MIN AUNG HLAING COZAH NIH RAM A HRUAI KHO TILO: SALAI LUNGTHLITUM

Salai Lungthlitum: Min Aung Hlaing cozah cu ram an hruai kho ti lo, zeihmanh tluang tein an kalpi khawhmi a um ti lo. Yangon le Mandalay cu cozah ngeilo khuapi bantuk an si cang. Hiti ning CDM a thawn rih ko ahcun a rau ti lai lo, MAH cu a caan a dih colh lai. Teinak kan hmuhni belte ah minung kan tlin ding a herh. Lam cu kan zawh ko lai, nain i ralring cio hna u sih. Ralkap le palek nih an kan kham ahcun pah hram hlah u sih, hnu kir or lamdang in hrial kha a him bik. Palek bu pah chih khi cu ralthat a si lo, hruh a si.

Facebook Ban on Myanmar Military Officials Sparks Debate | Voice of America  - English

Kawlralkap Bialehnak Hi Relcio Tuah Uh, Lungrawk Bak Asi Ko. Kawlralkap nih UN bia an lehnak cu khuaruahhar asi ko cang. Ralkap cozah nih an timi cu phihkarnak or dantatnak cu kan tuar khawh tuk, hawittha ram tlawmpal he kan kal peng ko lai tiah fiang ko lehnak an tuah hna. Hi konghe pehtlaiin Nizan ah khan UN Special envoy to Myanmar Ms, Schraner Burgener nih Virtual press conference ah bia a chim.

Cu ah a chimmi cu ralkap nih nawlngeihnak cozah an lak i, ralkap cozah lutlai bik a vun chang a simi Deputy commander in chief, Vice Senior General Soe Win he phone in chawnh or biaruahnak kan ngei. Cu i chawnh biaknak ah a timi cu nawlngeihnak nan lak ruangah hin ramdang dang hna phihkharnak nan tong kho mi asi tiah kawlram cozah cu a hrocer hna.Hi bia hrocernak konghe pehtlaiin kawlralkap cozah nih lehnak an tuah mi cu a liamcia caan zongah phihkharnak hna cu kan tuar khawh peng tawn ko.

Asinain zeihmanh akan hnursuang lo kan dir kho tuk tiah lehnak an tuahnak kong a chim. Culawng siloin nawlngeihnak lak ruangah hin ram dangdang hna nih an zawmhteih khawh hna tiah ralrinnak zong apek chih hna.Hi ralrinnak konghe pehtlaiin kawlralkap cozah nih lehnak an tuah tthan mi cu hawikom ttha tlawmpal he kan kal peng ningcang cu kan cawn ko lai tiah Vice senior General Soe Win nih lehnak a tuah. Kawlralkap cozah lutlai he aa chawnmi Ms. Schraner Burgener nih hin kawlram a deih khawhnak dingah Tuluk le Russia hi abiapi ngai mi an si.

Anmah pahnih nih hin tutan thilcang kong hi theihthiam in rak kan ttuanpi hna seh tihi ka saduhthah or ruahchannak ka ngei tiah a chim. Tuchun kawlram thawngpang a chuakmi cu ka khuaruah ahar ko tiah a chim chih. Ralkap nih nawlngeihnak an lak hnu ah thisen a chuak tambik ni le caan asi i, minung sawmthum le pariat nak tlawmlo an nunnak aliam.Nawlngeihnak in tutiang ah hin minung thongkhat le zahnih renglo an telih cang hna.

An tleih mi hna zong an chungkhar hna nih khoika dah an um i, zeibantuk dirhmun ah dah an phak timi zong an thei hna lo tiah a cunglei upa nih a peh chih. Hi thil a cangmi hi cu ton biaruahnak lawngin atlamtling lai tiah ka ruah i, UN chungtel ram hna nih fak deuh in pressure pe hna uh tiah nawlnak zong a tuah.

Be the first to comment

Leave a Reply

Your email address will not be published.


*