MAH LE MAH I RUN VENNAK LE A NEEM NAK LAM

Mah le Mah I Runvennak le A Nemnak Lam: Tuni ah CRPH nih “mah le mah i runven cu nawlbaur a si lo” timi ca a vun chuah. Cu nih a thi a linmi mino tampi cu an lung a zaanter chinchin lai ti ruahdamh khawh a si. Rawnlei ahcun heh tiah khamhnak le mipi nih leh ve nakding an i chim i an cawl cuahmah hna. Hi lio ahhin, Lai mino pawl nih a hraannak in leh kan i tim lo.

A hramthok tein a nemnak lam (non-violence means) kha kan rak i thim i atu tiang hliamkhuainak um lo tein duhlonak kan langhter khawh rih. Cucu hruaitu hna le kan mino cung ah kan i lunghmuihpi ngaingaimi a si. Salai nih a chim bang, pelek/ralkap nih an khammi pinlei ahkhin zeihmanh a um lo. Lungsaunak le inkhawhnak, teirialnak pinlei tu ah khin teinak a um.

A hraannak in leh le cawlcanghnak nih teinak a kan phakpi kho lai lo ti philh loin kal rih hna usi. Rawn minung he kan i lo lo. Hriamtlai phu kan ngei ti philh hna hlah usi. Kan celh bak ti lo kan ti ahcun meithal tlaih ding tu timhcia i zuam hna usi. Meithal tlaih lo in a hraannak in leh cu kan sungh ding tu a tam. Cucu kan lungkil te ah i chiah rih ko hna usi. Credit: Rual Hlei Thang

Relchih:Kawlralkap nih an mah duh tein an ser mi Kawlram uknak phunghram, Nargis Phunghram ti zong in min an sak mi 2008 Constitution cu Mei in an kangh cuahmah cang. Mizei paoh nih 2008 Constituion hi Mei in rak khaang cio uhlaw nan khanghnak video le hmanthlak pawl kha social media cahmaih ah tarlangh cio uh tiah Chin Youth Network nih a tarlangh chap. Hramhram uknak, Miphun tenau zeirel lonak a hram in kan phur khawhnak ding ah 2008 Constituion pi hi Mei inn khang cio hna usih.

Hramhram ralkap uknak, Miphun thleidannak vialte a tlau khawhnak ding ah 2008 Constituion hi kan khaangh dih a herh cang” tiah General Strike Committee of nationalities-GSCN nih ram mipi dihlak sawm nak an tuah hi a si. To end the dictatorship and nationalism, let’s burn down the 2008 Constitution. ၂၀၀၈ ဖွဲ့စည်းပုံအခြေခံဥပဒေကို မီးရှို့ကြဖို့ General Strike Committee of Nationalities – GSCN က တိုက်တွန်းလိုက်ပါတယ်။ မီးရှို့တဲ့ပုံ၊ ဗီဒီယိုတွေကိုလည်း Abolish 2008 Constitution ဆိုတဲ့ hashtag နဲ့ Public ဖွင့်ပြီးတင်ပေးကြဖို့ မေတ္တာရပ်ခံအပ်ပါတယ်။

Hi hi General Strike Committee of nationalities-GSCN nih Ram mipi dihlak sin ah sawmnak an tuah mi asi. Cu caah Chin mi dihlak zong nih tuah cio ve hna usih. Social media cahmai ah khat dihlak in tar ve hna usih. 2008 phunghram a rawh lo ahcun hramhram uknak, Kawl miphun pawl thinlung a tlau kho lai lo. A dik mi Democracy, mah tein khuakhan Lairelnak kan hmuh khawhnak ding caah a biapi taktak mi cu 2008 phunghram hrawh hi asi. Rak khaang dih cio uh.

Be the first to comment

Leave a Reply

Your email address will not be published.


*