MAWHCHIATNAK A SI LO, A MURU IN VAN SAWH KO NING:ANAA SUI HLEI SUNG

Anna Sui Hlei Sung Zaathang: Mawhchiatnak cu a si lo, A muru in van sawh ko ning. Thin hunnak ngeih loin khuaruah nak tuin zoh deuh aherh. CNA le CNF kar ah ka ngah a si lo, laimi chungah hi lungput nih ram a hrawktu le buainak lian bik le hnahnawh nak nganbik chuahpi tu a si. Hruaihtu tha hi laimi chungah an tlom tuk.

Hruaihtu aa timi poah hi mah miaknak le eimuar /mah minthat/upat le ttihzah duhnak mi nih ka thangthat Hna seh timi a kawlmi thinlung hi a tlau ta lo ahcun teihnak hmuh nak lam a um lo,laimi tampi ruahnak cu upa hruaihtu ka tuan lai I Min Aung Hliang ruahnak a ngeihmi an tam deuh tiah ka hmuh. Mah minthatnak/mah miaknak mi nih upat le bochan duh tukmi hruaihtu a tlau ta lo ahcun teihnak a um kho lo.

Sal thinlung a tlau ta lo ahcun teihnak a um kho lo. Laimi tampi nih ngeihmi ruahnak a si. Midang upat le conghlawmh thangthatnak an hei duh sawhsawh men lawng khi an rumra a si ko..thinlung thiang a um lo ahcun teihnak a um kho lo, hruaihtu tha an chuak kho lo..tuah kho taktak mi le bochan awktlak taktak le ngeihmi an ngeih fawn lo.

Min le upat thangthat cu an hei duh ngai fawn. Chim duhmi cu laimi lungput fih a nungnak kha ka chim duh.Taktak ah tuah khomi zeihman an ngeih lo. A donghnak an phichuak cu mah miaknak le lianngannak le minthatnak caah a si. An I tlaihmi cu khua le ram caah an ti nain Anmah ca’h tu ah a rak si deuh. Cucu Mawhchiat le zeirel lo caah si loin an theihthiam lo ca’h zongah a si kho men.

Theihthiam nak a tlom ca’h le hmuhtonnak a tlom caah a si kho men,sining phan lo caah a si kho men,hrasatnak ruang ah a si kho men ,chambau ruangah a si kho men Ko. A Biapi piatanaa cu cunglei tialmi lungput Hna kha hrawhtu le buiahnak chuahpi tu, hnahnawh nak chuahpi tu ral nganbik a si. Hi ca ka tial ruangah huatnak le bia tampi ka tong kho nain hlawt a herhmi lungput ziaza a si caah siaherhnak in ka van tial.Hi bantuk lungput hi sal lungput a si. Credit: Anna Sui Hlei Sung Zaathang

Relchih:NIHIN KAWLRAM THAWNGPANG(March 14.03.2021) 1. Palik le Ralkap Kahnak In A Thimi Hna. Nihin sandahpiahmi hna cu palik le ralkap kahnak in Hlaingthaya ah minung 50 an thi i, hmun dang an kahmi hna he nihin ah minung 70 an thi tiah RFA nih a tial. Mah hi zanlei tiang an theih khawhmi hna a si i, hi pinah a thimi an theih khawh rih lomi hna zong tampi an um kho rih.

Pahnihnak. CRPH Nih Mah Tein Runven Khawhnak Nawl An Chuah. Nihin ah CRPH nih ralhrang a simi palik le ralkap tukvelhnak le thatnak chungin i mah tein i runven khawhnak ding nawl an chuah. Ralhrang hna an rak tik ah Inn chungah siseh, mah sang chungah siseh mah tein rak i runven khawh a si lai. Pathumnak. Hlaingthaya Taluk (China) Sehsung An Khangh. Nihin ah Rangon Hlaingthaya i China (Taluk) sehsung cu mei in an khangh piak hna. Taluk nih kawl ralkap sinah a khangtu pawl hna cu dotthlet ding le dantat dingin theihternak a van tuah cawlh.

Palinak. Ralkap Nih Hlaingthaya Ah Martial Law An Thanh. Nihin ralkap le palik kahnak in minung 50 renglo an thihnak Hlaingthaya le Shwepyitha ah ralkap uknak Martial law an chuah. 5. Gas Pipe Kongah Taluk An Thinpang: Kawlram i Taluk Gas pipe cu mipi nih hrawkpiak dingin Facebook ah thihphaihnak an tuah caah Taluk an thin a phang i, ralkap sinah tha tein runven piak dingah an chimh hna. 6. Palik 25 KNU Sinah An I Dor. Kawlram Palik 25 cu KNU sinah an kal i, an himnak ding caah an i dor chung tiah an ti. Thawngpang laknak : RFA, VOA

Kan Ram Kongah Ka Ruahnak. Ralkap nih uknak a lak hnu in mipi dai tein duhlonak a langhtermi sandahpiahmi hna cu ralkap le palik nih an tlaih hna, an hrem hna, meithal in an kah hna. Nihin tiang a thimi minung 100 renglo pi an si cang. Hliamhma a tuarmi an tam tuk cang. An tlaihmi hna minung 2000 renglo an si cang. Nihin ah CRPH nih mah tein runven khawhnak nawl a van chuah cang tikah mipi nih an ngeihmi hriamnam he an thiamning le an sikhawhning cioin runvennak an tuah cang lai.

Cutikah palik le ralkap nih hriamnam an hman chinchin cang lai tiah ka zumh. Cucaah ram chung ral a tho kho i, mimung nunnak tampi a liam khomi a si cang. Atu kan dirhmun hi hlan bantuk a si ti lai lo caah ramleng lei ummi hna nih tangka thazaang in siseh, thlacamnak in siseh biatak tein kan dirkamh hna a herh tuk cang. Hmur le kaa in chim sawhsawh le mit in zoh sawhsawh caan a si ti lai lo.

A tuah in tuah taktak caan kan phan cang. Ramchung ummi hna zong nih ralring le fimkhur tein Pathian sin thlacamnak in CDM ah siseh, zedadang ah siseh a herhning in khuakhan le cawlcangh a herh cang lai. Kan biakmi Pathian nih kan bawm hram ko seh! Teinak cu BAWIPA ta a si’’(Jonah 2:9). Amen. Credit: Abraham Sang Nawl

Be the first to comment

Leave a Reply

Your email address will not be published.


*