LAMDANG UM TILO, DR. SASA HI THLACAM IN BAWM CIO USIH

Thlacam nak he kan ti khawh mi poh in bawm hna uhsih. Kawlram cu Kan pi Suu nih a tawlrel cia mi Covid sii le Rohinger auh than nak kha kan tuah lai i mipi lung kan lak ko lai ti a ruat i aana cu anting taktak ko ,na in mipi cu chim lo an lungchung te cun ralkap le Palik lunghmanh an lak khawh hna ka zum lo.

Ram uktu nih mi nunnak a that cuahmah mi Covid khamh ding in chet an cawl hna lio ah kanmah ram cu Covid rai lak ah ralkap uknak aithuat chih i ,ralkap uknak anduh lo tuk ruang ah Kawlram um mi vialte cu Covid rai zong an lungthin ah a um tirua lo tiah ka ruah. Cun hi ralkap uknak hi kum 70 leng chung ah bia he hriam he tikhawh tilo mi ansi hlei ah a tu ah anmah nih aana kha a zapi in anlak beh hawi tik ah lung a pit ko,

Na in Khrihfa nih kan biakmi kan Pathian nih chanchuah a kantimh ko tiah nanruat cio ko lai kazumh ,zeicah tiah a tu CRPH Vice President hi Khrihfa a si i,Union Army caah biatak te in a cawl hmasa mi hna cu KIA le KNU khrihfa hriamtlai nih lam hmai ansak cu hmuh a si hawi. Cun hi CRPH hi cozah in a dirkhawh i ,a tu ah Unioan Army ah aitel ding tlaangcung hriamtlai vialte nih Kawl ralkap antei khawh nak ding ah Vawlei cung ramkip le

UN ah chet tiah Lai Pasal ( Pathian fapa ) Dr.SaSa cu din lo bak in thlacam nak he a cawl cuahmah cu zapi theih a si .Cun a mah zong nih thlacam a cah lengmang micu nan hmuh dih ko lai. CU caah hi kawl ralkap uknak kantei khawh nak ding caah cun CRPH kha cozah ah UN le ramdang nih ankan pawmpiak ahcun tlaangcung hriamtlai vailte kha Union Army ah ansi lai i Vanlawng kah nak te hna,

Raltuk nak tank kahnak te hna le a herh mi hraimnam poahpoah cu kanhmuh lai ti a si caah Dr.SaSa a hmurka cu Pathian nih a hman i ,UN le ram uktu hna thinlung ah biatak te in rian a ttuan i ankan zaangfah khawh nak hnga caah thlacam in bawm cio ko hna uhsih.Yangon Government tiah rak auh mi ( InSein ) tuk lio zong ah ralkut ah Kawlram a tlak lo nak ding caah thih le nun hmanh ruat lo in ral a tei mi taktak hna cu

Lai pasalttha Col. Van Kulh ,Lt.Col Hrang Thio le Cap-Thai Cawn anrak si khah mu. Cu caah Kawl ralkap uknak in kan luat thaik hawh nak ding caah cun lamdang a um tilo hih, Dr.SaSa a cawlcangh nak longlong hi lam a um caah zeizong vialte a tikho tu kan Pathian sin ah khukbil in halko hna uhsih . Credit: A Le Nichin.

Be the first to comment

Leave a Reply

Your email address will not be published.


*