KHAH RALKAP BAK A BIAPI BIK AN SI KO CANG HIH

Federal hmuh khawh nak ding cun (Ralkap) an lung an ni thleng a hau.Kawlram ah cun perty ngan pahnih lawng a um (NLD/USDP) mah pa hnih nih lungrawl ten ram tha kan dirh lai tiah an i komh kho lawng ah Thisen chuak hau lo in Federal cu kan hmuh khawh lai.Vote an pek tik ah, Ralkap nih Vote 30% an ngei i Cozah (NLD) le mi pi nih 70% kan ngei.

Upadi remh le Federal ser kan duh i Vote kan pek ah cun 75% a luan a hau. mah vote a tlin khawh nak ding cun Ralkap nih vote pa khat an kan pek ve a hau.NLD nih zei hmanh a rem kho lo hlei ah an mah duh ning in rian an tuan kho lo.a hram tlai tu cu Ralkap tho” an si.cu caah NLD nih zei hmanh a tuah lo ti ding si lo i, Ralkap nih an kan uk rih ti tu hi kan thei awk a si.

Kan kawl ram ah cun, President nih nawl a ngei kho lo.Ralkap bawi (ကာချုပ်)(Min Aung Hlai) nih nawl a ngei deuh i, Ram pa khat va tuk nak ding Order a chuah kho tu zong (Min Aung Hlai) lawng a si.Ralkap cu ram caah a herh mi tiah pom a si tik ah, fawi tein ti khawh an si lo.cu hlei ah Upadi le Federal rim a chuah kho tu ding cu (NLD) lawng hi a si.nain Vote nih a tlin fon i, Federal hmuh cu aa hlat ngai rih.

Cu ruang ah (Nun nak he Thi sen) he a tang ngai mi (Ka Chin/Ka Yin/Rakhine) te khi an mi nung le an Tangka lawng a dih i, Federal an hmu kho lo.Federal hmuh nak cun Ralkap nih an nun nak an sian deuh.Cu hlei ah mah Tlang cung mi do nak ding ah Ralkap cu a rum tuk cang fon.kan ram a that khawh nak ding si ah cun Ralkap nih an mah rian an tuan i, Cozah(President)tuah ding mi ah an i thlak lo kha a si.

Federal hmuh nak ding cun, NLD zong nih a kan pe kho lo.CNLD zong nih an kan pe kho lo.Ralkap kut ah a um. Mah tehi kan thei lo i, NLD le CNLD kut in hmuh khawh kha kan i tim.zei tik hmanh ah kan hmu kho lai lo.NLD zong nih a tuah kho lo, CNlD chin” nih cun chim a hau lo.Tiva pi hmanh nih a feng khawh lo mi cu Tiva te nih cun zei tin a feng chin khawh ha.ho hmanh mawh phur tar awk an si lo i, Ralkap kut ah kan um ko rih ti tu kha kan hngal a herh.

Catialtu: Salai Lal Lian HC