LUNG A NUAM KHO HRIMHRIM LO HI TEH, TTAN LA CHIN LENGMANG USIH

Lung A Nuam Kho Hrimhrim Lo Hi Teh! Ka miphun hna lungkhat tein ttan la chin lengmang ko hna usih,kan i bat mi cu,teinak hmuh ding lawnglawng kan i bat mi a si ko caah lam laklawh ah maw kan dinhpi ciitceet lai ucih ti hi a tu kan dirhmun nih cun kan dihlak a kan hmun zoh in a kan sawm dih. A hohmanh kei nuhmei ka si, kei pahmei ka si, kei nungak ka si, kei tlangval ka si, kei tar ka si, kei no ka si tiawk kan ttha hrimhrim lo.

A ruang cu,a tu kan ral nih hin a tar le a no zong thleidannak a ngeih lo caah kan nih zong nih i pheetchem phun in kan um awk le kan chim relawk a ttha hrimhrim mi a si loh hi teh. Zahan tiang in Chinram ah tam chin lengmang in ralhrang pawl cu an kai chin lengmang ko hna i,an umnak pawl hlat lengmang cio tik ah le khualhringtlang lei kulh phun deuh lawng te in, Falam peng, Falam in Chuncung khua karlak lampi khuate ah hin an cam tung ko hna ti a si.

MNF i a rak um bal ve mi,Punghaka nih cun,vai ralkap nih kan umnak an theih i a kan nam ngam zawklo ahcun,hnuamsam tete khin an ralkap kha kan pawngkam neihdeuh lengmang ah an chiah an chiah hnu i khua mipi hna zong hnahnawhnak pe lo tein an i umter i kan tam kocang an ti in nikhat te ah an kan kulh ciammam i an rak kan kah tiah a rak chim.

Cucaah a tu an cawlcangh ning le MNF chan lio i an cawlcangh ning,a rak i tel mi nih an chim mi he pehtonh tikah ai lo ngaingai in ka hmuh i keimah lungrethjeih in ka rak i theihseek len ve.Hi kong ah kan ralkap lei le kan pa lei nih khuakhannak ttha taktak mi cu an kan ngeih piak kocang lai ti zong ka zumh chih fawn caah khatlei cun ka hna ka van ingamh ruangmang tthan. Credit: Pu Tin Duh Thang

May be an image of outdoors

Nizan thilcang mi kong:Kankaw in Kalaymyo lei ah a rak ra mi ralhrang kawlralkap a tlawmbik minung pakua an nunnak a liam. Tuni zanlei suimilam pakhat hrawngah ralhrang kawlrlakap minung sawm nga hrawng hna cu motor pathum in Kalay panh in Kankaw lei in an rak ra hna. Ralhrang kawlralkap hna cu PDF lei nih an kah hna i a tlawmbik minung pakua an nunnak a liam.

Culawng siloin ralhrang kawlralkap hliam a tuarmi hi minung zeimawzat an um rih tiah theih a si. Hi konghe pehtlaiin tuni zanlei ah Kalay PDF nih thanhnak an tuahmi cu ralhrang kawlralkap hna hi a tlawmbik minung pakua an nunnak aliam i, hliam a tuarmi zong zeimawzat an um tiah thanhnak an tuah. Tuzan lei i kahdohnak ah Kalay PDF lei in hliam a tuarmi le a nunnak aliammi an um lo tiah an langhter rih.

Hi konghe pehtlaiin nizan June ni 26 zongah Kankaw in Kalaymyo lei ah a kalmi ralhrang kawlralkap hna cu motor 20 nak tam ara mi hna cu Kalay PDF nih Natchawng, Chaungkhua le Pan Mon Chaung hlei an phak ah bomb hmang in an rak doh hna. Nizan bomb puah nak ruangah ralhrang kawlralkap pawl a nunnak aliammi le hliam a tuarmi zat tu cu fiangtein theih an si lo tiah an langhter chih.

Be the first to comment

Leave a Reply

Your email address will not be published.


*