LOH TLAU BAK ASI KO CANG HIH NLD CHUAHPI MI AH AI TEL TI LO

NLD nih 2008 phunghram remh ding a chuahpi mi ah Federal cafang a um lo.NLD party nih 2015 lio ah Kawlram mipi cu 2008 phunghram pi kan remh lai. Ralkap lawng nih anmah duhning poah in an tialmi cauk pakhat a si caah mipi nih cohlan dih khawh a si lo. NLD mee nan pek a si cun 2008 phunghrampi kan remh lai. Tlangcung mi nih nan duhmi Democracy le Federal phunglam kan kalpi lai tiah NLD nih mipi cu Pupa ro bantuk in biaro an vui tak hna.

NLD nih 2008 phunghrampi remh dingah hin Daw Suh president sinakding Upadi telh in 150 remh ding a um an ti. Ralkap nih 25% hluttaw chung an um mi hrim democracy he a kalh an ti. President cungah Daw Suh a ummi khi ta Democracy he a kalh ve lai lo maw? tiah biahalnak tuah ka duh ko.

NLD nih Hluttaw chungah 2008 phunghram remh dingmi an cuahpi. Rakhine party telh in committee an ser colh. Committee nih upadi 3000 leng bak an chuahpi. Tlangcungmi nih kan duhmi Federal cafang pakhat hmanh a tel lo an ti caah tlangcung party in a tlingmi Rakhine party MP pawl nih Committee cu an chuah tak diam.

Democracy phung hna cu Upadi sertu, Tazazi zung, Cozah le Media tiah then an si. Cucaah Kawl nih democracy lawng an i za tinak a si. Tlangcung mi nih cun Federal le Democracy kan duhmi a si. Federal cu kan mah tein cozah kan ser lai, Budget planning kan tuah lai, Kan miphun covo pawl kan mah tein kan tuah lai. Mah pawl cu Feredal kan timi cu a si. Kawl nih mah pawl cu tlangcung mi nih an ngah lonak dingah tiah a zuam pengmi a si.

Atu cu NLD nih 2008 phunghrampi cu cauk phaw hrim a diklomi a si. A chungca cu chim lo cauk phaw hrim remh a hau an ti nain an lih lawngte a si. Daw Suh nih Federal a duh lo caah cozah an tuan chungah Feredral kong a chim bal lonak a si. Federal an ngah sual lai tiah, teinak a hmu lomi Party cu Panglong conference kainak nawl a pe duh hna lo. A fawinak cun Tlangcungmi Party cu lo dih hna seh ti khi a si ko. CNA/F zong NLD cozah nih an rem hna lo. Federal cu Tlangcung mi lawng nih kan duhmi a si caah Tlangcungmi nih Federal phunglam kalpi ko hna u si. Credit: Mai Dawt Chin Sung