LUNG THLI TUM NIH SALAI TLUANGTE SINING APHUAN DIH CIKCEK

Salai Lungthlitum: Hakha Campaign For Justice(HCJ) page tlaitu Salai Tluangte (Salai Nun Hlawnceu) nih HCJ page hmang in a zumh deuh lomi le a rem lo deuhmi poah kha ralkap da-lan(spy) nan si tiah a thangchiat tawnmi hna khi tihnung ngaimi a si. Tet-te a um lo tikah da-lan an si taktak le si taktak lo theih khawh a si lo, an si taktak lo sual ahcun minung thah bantuk a si.

Keimah lila zong kha HCJ le Hakha mino min hmang in da-lan a si tiah aka puh i thah ding tiang warning aka pek ve. Salai Tluangte(Falam chuak si i Hakha Post editor a tuan) hi online ah aka doh lengmang mi a si nain Hakha Shanlay dawr ah voikhat zuu ka dangh balmi a si (kei ka ding lo, hotpot ka ei). Chin ram chung har ton caan ah bawmh hal piak lei ah a cawlcang kho ngai.

Anih hi Hakha i Defense Task Force caah phaisa bawmh halnak ah a cawlcang taktakmi a si. Nain, interview an tuahnak video cheukhat zoh tikah Hakha hotel deuh ah a riak, zei phaisa dah a hman timi cu theih khawh a si lo.February 2 ah khan The Hakha Post page ah VP Henry Van Thio cu Min Aung Hlaing cozah ah vice president a tuan rih ko tiah a rak tial bal. Inbox in a dik lo tiah ka chimh hnu ah a delete than.

Hakha Post buainak ah Za Biak Thawng forh in Papui thawlnak hnuphen ah a cawlcang bikmi a si tiah ka theih fawn. Papui an thawl hnu in reporter to editor rian a kai ve. Anih cu buainak ah a hnu in a cawlcang, tutan Hakha sandahpiah zong ah a hnu in a cawlcangmi a si, phaisa bawmh hal lawng ah a hmai a kal tiah amah he naihniam pakhat nih aka chim. Salai Tluangte a catialmi nih HCJ page hmang in Hakha mino tampi thazaang a pek hna, thiltha ngai a si. Nain, a dik le dik lo fehter loin amah ruahnak menmen in a rem lomi a thangchiat tawnmi khi tihnung ngaimi a si. Ai ralrin ve a hau. Credit: Salai Lung Thli Tum.

Ahnubik Thantlang Thawngpang: March 27 zaan 9:40 PM hrawng ah Ralkap le Palek nih Thantlang ah minung 4 an tlaih hna, mino nih kalhnawh an timh nain meithal voi 3 an puah, kah ding an si cang ca ah an tin than hna, tiah kan theih. Hi an tlaih hna ah hin Thantlang Youth Association (TYA) Zung zong an bauh. Cu hnu ah innpa chakthlang deuh an tlaih mi hna an si, tiah kan theih. An tlaih mi hna hi TCBC Pastor Ngun Thawng Lian, Pu Tial Ceu le a fapa Van Hmun Sang le Pu Tial Cung hna an si. Lamtonnak ah chuak in Mino pawl nih kalhnawh an i tim nain kahnak nawlpek an si cang ca ah an tin cio hna, tiah kan theih. Credit: The Hakha Times.

TULIO ALINSA NGAIMI KONG FIANGTERNAK:  Thawngfianhnak kan tuah lai tiah Sayamah Sung Hlei nih a Facebook ah a tanglei bantuk in a langhter. Miphun Leirawitu le Zuartu Kan Si lomi Fianternak.Keimah Mih Nge le keimah Sung Hlei nih march thla 27 ni ah Hakha Campaign For Justice nih sullam ngeilo le ruahdomh rumro in miphun leirawitu unau hna tiah vawlei cung mipi hmuh dingin an kan phozarmi kongah kan si hrim hrim lomi fianternak tuah kan duh.

Atu lio kawlram ah minung nunnak tampi liam in duhlonak langhter lio le ngaihchiat lio caan ah hin zei bantuk ruang hmanh ah mipi leirawitu le zuartu kan silonak kong cu march thla 28, 2021 suimilam 10:00 am ah kan umnak inn a simi Mucu Sang IBC biakinn hmai Pyidawta ah press conference kan tuah lai i a duhmi nih bia hal khawh le thawngpang laak khawh a si lai tiah thawng thanhnak kan tuah. Tiah alanghter.

 

Be the first to comment

Leave a Reply

Your email address will not be published.


*