LOH TLAU BAK SI CANG, DONALD TRUMP CAAH THAWNGCHIA ACHUAK HOI

Donald Trump caah thawngpang chia ngaingai asi cang. Donald Trump party Republican cu abiapi taktak mi pakhat Michigan Congreessman nih a chuatak ruangmang cang. Michigan congressman Paul Mitchell nih Donald Trump le an party cawlcangh ning le an umtu ning vialte cu zohkhawh ding le tuar khawh lo dingmi asi tiah a chim.

Michigan Congressman Paul Mitchell hi republican a dirkamh ngaingai mi asi tiah an chim. Asinain tutan thimnak konghe pehtlaiin Donald Trump le a team pawl hna nih lungtlinlonak an ngeih caah atu bantukin aa dinhnak le Republican a chuahtaak nak hi asi. Republican a chuahtak nak konghe pehtlaiin Michigan Congressman nih hitihin a chim.

Donald Trump le a party hna cawlcangh ning hi zoh khawh dingmi thil asi lo tiah GOP Chairpersion sin ah cakuat attial. Kei cu kan party asimi Republican chungtel sinak kai din cang lai i, pumpak independent ka si cang lai tiah alanghter. Paul Mitchell nih cakuat chungah alanghter mi cu thinlung asuk ngaingai.

Atimi cu Political candidate hna nih hnu a fualmi ram hna cawlcangh bantukin kan i thimning phunglam lunghrinh in an tuahmi siseh, Constitution asertu hna nih Politic ahruhpi mi hna chungin kilvenak le zohkhanhnak an duh tuk mi Suprem court tiang ah President nih dohkalhnak atuahmi hi tuar khawh ding le in khawh ding asi lai tiah alanghter.

Thawngthar. US thimnak konghe pehtlaiin Elector hna nih vote an thlak hnu ah Joe Biden cu teinak ahmumi asi tiah an langhter. Teinak ahmuh hnu ah US President a voi 46nak asi dingmi Joe Biden cu biachimnak angei. A umnak hmun Delaware state, Wilington khuapi a inn pawngah Joe Biden cu minute 13 tluk biachimnak angei. Cu bia achimmi chungah abiapi mi pakhat cu atanglei bangin a si.

America thlarau ca tukdohnak ah Democracy nih teinak a hmuh cang i, Caan saupi chungin khan Democracy mefar cu a alh peng ko i, zawtnak tlangrai nih siseh, nawlngaihnak hmangin hmih khawh lo dingin fehternak tuah asi cang. Harsatnak tampi ko hmanhsehlaw mipi hna duhthimnak upat piak hi Democracy a chung muru cu asi ko.Catlap thar kau in hmailei panh hna usih tiah American mipi vialte kan sawm hna tiah a chim.

Tuzingka ah state kip ah teinak ahmumi party elector hna nih an party candidate caah vote thlaknak an tuah cang i, Elector hna nih vote an thlak mi hi secret ballot zongin tuah asi lo pin ah TV zongin LIVE an pek tiah an chim. Chimcia le theihcia bangin teinak hmuh dingah electoral vote 270 asi. Hi chungah Joe Biden nih vote 306 a hmuh.

Culio caan ah elector 232 hna nih Donald Trump an dirpi in an vote ve. Hi an vote mi hna hi Governor hna nih minthutnak an tuah hnu ah Washington ah kuat asi lai, a ralai mi January ni 5 ah khin vice president hna nih Joint session ah an rel tthan lai. Tutan thimnak hi aliamcia kum 2016 bantuk in thil akal lo i, elector hna hi zumhtlak lo an um lo ti asi.

Tutan thimnak ah Joe Biden nih Donald Trump atei bantuk hi aliamcia kum 2016 ah Donald Trump le Hillary ah ruahchannak nganpi a rak um ve i, Hilary caah Elector 5 le Trum caah elector pahnih zumhtlak loin an rak um ruangah adonghnak ahcun Donald Trump nih 304 arak hmuh i, Hilary nih 227 arak hmuh tiah an langhter chih.

Tutan elector hna vote thlak dingah pakhat le pakhat tukdohnak a umnak state hna cu ralring tein an umter hna ti asi. Arizona ah hin elector hna vote thlaknak ding hi ahlanken in thanhnak an tuah duh lo ti asi. Cun Michigan zongah Republican elector caan timi ah security hna cu an lawiter hna ti asi. Tutan thimnak kongah Trump lei zong tutiang an cohlang kho rih lo ti asi.

 

Be the first to comment

Leave a Reply

Your email address will not be published.


*