LAI HOLH IN KAN CHIM TAWN MI THI KO TI ZONGAH A EL LO DING PHUN ASI

Tutan US President kongkau he pehtlaiin minung tampi nih Donald Trump nih Joe Biden cu akhelthal aleh lai tiah ruah dih asi. Asinain tuzing chun ah US congress session cu tuah asi. Tlawmpal Trump supporter minung thong tampi ruangah caan karlak an ngol. An pehzulh tthan i, thil sining an langhter. Zapi i ruahchanmi vialte Trump cungah atlung lai timi asi tilo. Fiang tein congress nih Joe Biden cu teitu asi tiah fehternak an tuah. Hi konghe pehtlaiin Saya Van Tum nih atanglei bangin alanghter.

Saya Van Tum cabia cu amak lawlaw khi asi ko. Saya Van Tum nih atimi cu Pathian thlarau nih a umpi mi, David siangpahrang bantuk a si ko hi. Biakam hlun chung i raithawinak ah an hmangmi, do a tla i soisel awk a um lomi, hma a nei lomi, tuufa bantuk a si hi. Laiholh i kan chim tawnmi, “Thi ko ti zongah a el lo ding phun a si hi,” mi nunnem mi nunttha tuk a si hi,, tiah alanghter.

Relchih:Hnangam Deuh Si Cang: Zahan January 6 i Vawleicung Democracy ram vialte i pa bik ah ruahmi US cozah innpi (Capitol) chung tiang i hnahnawhnak (Choas) an chuahter hi cu a poi hringhran ko. Hmai a hngal lo taktak. Iran, North Korea le Kawlram te pawl hmanh nih an van nehsawh len ding ruah ah ka celh lo. A poi ko ti hlei chim ding um lo.

Sinain, US cu phunghram fek tuk le hruaitu ṭha tamtuk umnak ram si hraat kaw mob rule le tharuum hmang (violent) in kum 200 renglo a nung cangmi democracy uknak an teiter khawh lo zia an langhter khawh ṭhan i hna a ngam i thawpi a chuak. US cingcing a si ko. US ram hruaitu (lawmakers) pawl hi suimilam 6 hnu ah Congress innpi ah an lut ṭhan i zanṭim le khuamang tiang biaceihnak (debate) hi an ngei ṭhan.

Bia an i al dih hnu le vote pekmi a zoh dih hnu ah US president ding ah Electroral College nih vote sin pekmi cu an fehter (certified) i Vice President Mike Pence nih Joe Biden le Kamala Harris hi US rammi le Electroral college nih an thimmi cu a si tiah a phuan. Congress nih Electroral college vote an fehter (certified) khawh in President Trump zong nih a lungsi lo ngai bu’in,

US president nawl ngeihnak (power) i peknak ding hi a sining dingte in ka tuahpi ko hna lai tiah a chim ve cang i buainak dang a um hraw ti lai lo tiah zumh a si. (Foxnews: Trump recommits to transfer of power as Congress certified Biden’s Win). Cucaah, hnangam deuh a si ka hei ti ko. A dong taktak cang. Credit: Vanceuuk Khenglawt

Be the first to comment

Leave a Reply

Your email address will not be published.


*