KIA ZUNGPI UMNAK LAIZA, RALHRANG KAWLRALKAP NIH AN KAH

Ralhrang kawlralkap nih KIA zungpi umnak hmun Laiza cu hriamnam ngan in an kah hna. Hi konghe pehtlaiin Laiza ah a ummi khuami pakhat nih a chimmi cu zahanzan suimilam hleikhat le minute pahra hrawngah hriamnam ngan cu Laiza ah a tla. A rauh hlan ah a dang pakhat a tla tthan. Cu hnu zongah apuah thawng kan theih peng rih.

Hi bantukin ralhrang kawlralkap hna nih cawlcanghnak an tuahnak a ruang bik cu zeidang siloin kahdohnak ah anmah ralhrang kawlralkap lei tamtuk an thi cang caah mipi umnak tibantuk an kah lengmang tawnmi a si. Cucu ralhrang kawlralkap hna nih an cawlcanghning pakhat a si tiah kachin thawngzamhnak ah a chim.

Ralhrang kawlralkap hna nih KIA zungpi umnak hmun Laiza an kah hlan ah hin Waing Maw khuapi pawngah ralhrang hna an sakhan ah kahdohnak a chuak hmasa. Ralhrang kawlralkap sakhan pawngah hin Nizan suimilam pasarih in kahdohnak a chuak i, zan suimilam pahra tiang i kahnak thawngpang kan theih tiah khuami hna nih an chim.

Cu an i kah hnu ah ralhrang kawlralkap hna nih Laiza an kah hi a si. Tutan i kahnak ah kaphnih in a thimi le hliam a tuarmi zat theih an si rih lo. Waing Maw khua ah ralhrang kawlralkap sakhan pawng i kahnak ah hin ralhrang kawlralkap hna nih hriamnam ngan pipi an hman. Hriamnam ngan a tlaknak ah Laban khua i, vok an zuatmi pahra renglo zong an thi i, a dang zong rawhralnak zong aum lai tiah an zumh.

Laiza in the spotlight: Myanmar's rebel capital digs in – and switches on |  Cities | The Guardian

CDMers Thazaang Thawnter A Herh Rih. Nizaan ah an nuva in CDM a tuah mi hna chungkhar i an harhnak le hmailei ca an thinphannak facebook cahmai ah a hun kai ngai. CDM a tuah mi hna nih an harsatnak an chim tik ah micheu nih cun, “Nunnak a thap mi CDF hmanh an um lio ah mah te hna chim cu Laifa a si mi nih lo zong tah nan tuah cio.

Rian zong tah nan țuan cio, ti hna an vun denchih hna. An harnak pin ah an lungzornak aa chapchin. CDM hi an thisen chuak in ral an do lo nain an chungkhar dihlak sining a thaap mi an si ve ti hi kan hmuhpiak hna awk a si. CDF he tahchunh in kan namneh hna awk a si hrimhrim lo. Anmah sining dihlak nih a phak tiang an tuah mi si ti philhpiak hna hlah usih. CDF, CDM tuah pin ah atu pulrai aa thuat tik ah ramleng um mi zong an rethei ngaingai.

Anmah lawng rinh awk an țha lo. Laihlum um mi vialte i kan rian zong a si ve. A kan vengtu CDF kan dawt hna bantuk in an sining a thaap mi CDM a tuah mi chungkhar hna zong dawt philh hna hlah usih. An harsatnak hrawmpi hna usih. Khua khat cio ah a um mi CDM a tuah mi milu an tam lo. Khua khat cio in kan pawng i a um mi CDM hna an hnu in kan dirpi hna i an harnak kan hrawmpi hna ahcun an khuaruah a awng deuh lai.

Kan hnu ah mizapi an dir tak ko tiin an ral a țha deuh lai. Hmaisuang ah a dir ve mi kan CDMers pawl an lung a dongh lo ding hi Laihlum mizapi kan rian a si ve ti philh hna hlah usih.Pulrai le ral kut chung in kan him khawh nakhnga pakhat le pakhat i dirpi in i zohkhenh hna usih! Kan ral kan tei tiang kan tai fek tein i rek rih cio ko hna usih! Pathian sin thla cam buin kan ral do rih hna usih! Kan tei hlan lo dohți hna usih!Ralkap uknak kan tei lai, pulrai in kan i veng lai. By, Mai. Laknak The Hakha Post.

Be the first to comment

Leave a Reply

Your email address will not be published.


*