MIFIR KHU AN SI HIH RAK I RALRING CIO UH, TTIHNUNG NGAI ASI

Laimi Chinmi vialte i ralring taktak hna usih. Kan i ralring lo ahcun kanmah lila caah attha lo. Tulio Laimi cu a minung kip ti awk in Facebook kan hmang ve cang hna. Thilttha tuk a si ko, Sihmanhsehlaw facebook ah hin mi hrawhhral a bawhmi tampi an um hna i, hi hna pawl kut chungin kan luat khawhnak dingah i ralring ngaingai kan hau.

Facebook ah misual pawl tampi an um hna. Cu chungah atu theih khawhmi id chungin minung pathum hi an timeline ah cabia an tarmi link hrimhrim hmehpiak hna lo ding asi. Culawng siloin hi langhtermi minung pathum Id pawl hi kan friend chungah an um asi ahcun block tuah colh cio hna usih. Aruang cu anmah hi mi hrokhrawl taktak an si hna.

Atu iralring dingmi tiah kan langhtermi hna hi Kawl maw an si kanmah Chinmi dah an si timi theih asi lo. Pakhat nak ah Zaenal Ashter tiah facebook account ah mindeuh in aa tuah i, a hmanthlak ah Lainu Laithil thuam he alanghnak ai tar. Amah hi hacker a si i, a cabia ah links a chiahmi hrimhrim hmehpiak lo ding. Cun kan friend ah a ummi a si ahcun block colh ding asi.

Cun Ensley Kashton timi zong hi a si tthiamtthiam. An mah pahnih lawng siloin Ojic Garcia timi zong hi a si. hmanthlak kan tar mi ah fiangtein an i tarmi hmanthlak le an muisam zoh in kan i fiang dih ko hna lai. Hi hna id pathum hi minung pakhat asi i, id deu min deu in aa tuahmi asi. Request an tuah hna zongah confirm tuah hrimhrim lo ding.

Ralrin tluk atthami a um lo. Kan theih ballo mi minung hna nih friend request an kan tuah tikah thatein zoh hmasa hna i, cu hnu ah hihi cu mittha or a id ahmanmi asi ko tiah kan timi lawng cohlan hna ding. Online ah hin a cung kan langhter cang in siseh, kan theih cio hna bangin misual fb hrawh ahmangmi tampi an um hna caah i ralring cio hna usih.

Be the first to comment

Leave a Reply

Your email address will not be published.


*