MAH SI NIH HIN VANRAM KAINAK LAM A DONGH: KANYE WEST

Coronavirus Kaakuaisi nih hin Vanram kainak a donh tiah Kanye West nih a chim. Vawlei cung minthang Kanye West nih a chimmi bia cu khuaruahhar ngaingai asi ko. Coronavirus Vaccine hi sahrang number asi tiah a chim. Kanye West nih aliamcia zongah khan Coronavirus konglam a rak chim cang.February thla hramthok hrawngah khan zawtnak nih Kanye West hi a rak tlak ve cang.

Asinain zawtnak kongah a ruahnak a chimmi hi thlennawn atim hlei lo. Hi zawtnak in luatnak dingah rianttuan aa timmi hna cu sahrang le a chinchiahnak asi tiah a chim. Hi konghe pehtlaiin Forbes sin ah Kanye West nih achimmi atanglei bangin a si.Kan fale hna zong voitampi vaccine kan chunh tawn hna. Hi ruangah hin cawlcang kholo le zeng in kan tuah hna. Coronavirus zawtnak vaccine hmangin damter kan timhmi hna hi kei cu ka thinphang taktak.

Aruang cu hi vaccine hi sahrang chinchiahnak a si tiah Kanye West nih a chim.Vawlei cung rapper Minthang Kanye West cu kum 42 a si i, vawlei cung minthang le ttawkttha timi Kim Kardashian fapa a si. Fa zong pali a ngei cangmi asi. Amah hi minthang taktak a si pin ah kan hnu zarh tuthla ni 4 ah thanhnak atuah hnu hrimhrim ahcun a min hi vawlei cungah thawngpang linsa ngaimi ah a cang.

July ni 4 ah arak chimmi cu tukum US thimnak ah hin President ka cuh ve lai tiah thanhnak a tuah. Hi bia a chimmi hnu ah mirum taktak asimi Tesla company angeitu Elon Musk nih thanhnak avun tuah colh ve. Atimi cu Kanye West president aa cuh ahcun ka dirkamh colh lai tiah a chim ve.Tutan ah Kanye West nih coronavirus zawtnak konghe pehtlaiin a chimmi hi minung tampi zong an ruahnak aa dang cio hna. Coronavirus vaccine hi Sahrang chinchiahnak cu asi kho lo atimi zong an um. Culawng siloin hi coronavirus nih hin vanram kainak cu a dongh lai atimi zong an um ve thiamthiam.

Relchih:Thluachuah Kan Timi Cu, Minung hmurka in a chuakmi ah cun lunghmui cemmi holhfang a si. Pumpak nunnak ah siseh, chungkhar khuasaknak zong ah siseh kan tlung zungzal seh tiah kan duhmi cu ‘thluachuah’ hi a si. Tthawl len zongah tthawl khawh lo mi ‘zawtfahnak, ngaihchiat mitthli tlaknak, zatlak puicimhnak’ tibantuk hna hi cu a kan palkai lo zongah a poi ah kan chiah lo mi an si, nain ttualmal in ka innchung ah khua a sa mi an si ve hna.

Pastor Mathew Paul nih a chimmi cu, ‘Thluachuah le lunglawmhnak nih khual lian bantukin a kan tlun tawn i puicimhnak, lungretheihnak, zawtfahnak hna nih hin cun chungkhar milu (members) pakhat bantukin a kan khuasak pi” a ti. Minung sinak ah cucu a dik taktak mi a si. Cutluk cun thluachuah kan timi hi hmuhton a har caah Pathian zaangfahnak le dawtnak in ‘lunglawmhnak’ kan tinco hnihkhat caan ah ngaihchiatnak vialte hmanh kha a khuhchilh dih tawn.

Khakha vawlei thluachuah relning a si, sinain Thlarau mit in thluahcuah kan timi hi ai phun dang, cucu tlawmte kan zoh lai.Kan chim cia bang, thluachuah kan ti lengmang mi cu, fanu fapa thluachuah, kan saduhthah a tlin le kan chunmang a tak ram a si tik, ram ttha ram rum hmun kan phak, harnak chungin luatnak kan hmuh mi hna hi thluachuah sang bik le tha bik ah kan ruah theo.

Sinain cu thluachuah kan timi cung lila ah, zawtfahnak, puicimhnak, ngaihchiatnak tbk a phak tikah thluachuah kan rak timi kha a min kan thlen tthan. A sullam cu thluachuah diktak an rak si lo tinak a si. Cucaah thluachuah diktak cu zeidah a si ne kun? ti ruahlo awk ttha lo a si. Hi kongah thiamsang hna nih tampi an langhter i an fianh ko bu ah van char ve ka duhmi cu ‘thluachuah’ biafang a ratnak Greek holh “makarios” hi a si.

A sullam cu mithmai tha hmuhter siloah velngeih ti’n ka charpiak. Pathian nih zumtu mi hna a kan hnakkar tenhnak le zaangfahnak kha ka chim duhmi a si, zeicahtintiah, zumlotu hna zong khi Pathian zatlang vel timi (common grace) an tingco ve ko nain zumtu mi hna nih ka tinco mi thluachuah he ai khat lo. Cucu thlarau thluachuah kan ti lengmangmi, thluachuah taktak kha a si.

Zeicahtiah, kannih cu hi vawlei thluachuah kan timi hna nakin a lian deuh mi le a sunglawi deuhmi thluachuah Khrih ah pek kan si i cucu vanram ah kan hmuh te dingmi a si (Efe.1.3).Cun mi thluachuak kan tinak cu lakfa a simi kha fa-tak ah a kan cohlan caah fa sinak kan hmu i Pa chungkhar ah telh kan si caah a thluachuahza kan i hrawm (Ef. 1:4-6). Culawng si lo, sual ngaihthiam mi zong kan si i tlanhmi mithiang kan si caah Khrih chung rumnak zong kan ngei (Ef.1:7-10). Khrih thawng cun zungzal rocotu kan si.

Thiang Thlarau kha pek kan si i cu Thiang Thlarau nih cun Pa nih a ka kamhmi tling khitkhat in kan hmuh tiang kan nun a kan bawm lai (Ef.1:1:11-14). Hi vialte hi thluachuah diktak cu an si. Cucaah, hi tluk a sunglawi mi a dong kho ti lomi thluachuah kan phuttawk lo in a kan hrawmhtu le petu Pathian cu thangtthat zungzal si ko seh. By Salai Cung Lian