NIZAN MEETING AN TUAHMI MIN AUNG HLAING NIH A PHUAN COLH

Kawlram covid zawtnak konghe pehtlaiin Min Aung Hlaing nih ram mipi sin ah thawngthanhnak a tuah. Min Aung Hlaing nih a chimmi cu covid zawtnak nih kan ram a buai cang timi ka hmuh, Curuangah a si khawh chungin kan i zuam lai. Hi zawtnak konghe pehtlaiin sibawi zong hlan dingin timh tuahnak kan ngei i biatak tein kan cawlcangh a hau tiah a chim.

Apeh tthan rih mi cu Sibawi a bawmtu ding zong nihlawh tuah in, hlan kan timh. Kanmah ralkap lawng in cun hi zawtnak hi kan buaipi kho lo. Cucaah ram mipi fahnak a si caah kan dihlak in kan ttuantti ahau. Cu thil cu rianrang in ttuanchuah cio hna usih tiah a chim chap. Hi konghe pehtlaiin zeibantuk sibawi dah an hlan lai? ramchung maw ramleng dah timi tucu an langhter lo.

Kawlralkap ralhrang hna cu nizan ah khan covid zawtnak konghe pehtlaiin meeting an tuah. Hi meeting ah hin ralhrang kawlralkap lutlai Min Aung Hlaing zong aa tel i, amah nih a hruai hna. Nizan an ceihkhan mi pawl cu zahanzan lila ah Min Aung Hlaing nih Myawady le MRTV ah thawngthanhnak a tuah. Ralhrang kawlralkap nih hin an ttuan taktak lai lo an kaa lawng a si ko lai. An hlan dingmi sibawi zong an langhter lo tiah mipi nih an chim ve.

No description available.

Thawngpang dang: Ralhrang kawlralkap he i kahnak ah KIA ralbawi pakhat a nunnak aliam. Kachin ramkulh le Sagaing ramtthen hmun pakhat ah ralhrang kawlralkap le KIA/PDF hna cu faktuk in i kahnak a chuak. Tutan i kahnak ah ralhrang kawlralkap a nunnak a liammi hi minung sawmthum in sawmli karlak an si tiah PDF lei nih thanhnak an tuah.

Hi i kahdohnak ah KIA le PDF lei in minung paruk an nunnak a liam i, a thimi paruk chungah KIA ralbawi pakhat zong aa tel tiah an thanh. Tutan an i kahdohnak hmun hi Kachin ramkulh Shwe Ku Myone Myohla khua pawngah a si. Voi hnih tiang an kahnak a chuak. Ralhrang kawlralkap lei hi minung sawmthum i, sawmli karlak an thih pin ah minung sawmnga hrawng hliam an tuar.

Tutan an i kahdohnak a ruang bik cu ralhrang kawlralkap hna nih KIA tatzin 5nk hna cu an kal hnawh hna ruangah i kahnak a chuah hi a si. Suimilam pahnih chung i kahnak ralhrang lei a thimi an tamtuk caah cunglei vanlong tiangin an kah tthan hna. Zanlei suimilam pali hrawngah KIA le PDF umnak hmun cu vanlong in an kah hna caah atubantuk in minung paruk an thihnak hi a si. KIA ralbawi a nunnak aliammi hi Naw Htun Aung a si tiah PDF nih thanhnak an tuah.

Be the first to comment

Leave a Reply

Your email address will not be published.


*