MANGZALIAN UK, PHUNGKI HMAI KUN CU LAIMI NAN DUH MAW

Vote for NLD party, tukum cu NLD tei nak an hmu rih ah cun hakha khuachung in tha pawl zong khi an hrawh dih hoi te lai. Lai mi Chin mi na si ko nain NLD Na vote ah cun phungki Ka biak ve ko, Hakha inn hrawh ah Kai tel ve ko ti nak asi lai. NLD ruang ah hmai lei cu kan mah Chin mi le Chin mi kan ni ral te lai aruang cu Chin mi mifim deuh khi NLD nih thut nak an pek hna lai.

Le kan mah le kan mah i thah nak tiang a chuak te lai afiang. Chin mi cheukhat lungthin khi NLD le Aung san suu khyi nih an hrawh dih cang hna. Kawlram chung democracy ngah le ngah lo cu Pathian kut le Kawl ral bawi pawl kut ah a um khi NLD nih nan I fiang ahau. Inn hrawh piak Na duh maw phungki hmai kun Na duh maw Lai pa. By, Mang Za Uk Hlawn Ceu

Relchih tlak le ruah awk tlak taktak mi: An Lungput Cu Tlangcung Mi Caah Cun Lung A Fak Bak Ko. NLD Vice Chairman U Zaw Myint Maung nih Taizinta (Miphun) party vote nan pek ruangah nan Covo nan hmu hlei lai lo tiah an lungput cu fiangpup in a chim. Zeidah a chimmi sullam asi? Zeidah a duhnak asi? Kan chim voi 10, Kawl kan hua hna lo. Kawl Miphunpi an Lungput (Chauvinism ဗမာလူမျိုးကြီးဝါဒ) tuhi kan huat mi kan dohmi asi kan ti voi thongkhat. U Zaw Mynit Maung Biachim mi hi kan uarlo tukmi Kawl Miphunpi Lungput bak asi.

A biachim mi A sullam, Kawl ram ah Miphun Taizinta (Ethnic) 8 kan um. Kawl zong Taizinta pakhat ansi ve. Asinain Taizinta an ti poh ah an mah kawl cu Taizinta ah an i chia bal lo. Kawl miphun lo a dang miphun pohpoh cu Taizinta ah an ka ruat. Mah lungput cu KAWL MIPHUNPI LUNGPUT (ဗမာလူမျိုးကြီးဝါဒ) asi. (1948 Independence lio ah Kawlrawn hi TAING (Division) ti siloin PIMAH (ပြည်မ) ti a rak si). Miphun (Taizinta) party vote nan i pee zongah nan Covo nan hmu hlei lai lo ti asullam cu ” Kan mah Kawl party NLD (or) USDP nih nan Covo kan in pek hna loahcun nan hmu kho hlei lai lo timi KAWL MIPHUNPI LUNGPUT asi.

Kan mah Kawl Party tu hi vote kan pee deuh uh. Kan mah lo cun khuazei ti tlang zong nan pet kho lai lo ti duhnak asi i, Kawl MIPHUNPI LUNGPUT asi.Kanmah lei ah țang ko uh. Kan in pekmi ah ilawm uh. Kanmah sinah țang ulaw nan duhmi cu pek khawh kan in zuam piak hna lai. Terleng chai hlah uh. .kan lung kan tlawnh ulaw nan caah thiltha kan in tuahpiak hna lai timi KAWL MIPHUNPI LUNGPUT asi. Lung a fak ko.

Cheukhat cu aa nuam i a diriam mi zong Chinmi chungah an rak um rih chapbei. Kawl kan huat asi hrimhrim lo. Miphun huat (racism) asi lo. MIPHUNPI LUNGPUT (လူမျိုးကြီးဝါဒ) cu vawlei cungpi nih dohmi asi. Kawl poh nih Miphunpi lungput an ngei tinak asi lo. Asinain Miphunpi lungput a ngeimi poh hi Kawl an rak si tawn. Lung a fak ko mu. Credit: Jacob R Thang

Be the first to comment

Leave a Reply

Your email address will not be published.


*