalh a duh rih mi a um tu ahcun pumpak dirhmun in hal khawh ka si rih. Salai Van Bawi Lian