KAN PA NIH A VUN KA CHIMH CU MIRH LOIN KA UM KHO BAK TI LO:DR PARI

Covid in ka zaw i sii inn ka um lio ah kan pa nih phone in bia chim awk kan ngei a ka ti. Zei dah ka ti i dam tein inn na phak tik caah kai chiah a ti. Inn ka phak tikah ka hal than.Covid in na dam than hnu cun a let zakhat in kan dawt cang a ka ti. Mirh loin ka um kho lo. Zeicatiah a dawtnak a ka pek mi ka lungthin dih lak in ka cohlan (accept) caah nuamh loin ka um kho lo.

Cu ka mirh le kai lawmh a hmutu kan pa aa lawm chin ve nak cu a mithmai ah ka hmuh than. Pathian nih “Dawtnak Laksawng” a kan pek i kanmah nih kan cohlan tikah kan Pa Pathian hi zeitluk in dah kanmah nakin ai lawmh chin chin hnga mu ti a ka ruahter. Pathian dawtnak kan cohlan mi chung in a chuakmi dawtnak lila in pakhat le pakhat dawt a kan fial.

A chel ahcun zumhnak lawng kan ruat tawn.A ngaite kan ti ahcun Pathian dawtnak tu nih Amah kha a kan zumhter mi a si.Baibal nih zumhnak nakin dawtnak a ngan deuh a ti kha. Kan nun caan tawite ah daw tein um hi kan i ngaichih lo ding cu a si ko. Ngaih chih cu mah le mah dantat bantuk a si i ngaih chih hnu ah rem than zong a ngah ko nain a hmape belte cu a zungzal a hmun camcin ko lai.An nun chung caan tawite mi cungah dawtnak tuanbia a tialtu hna hi mi thluachuah cu an si.

Relchih a liamcia nithum ah a ttialmi :Zaang dam tein nun kan thiam lo ahcun van i a zuangmi Vate Hmanh Khi. Covid in ka zaw i ka damnak in ka tha a fekfuam tuk rih lo caah video zong ka tuah kho lo. Nu/pa kong ka chimmi comment tete ka zoh than. Mi thin hna ka hun ter. Tulio cu ka fb ah thim lai a si caah politics lawngte nih hmunhma a lak. Politics cu ka thei lo ve lo nain Comment tete ka rel pah.Kawl Taihciat le Lai ar an i cuknak a tam ko.

Lai ar le Lai ar zong an i ngiar pah ve cang rua ka ti.Cutikah ka Paradox timi mirang biafang ka lungah a chuak. Laiholh cun aa kalh mi thil tinak khi a si ko Electric hri sinak ai khat lo mi negative (Anak) le positive (Asen) hmun khat ah an um ti i ceunak power a chuah bantukin sinak ai khat lo mi mi fapa Jesuh le Pathian thlarau cu hmunkhat ah an um ti ve.

Jesuh Krih hrim hrim hi Paradox cu a si.Aa kalhmi thil he then awk tha loin kan i pehtlai caah hrial awk a tha lo mi a si. Nain zumtu kan phorhrit vialte cu Jesuh Krih nih a kan chawn cang i aa kalh mi thil kan tonmi nih phorhrit a kan pek awk a si lo. Zaang dam tein nun hi a nuam i chan saunak zong a si. Zaang dam tein nun kan thiam lo ahcun van i a zuang mi vate hmanh kan tluk sual hna lai lo. Credit: Dr Pari

Be the first to comment

Leave a Reply

Your email address will not be published.


*