Kawl Ralhrang Pawl An I Cenet Lo Tuk, Revenge Lak Ding In An I Tim Cang.

Alaw Bum Tlaang ah KIA nih Myanmar Ralkap an Battalion Ning in an Thio Hna. Kachin ram, Tuluk ramri ah a ummi Alaw Bum sakhaan a rak dohtu Myanmar ralkap battalion Kha Ma Ya (320) cu KIA nih an battalion ning in an tthio dih hna, tiah theih a si. Kha Ma Ya (320) ah Myanmar ralkap 100 leng an i tel i Battalion Commander a thih pin ah ramlak ah ralkap pathum hrawng lawng an taang,
tiah Kachin thawngzamhnak nih an ttial.

Lu Seng Lazum's tweet - "@khitthit_media Now Happening in Kachin, Alaw Bum near Daw Hpung Yang , #Bhamo , Kachin State.Kachin Ethic Armed Group & Military Junta Group have been Fighting since

KIA chimnak nawlngei Col. Naw Bu nih, “Myanmar ralkap lei a thimi an tam ngaingai tiah kan theih. Kha battalion i ralkap pawl kha kan ralkap nih an tthio dih cang rua hna. A nungmi ralkap pahnih
pathum lawng an taang. Atu hi mah a taangmi Myanmar ralkap pawl cu ramlak ah kan kawl hna lio a
si,” tiah a chim. Kha Ma Ya (320) ralkap pawl cu Alaw Bum sakhaan doh ding in bu 2 in an i tthen i an
rak kal. Bu khat i an hruaitu ralbawi a thih caah hmainor loin an kir tthan

A dang a taangmi bu khat hi KIA nih atu ah an tthio dih hna hi a si. Alaw Bum tlaang a dotu ah aa telmi Myanmar ralkap pakhat zong Laiza pawng i khua ah a zaam i, khuami pawl sin ah tirawl a hal hna. Cu ralkap nih cun, “Ramlak ah rawl kan ei lonak ni 8 a si cang. Banluang zim pawl lawng kan ei,” tiah khuami a chimh hna i rawl a hal hna.

Alaw Bum sakhaan cu KIA nih March 25 ah khan Myanmar ralkap kut in an rak lakmi a si. Alaw Bum
sakhaan lak tthan ding in Myanmar ralkap nih nizan tiang pehzul in ni 4 chung vanlawng in an kah nain an la tthan kho ti lo. Source: The Chin Journal, April 14, Yangon (Kachinwave)

Be the first to comment

Leave a Reply

Your email address will not be published.


*