MITHLA HI A UM BAK KO. CELH DING ASI LO, ATONMI THIL APHUAN

Ahmas bik ah konglam cu thinphan thlalaunak he aipehtlaimi thil asi caah ningttih apang mi le thinlung ahman lomi hna nih cun rel lo ding asi lai tiah langhter hmasa kan duh. Aruang cu ningttih phannak kong hi tthenkhat caah cun a relnuam ngaimi le theih anuam ngaingai mi thil asi ko nain tthenkhat caah cun thilttha lo ah acan ruangah nawlnak vun tuah hmasa kan duh.

Zan a ih paoh ah an inn pawng nu thla cu a ihnak pawngah a dir ti asi. Graham Norton timi kum 57 asimi hi cathiam minthang pakhat asi i, amah hi Ireland ram ahcun amin athei lomi an tlawm ngaingai. Amah hi Cauk zong attial cangmi asi i, a tonmi thil tete zong a chim phuang pengmi asi. An innpa ah a ummi nu pakhat thla he konghe pehtlaiin atonmi thilsining aphuan.

Cu atonmi kong cu mipi zong nih an chim caih ngaingai mi thil ah acang. Atonmi konghe pehtlaiin Graham nih a chimmi cu voikhat cu Brixton khuapi ah inn ka hlang. Culio cu khualum lio caan khi asi. Khua alum caah angki kai phoih i, zan cu ka it. Zanttim ah ka vun i tthang tik ahcun ka pawngah mithla adir ko tiah a chim.

Ka ttih tuk hringhran, Kan inn pawngnu asi timi ka vun theih colh. Hi lio caan ah hin inn ngeitu hna cu khual an tlawn lio caan asi. Mithla nih cun ka inn tawh angeih ve rua tiah tuakin, Hello tiah ka ti nain zeihmanh lehnak ka tong lo tiah a chim. Taklawng in ka um lio asi caah aka chawn ngam rua lo tiah kai ruah. Puan ka vun i eih colh asinain holh loin adir peng ko.

Ka ttihnak cu azual chin lengmang cang, Kutka panh in akal i, thatein ka zoh cuahmah lio ahcun a vun ka merh tiah a chim. Cuticun kutka panh in akal cuahmah lio ahcun alo diam tiah Graham nih cun a chim. Keimah hi mithla aum bak lo tiah atimi ka si ko nain ka tonmi thil a um hnu cun mithla hi arak um hrimhrim ko timi ka theih in ka fiang tiah a chim.

Mithla hi a rak um taktak ko timi cu ka lunghring ngaingai ko, ka mit bak in ka hmuh, ka mit ka vun i hnuai tthan i, zeihmanh asi lo tiah kai ti ko tiah a chim. Hi thil aton zan ah hin kan inn pawngah a ummi nu cu azawt a zual taktak i, thihnak dirhmun tiang aphan kho dingmi asi timi ka theih tiah a chim chih. Mithla hi a um taktak tiah nan zum cio maw? Chirhchan. ZNEWS

Be the first to comment

Leave a Reply

Your email address will not be published.


*