KANNIH CU NLD KAN SI LO TIAH TI HRAM HLAH USIH: SALAI LUNGTHLITUM

Salai Lung Thli Tum cabia cu uar aum tuk hringhran, theihcio bangin tutan Kawlralkap nih uknak an lak mi cungah duhlonak alanghtermi tampi an um hna i, sizung rianttuantu tampi hna zong nih duhlonak an langhter lawng siloin tthenkhat cu arian tiangin a chuakmi thawngpang theih asi. Hi konghe pehtlaiin Salai Lung Thli nih CNLD le USDP zong a vun tthuat ve cang hna, A chimmi hi ahman taktak.

Atu kan doh cuahmah mi kawlralkap hna hi CNLD le USDP nan ral zong asi ve hih tiah a ti. NLD kan si lo caah kannih cu pehtlaihnak kan ngei lo tibantuk in um hlah usih. Ralkap uknak a chuah taktak asi ahcun ahohmanh aluat ding kan um lo atuar dih dingmi kan si tiah a langhter. Salai Lung Thli Tum nih tutan konghe pehtlaiin a langhtermi a tanglei bantuk in hin asi.

Atu kan doh cuahmahmi kan ral tihnung khi NLD le Suu Kyi an ral lawng a si lo, kan dihlak kan ral a si. CNLD le USDP nan ral zong a si. NLD kan si lo caah kan i saing lo ti hram hlah u sih. Party politics kaltak rih u sih, lung i rual a herh bik caan a si. Ralkap uknak thlichia nih cun ahohmanh a kan hrial lai lo, kan dihlak kan tuar te ding a si. Credit: Salai Lungthlitum

Athei Rih Lomi Caah, Biafiang taktak vun theih cu hnangam ngaingai asi. Nizan biachokvai alengmi nih mipi thinphan thlalau viar in a tuah hna. Nizan ah thawngpang a lengmi cu Kawlram tangka thong nga ca le thonghra ca an thah lai tiah thanhnak an tuah. Asinain hi kongah thawngpang fiang tein central nih thanhnak an tuah. An timi cu Thongnga ca le Thonghra ca hi thah asi lai lo tiah Central Bank of Myanmar nih cathanh achuah.

Kawlralkap nih uknak an lak hnu ah buainak kong tampi a chuak. Cu chungah tangka thongnga ca le thonghra ca an thah lai tiah thawngpang a chuak tthan. Hi bia hi a dik lomi asi tiah nizan ah Central Bank nih cathanh an chuah. Culawng siloin Bank zong an khar hna lai tiah thawngpang a ummi zong adik lomi asi i, mipi pawl thinphan thlalau in um hlah uh, hngangam tein um ko uh tiah an langhter.

Sang Hre:Cozah He Chonhbiak Mi Kongah Thawngthanh: Nizaan ah Tlamtling tein Deartment of Home Affairs lei tuanvo an pek mi he telephone in sau nawn kan i chon. Kan i chonhnak a ruang bik cu kawl ralkap nih hramhram loin uknak a lak mi kong update peknak le an sin a phan mi information le kan nih Chin communities sin a phan mi information hromh khi a si. Kan theih mi information pawl tampi an rak theih deuh rih lo. Australia khuasa Chin miphun le Kawlram miphun nih kan lungfahnak le tuarnak kong tiang ceihkhannak kan ngei. Cun, mah uknak lak ruangah Chin miphun chung in Australia ah sianginn a rak kai mi hna le visit in rak tlawnnak in ai tap mi hna ca zong kan ceih. Kan i chimhchomh mi chung in langhter awk a tha mi cu hna cu atanglei bantuk in ka rak langhter.

Pakhatnak. Ralkap nih uknak a lak dih hnu ah Cozah lutlai hna le ramkhel riantuantu cheukhat an tlaih hna. Hi ka Australia a um mi chung in mah ramkhel ruantuannak ah ralkap nih an nunnak tiang tlerhkhonh le tlaih in an kawl mi hna a um ahcun kan Cozah sin ah an min pek piak khawh a si lai. 2. Atu ahcun thil kalning kha fehter awk a tha deuh rih lo (the situation is fluid). Cucaah, Cozah lei kam in hi ka ai tap mi vialte caah special visa tuah piak awk an tha rih lo. Asinain, Cozah nih kherhlainak kan tuah dih hnu ah nan ram sining hoih le pumpak pakhat cio hoih in kan zoh piak te ko hna lai.

Pathumnak. Cozah lei kam in atu bantuk thil cang mi kan theih ko nain caan sau deuh hngah kan hau. Department of Foreign Affairs sin in information cu kan ngah lengmang ko. Neih tein kan rak zoh ngiat peng lai. 4. DHA lei kam nih Cozah nih an ngah mi thawng pang kha Australia Chin Communities’ Council a thanh peng ve lai.Kan mah lei kam in zarh khat chung thil a cang mi kha DHA sin ah thawng thanh ve ding. 5. Tuzarh Zarh pi Ni (Sunday) brief report ka tial lai i Cozah sin ah ka kuat hna lai. Cucaah, a herh mi ka theih awk a si ko tiah nan ruah mi cu information sharing tuah khawh peng ka si. Credit: Sang Hre

Be the first to comment

Leave a Reply

Your email address will not be published.


*