NAN RUAT CIO MAW? CHINCHIN VAPA LE PU DAVID NGAISAK NUPI HI…

Chinmi nih CNLD kan ttanh kan timi hna hi Kawl an rak i tal sual hnga maw Eih, hawi le hna tuni ihkhun tang hmun ka phiah lio i, khua ka ruahpah mi cu?Chinmi nih Kawl ngian e, cu e, kha e, kan ti langmang hna. Asinain NLD ah Aung San Suh kyi kawl a si nain amah bantuk thil ti khomi Chinmi bak Henry Van Thio a um ve ko.

CNLD ah MP ai cuh mi ChinChin Pek Thang a um kan ti nain an pa Kawl asi ve. Khika lei ah khin MP ai cuh ve mi Pu David Ngaisak a um ve nain an nu kawl a si ve hoi cuh. Hihi na ruat ve bal maw? Ti cawh bak lomi kan Chinmi MP ai cuh dingmi hi kan um hringhran lo maw si hnga? asi lo ah Kawl i cawh loin thil kan ti khawh lo bia dah asi hnga?

Tahchunhnak ah CNLD ChinChin Pek Thang le Ngaihsak nih teinak hmu hna sehlaw, Chinmi vialte cu Kawl kut tang thotho ah a ummi ah, kan i chuah thotho ko lai cu te Salai. Hika lei ah Pu No Than Kap a um veko nain cawhmi arak nei ve hoi cuh. Unau rak ruat ve ko tuah uh eih. Abik in Salai te pawl nih nan tuak a herh ngaingai hi aw By Kawitling Hnialum

NLD Cu Kawl Party Asi Hrimhrim Ko Ti Alanghnak Phunthum (1) Pinni Taihpung: NLD an sinak langhtertu an thuam (dressing) PINNI TAIHPUNG hi Kawl thuam pakka te asi. Mirang an doh lio Kawl Nationalist (Our Bama Association) i an thuam asi. Kawl Nationalist an Pu Thakhin Kodaw Maing hna cu Pinni Taihpung ai phoih bello anti. NLD an Uniform (thuam) Pinni Taihpung nih miphun dang a huap kho lo. Kawl hmelchunhnak bak asi ko.Pinni Taihpung nih Chin zong a kan huap ve ko nan ti si le zei ti țha.

Pahnihnak Aw-Taw: Miphun kip nih kanmah miphun Symbol (Identity) kan ngei cio ve hna. Chin nih vakok, Shan nih Keidara, Mon nih Hinta tibantukin kanmah le Miphun cio nih Identity kan ngeih hna. Awtaw cu Kawl miphun aiawhtu Kawl Identity asi. Kawl siangpahrang chan in an thanthar ah siseh an tangka ah siseh Awtaw zuk an rak cuanter mi asi. Mirang pennak chan lio zongah Kawl Thanthar le tangka ah Awtaw an cuanter. Awtaw cu Kawl Miphun aiawhtu hmelchunhnak bak asi. NLD Awtaw zuk nih Chin miphun a kan huap kho hrimhrim lo caah NLD cu Kawl Party asinak a lang ko.

Pathumnak NLD Baho (CEC), NLD CEC cu member 21 in an ser. CEC cu Party a hruaitu le a maunghtu ansi.NLD CEC member 21 chungah Miphun dang an um lo. Chin zong kan um lo. Kawl miphun lawngte ansi. NLD CEC nih policy an saui i NLD party cu an maungh. Chin mi kong le Tlangcungmi kongah Kawl 21 nih Policy an kan suai piak. Mah miphun kong tawlreltu le chimreltu kan um lo. Ziah CEC 21 ah Chinmi pakhat te tal an i tal lo? Cucaahcun NLD cu Kawl Party ansi hrinhrim ko.

NLD ah Kawl he miphun kan tling caah NLD cu Miphun tling party Union party asi tiah tampi nih an chimrel tawn. Pahsahpala party zong kha miphun an tling konain Kawl Party asi ko. Ralkap chung zongah Miphun tling an um ko nain Kawl Ralkap kan ti ko hna hi mu. NLD zongah Miphun an tling ve ko lai nain Kawl Party ansi ve thotho ko. .Kan Cozah pi hmanh pei Pitawngsu Cozah tiloin Kawl Cozah kan ti ko hna hi teh (Pithawngsu cozah tiah ti awk a that lonak ve cu Pithawngsu Vuanci ah Kawl lawngte ansi) By Jacob R Thang

Be the first to comment

Leave a Reply

Your email address will not be published.


*