MIN AUNG HLAING LE ARALKAP A PHOMH HNA NING CU LUNG AHMUI KO

Salai Ceu Bik Thawng nih Min Aung Hlaing le a ralkap pawl fak ngaiin a thuat hna. Salai Ceu Bik Thawng nih ati mi cu “Meithal a ngei mi Tapung sin ah kahdaihnak tuah riangmang in Meithal le hriamnam a ngei lomi Mipi biatak tein kah, hrem le tlaih ti bantuk cu Ralkap rian a si lo, Miralchia taktak rian a si. Ralkap nih ram mipi tuksapur in an thah hna.

Cu ruang ah Tlangchung hriamtlai phuthum a simi Northern Allience zong nih mipi dirhmun an celh ve ti lo caah kahdaihnak an rak tuah mi an hrawh i Mipi lei ah kan dir ve lai tiah thawngthanhnak an tuah, cun KIA le KNU timi hriamtlai phu nih mipi lei ttang in an dir, ralkap an doh colh ve hna. A si nain Kawl ralkap nih cun a doh cuahmah mi hriamtlai sin ah kahdaihnak a thanh riangmang i ram mipi tu Meithal in a kah hna.

Tuksapur in a thah hna, hi cawlcangh nak hi minung cawlcanghnak a si lo, ralkap cawlcanghnak a si lo” tiah a langhter hmasa.Cun a mah Min Aung Hlaing pumpak hrimhrim min thlir in a langhter chih mi cu “Min Aung Hlaing ram mipi meithal zong a ngei lomi doh, thah le meithal in kah hi ngol zok cang. Nangmah le na ralkap pawl an i tih hna lo ruang ah hriam a tlai ve mi, Tlangcung hriamtlai pawl khi na ngamh taktak ahcun va kap ko hna.

Tupung an si tiah na au pi zungzal mi Tlangcung hriamtlai pawl nih Meithal he an i dir onh ko tung, zeiruang ahdah an mah he kah ngamh loin tupung zong a si lomi, hriam zong a tlai lomi ram mipi tu cu na doh hna. Na ngamh taktak ahcun Meithal a tlai mi hriamtlai phu pawl tu hi doh hna, kap hna law sualnak a ngei lomi, hriam zong a ngei lomi ram mipi tuksapur in na thah hna nak, na kah hna nak hi ngol zok cang” tiah a langhter hi asi.

Join hands' with us for democracy, says Myanmar military coup leader - The  Hindu

Relchih:Federal army sersiamnak caah caan tamtuk lak a hau rih men lai. Abikin hmual ngei tein dotinak tuah thawk ding hrim ahcun caan a rau kho men.Naihrawng facebook thawngpang tial cheukhat pawl nih Federal Army hruaitu dingah an tarmi minung cheukhat hna khi methal zong zunkhat te hmanh a puah bal lomi minung hna an itel. Mah pawl nihcun zeitindah hriamtlai pawl cu order an pek khawh hna lai?

Tlangcung hriamtlai lila chung zongah hmunkhat te ah tangtinak ding caah tampi biaruahnak ngeih a hau rih. Abikin Shan ram chung hriamtlai pawl ko khi pakhat le pakhat an karlak ah itheihthiamnak an ngeih ta a hau.Cucaah atulio thilsining zoh tikah mah le State/miphun cio in lohma nawr cio le mipi kilven cio tu hi kan itinh awk deuh ding asi.

Cun kan mah he neihniammi le pakhat le pakhat ibawmh kho dingmi tlangcung hriamtlai phu dang pawl he cun asi khawh chungin raltuk tantinak sacho le pehtlaihnak lam sial a herh ngai.Federal Army sersiam khawh ahcun itel ve ding asi ko, nain atulio caan ahcun mah le miphun/State cio ah Kawl ralkap pawl thazaang dernak caah do/zam/kham cio ding hi a taktak ah a cang khomi thil (practical) asi deuh ko ruah. Credit: Salai Z T Lian

Be the first to comment

Leave a Reply

Your email address will not be published.


*