KHUARUAHHAR TAKTAK ASI KO, CHIATTHA PAHNIH BAK ANGEI

Khuaruahhar ngaingai asi ko. Theihtlei ngaingai asi. Nungak pakhat Molly-Rose Taylor timi cu Chiattha pahnih angeih pin ah Nau inn zong pahnih angei. Kum 19 asimi Rose Taylor cu damlo ngaingai in aum tawn. Sibawi te sin aa piah zongah hin Sibawi te hna zong nih afahnak hi an thei tawn lo.

Molly Rose Taylor hi kum 9 asi in a ngandamnak hi a ttha lo ngaingai ti asi. A vun i pa deuh i, nu nih thlachiarte an ngei tawnmi Thichuah caan aphak le bangah cun a khing arit ngaingai i, thaadi zaangba ngai in a um tawn tiah an chim. Culawng siloin a tlangvalpa he dawtnak nupa sinak an hman zongah hin afak lengmang tiah ati tawn.

Hi bantukin a fahnak ruangah va ngeih zong hi attih ngaingai tawn tiah an chim. Cun a thirat zong hi a punghman tawn lo ti asi. Kumpi kum nga chung hna cu dirhmun harsat ngaingai in a caan a hmang tawn i, lawmhnak caan zong angei kho tawn lo. A hnu ahcun a sining fiangtein an theih khawh cang.

Chiattha pahnih angeihnak kong cu amah lila zong khuaruahhar ngaiin a um caah online ah alanghter ve ti asi. Sibawi te hna nih STI test an tuah tikah cun fiangtein a sining theih asi. Chiattha pahnih angei pin nau inn zong pahnih angei tiah an hmuh chuah. Asining a vun i theih ahcun amah zong aa lawm ngaingai tiah an langhter.

Thlachiar te a thirat caan apung hman lonak zong hi Chiattha pahnih angeih caah asi tiah an chim. Ahnu ahcun a sining thatein langhter asi hnu ahcun i zohkhanhning or i thlopbul ning zong an theih khawh cang ti asi. Hi konghe pehtlaiin SIBAWI te hna nih an chimmi cu nau zong thatein a pawi kho ko lai tiah an chim. Chungkhar Nu si dingah harsatnak angei lo tiah an langhter chih.

Hi konghi aliamcia i asi ko nain thil phundang ngaingai mi theitlei ah tiah vun langhter tthan mi asi. Arelcia mi zong tampi kan um lai cang nain a rel rih lomi le a thei rih lomi hna caah tiin kan vun langhter tthan mi asi.

Be the first to comment

Leave a Reply

Your email address will not be published.


*