LAI PARTY NIH CM AN TTUAN KHO LAI MAW TIMI CU A FIANG KO CANG HIH

Chin mipi hna CNLD CNP ZCD UDP Independent pawl nih Chin ram ah CM an tuan kho lai maw? 2008 phunghrampi ah CM cu President nih a thim lai ti si ko. Ho hmanh nih CM thim nak nawl an/kan ngei lo.President i thim nak kan zoh lai. Pyituh Hluttaw in 1 Amyota Hluttaw in 1 Ralkap in 1cu hna pathum chung in Vote tam bik nih President tuan lai.

Pyituh Hluttaw hi an dih lak 330 an si i Chin Pyine kan covo hi 9 te lawng si. Zei party hmanh nih adih lak in an hmu lai lo.Cu caah Chin party ai ti mi hna nih Pyituh hluttaw ah an tlin nak ding samfa tia hmanh um lo.Amyota Hluttaw hi miphun ai awh caah kan covo hi 12 cio si.An zate 168 cung ah Chin Pyine covo zong 12 te lawng asi tik ah President tuan nak lam pelte zong um lo.

Cu caah President cu NLD maw USDP maw an si ko lai.USDP hi 2015 thimnak ah 41 nih teinak an hmuh nain Ralkap(ho nih thim lo)166 nih adir kamh peng caah tlin nak lam an ngei peng ve.Afiang mi cu Pyituh ah siseh Amyota ah siseh NLD an tling ko lai.Khi tik ah NLD nih cun Pyituh le Amyota in atling mi pahnih chung ah Pakhat kha President cah Vote an pek dih te ko lai.Tlangcung mi party nih NLD si lo Ralkap pek an hau te ko lai.Duh zong duh lo zong ah thil kal ning si.

Khi tik ah NLD nih an kan sawm lai le CM na kan pek lawng ah kan i kawp lai kan ti lai nan ti. An in sawm hna lai lo Chin Pyine ah Pyituh he Amyota he 21 hmunhma ah Chin Party ai ti mi hna nih 8 hlei nan hmu lai lo.Nanmah bawmh le bawmh lo kha zei si lai lo.Anmah NLD lawng nih 333 an tlin lo si cun Party ngan mi Party dang ai sawm te ko hna lai. Cucaah Chin Pyine ah CNLD CNP ZCD UDP independent pawl nih CM tuan nak ding lam pakhat hmanh kei cu ka hmu ruam lo.CM tuan khawh lo cun ministers zong tuan khawh dawh nan si lo. Pengpeng Pa

Thei awk hrimhrim asimi kong relchih:2020 Thimnak Ah Cun A Lai Ah A Ummi Pawl An Biapi Te Ttheo Lai.A ra laimi 2020 kum Chin ramkulh thimnak ah a biapi te hnga dingmi hna cu a lai ah a ummi pawl si te dawn an si.1. A cheu cu party kong ah an dirhmun a fek rumro CNLD, NLD, USDP le zei party paoh an si ah. Aho nih zei an chim zong ah anmah le ttanhmi party pin cu a dang party in MP aa cuhmi hna kha thimfung pek an tim hna lo.Pahnihnak. A cheu cu an khua cungah an dirhmun a fek. Aho an si le a zei party an si zong ah anmah khua mi te MP ah an i cuh ahcun amah kha thimfung pek an i tim diam cang. An dirhmun a fek cang.

Pathumnak. A cheu cu an tlang/peng cungah an dirhmun a fek ve cang. Aho an si le aho party an si zongah anmah tlang/peng mi te chung in MP aa cuhmi kha thimfung pek an i tim diam cang.Palinak. A cheu cu chungkhat le chungkhar kong ah an dirhmun a fek diam ve cang. Aho party an si, aho an i cuh, aho pengtlang mi an si zong ah, cun anmah khua le pengtlang mi te an si zongah an chungkhat le chungkhar chung in MP an i cuh ve cang ahcun amah sinah an thimfung kha an thlak ve diam cang.

Panganak. A cheu cu MP aa cuhmi pa/nu he hawikom an si caah maw, a rak i bawmchan balmi an si caah maw, theihhngalh an si caah maw, amah kha thimfung pek an timh diam ve cang.A cunglei panga chungah aa telmi pawl khi cu an dirhmun thlen a har ngai cangmi an lo.Cucaah a ra laimi Chin ramkulh thimnak ah cun a cunglei panga chung ah aa tel lo mi le a lai ah a ummi hna nih aho dah thimfung an pek te lai timi hi biapit ngai dawh a si. Credit: Nathan Pa LD Hmung