MI ZEIDAH CM LE MINISTER ATTUAN KHO TIMI CU A FIANG BAK KO HIH

Mi Zeidah Chief Minister Le Minister A Tuan Kho Timi Biahalmi Lehnak. A cung biatlangpi hi nai hrawng mizapi sin in biahalnak le social media ah a lar tuk caah Mee thlakning cawnpiaknak (Voter Education) can ah a tawinak te in biahalnak le bialehnak in ka hun fianter. Biahalnak. MP aa cuh lomi Chief Minister ah thim khawh an si maw?

Bialehnak: MP/MLA aa cuh lomi paoh Vuancichoh (Chief Minister) ah thim khawh an si lo. Thim khawhnak nawl upadi nih a onh lo. Cucaah, MP/MLA aa cuh lomi paoh cu Chief Minister an tuan khawhnak a lam a um lo. Halnak. Pyithu hluttaw le Amyotha hluttaw palai nih tah Chief Minister an tuan kho maw? Bialehnak: Pyithu le Amyotha hluttaw palai zong nih Chief Minister tuan khawh a si lo. Tuan kho lo ding in upadi nih innka a hrenhkanh hna.

Biahalnak. A si ahcun, mi zei nih dah Chief Minister cu an tuan khawh kun lai? Bialehnak: Chief Minister cu MP/MLA aa cuhmi lawng nih tuan khawh a si. Phundang in kan chim ahcun state hluttaw palai in teinak a hmu i kum 35 a tling cangmi lawng nih tuan khawh a si (2008 Phunghram pohmah 261-A (1), pohmah 261-B (1)). Pohmah 261-B(1)nak ah, “State hluttaw palai chung in rikhiahmi fimnak a tlinhmi le a tlingmi chung in aa tlak bikmi palai kha Chief Minister” ah thim a si lai tiah aa tial.

Cu bantuk palai kha President nih a thim lai. Hika zawn ah kan i fian dingmi cu Chief Minister cu hluttaw hluttaw palai in teinak a hmumi lawnglawng kha Chief Minister ah thim an si lai. Pyithu hluttaw le Amyotha hluttaw palai cu Chief Minister ah thim khawh an si lo. Tahchunhnak ah Amyotha in aa cuh dingmi Pu Robin le Pyithu in aa cuh dingmi Pu Ngun Maung khi teinak an hmuh zong ah Chief Minister caah thim khawh an si lo. State hluttaw in aa cuh dingmi Pu Ngai Sak, Pu Soe Htet, Pu No Than Kap, Dr. Hmuh Thang le Pu Van Chan Ceu tibantuk lawng hi Chief Minister caah thim khawhmi palai an si.

Biahalnak. Vuanci (Minister) ah mi zei bantuk nih dah an tuan khawh lai? Bialehnak: Chin ramkulh dirhmun le cozah in kan chim ahcun; 1)nak ah state hluttaw in teinak a hmumi paoh nih an tuan khawh, 2)nak ah thimnak aa cuh lomi palai (a lenglei mifim thiam) zong kha Chief Minister nih vuanci tuanding in hluttaw ah min cazin chuahpi le thim khawh a si.

Pyithu hluttaw le Amyotha hluttaw palai cu Chin ramkulh cozah ah Minister tuan khawhnak an ngei lo. Amah belte, Pyidaungsuh ah minister an tuan kho. Pyidaungsuh ah Vuanci in President tiang tuan khawhnak phunghrampi nih innka a onhpiak ve hna. Miphun tlukrualnak caah Chinmi nih CNLD vote hna usih! Miphun Covo Laak Thannak caah Chinmi nih CNLD Vote hna usih! Federal Democracy rampi sernak caah Chinmi nih CNLD vote hna usih.

Mahte khuakhan lairel khawhnak caah Chinmi nih CNLD vote hna usih! Vote for Pu Van Chan Ceu (CNLD Team), Pu Van Chan Ceu. State Hluttaw No.1, CNLD Party, Hakha Township, Media Team. Sawmnak: A cung cabia hi adik, a hmaan, a tha na ti ahcun Like, Comment le Share tuahnak in tha kan pe ve. Credit: Van Chan Ceu

Be the first to comment

Leave a Reply

Your email address will not be published.


*