LAIMI KAN PA REV.S.LIAN HRE NIH BIAZAI IN APHUAN MI

Tulio ralhrang kawlralkap thiltuah mi konghe pehtlaiin Rev. S. Lian Hre nih biazai a phanmi cu a thatuk hringhran. Tlamtling taktak in a langhter. Ralhrang kawlralkap thiltuah hi minung lungput cu chimlo saram hmanh ah a chiabik mi lungput nak in an zual ko. An tuah sernak hi an zun caan a phan hrimhrim te ko lai. Saya Hre nih attialmi ka vun thil.

KAWLRAM MITTHLI: Rethei te-in, Aa pawimi fa. Hnukthlum dinh in, Aa pommi fa.Tirawl khaih in, Aa cawmmi fa. A thi le thau, dawptu fapa. Siang meithal he, Ralkap nih cun, Dawtu a nu, A taangkaa ah, Sel in a kah. Sunghno a nu, Mitthli a luang. Hrinhniang fale, Tah thawng a thang. Ralkap kan ti, Mah kaap an si.Hriamtlai ramdang, Tih in an ther.

Hriamhrei ngei lo, Mah ram mipi. Dawtnak ngei lo, zaangraam lo-in. Tlaihkhih siikvelh, Serhsat hrem in. Thongchin chiah le, Ramsa bang thah. Hringtu a nu, Mithli a luang. Lungfah au-thawng, Vulei a tlirh. Ram daw Seino, Li le thal le, David chai he. Tho ve hna maw, Lungfah celh lo. Thih nun ruat lo, Doh ser ve hna.Tih hlah phaang hlah, David Pathian.

Kan biak Pathian, An hmuh ko hna.An bomh lai i, Kan ral Goliath.A calpadar, A kheen ve lai. A molhmi thluak, Rawkin tlu seh. Teinak thantaar, Nan thlai hlan lo. Zuumtu hna nih, Khuup meithal he. Kan doh ve lai, Kan ral khuachia. Pennak tlu seh, Mipi pen ram. Nan taamhaal mi, Democracy. Ngakchuan semmawng, Thil hauh bangin. Kan hauhmi le, Kan nuar hnawhmi. Federal ni, Chuak cang ko seh!Tap hlah ka nu, Ni a chuak lai. Credit: Rev.S.Lian Hre

May be an image of 2 people, people standing and indoor

Relchih:Kawlram cu minthar pek asi ruangmang cang. United States of Myanmar dirh a si cang. Kawlram ahcun nihin April 1,2021 thawk in ramthar dirh a si cang. Cucu pyidaungsuh hlutraw committee a simi CRPH nih Kawlram federal democracy ram United States of Myanmar dirh a si cang tiah thawngthanhnak a tuah. Cu rualrual in CRPH nihcun ralkap nih an mah duh ning in sermi 2008 Kawlram phunghrampi zong March 31,2021 zan ah hrawh a si cang tiah thawngthanhnak a tuah.

Ralkap sermi 2008 phunghram pi zong nihin thawk cun a thi cang. A um ti lo. Hman awk a tlak ti lomi phunghram pi a si cang caah a duh mi nih rak hlonh khawh a si cang. A duh nih mei zong in rak khangh khawh a si cang tinak a si. Kawlram ah phunghram kan ngei ti lo. A tu United States of Myanmar nih phunghram thar an ser chom cang lai.

Kawlram ah Federal Democracy ram United States of Myanmar hi CRPH, tlangcung hriamtlai, sandah piah hruaitu hna, CDM hruaitu hna, nu bu hna, mipi bu hruaitu hna party dihlak hna hruaitu hna nih an i ceih dih hnu ah an fehter mi a si cang.Cucaah kawlralkap ralhrang hna cawlcanghnak cu adong cuahmah ko cang lai. Tlawmpal te lawng atang cang ti asi.

Be the first to comment

Leave a Reply

Your email address will not be published.


*