NAN I TIMH TUAHNAK VIALTE HI A TLAMTLING KHO LAI LO

Nuhrin holh ngei ko mi nih holh dang va cawn le va holh len kha aherh nak aum lo. Kan ca hi upat ding si. Laizo holh cu Lai holh asi lo.Laizo ca cu lai ca a si lo.Chin State ah, holh phun hi ka palh lo cun, 53 hi cozah nih thei pi mi an si. Cu tluk cun holh ah kan rum i holhpi vun ser awk ah hin kan buai tuk tawn.

A bik in, Chin National Day ah, hin (Kawl) ca in ca kan tial tawn i upa le miphun daw mi nih an caak tawn. cu tik ah holhpi nei kha kan herh ngai mi asi.Pu No Than Kap nih cun Laizo holh cu Chin State holh ah ser ding in ruah nak a ngei. Laizo holh hi a chuah nak le athawh keh nak hi mi tampi kan thei mi zong asi lo.

Laizo holh hi atha tuk ko a dawh zong a dawh si nain. Thlang lei Chin pawl nih a thei lo mi an tam tuk.cu hlei ah kan mah Hakha zong nih kan thei dih fon lo. Cu caah nuhrin holh tiah ti awk a si lo.Chin State holh cu Capital holh kha asi awk cu asi.si nain kan lung kan i hmuh thaim lo ruang ah holhpi lo in kan um.

Chin State Capital cu Hakha a si i, Hakha holh cu Lai holh kan ti.Lai holh cu kan mah ThanTlang,Hakha chim lo, Tanglei Chin pawl si seh Mizo ram tiang in an thaim mi aai. Matupi bang cu kum 40/50 in acung lei bang nih cun an thaim dih mi a si.cu ruang ah mi tampi nih thiam mi a si ca ah holhpi kan ser lai ti ah cun Capital holh kha kan ser awk a si ko.

Nuhrin holh anei ve ko mi nih cun, yiah Laizo holh cun kan hei holh lai.Ca a nei ve ko mi nih cun yiah mi ca cu kan cawn len cu ahauh lai.Laizo holh nak in Lai holh hi a tling deuh fon.Chin State ah cun (Holhpi) ser cu a si kho lo.kan mah holh cio in holh kan duh cah Laizo holh zong Pu No Than Kap lawng si lo in Falam nih ser an timh mi zong hi an hlawhtling kho lai lo.

Capital holh zong in Holhpi cu an ser kho hlei lai lo. Holhpi ser nak ding cun kan lung arual lo tuk. Chin State chung holh in cun kan ser kho lai lo.Mahtaang kahuih rumro in rian kan tuan tik ah apoi ko. Salai Lal Lian HC